Martin Bangemann
Martin Andreas Bangemann (* 15. November 1934 in Wanzleben † 28. Juni 2022 in Saint-Vincent-la-Châtre, Frankriek) weer en düütsch Politiker (FDP).
He weer van1984 bit 1988 Bundsminister för Weertschap un van 1989 bit 1999 EU-Kommissar för den Binnenmarkt (bit 1993) bzw. för Industriepolitik, Informatschoonstechnik un Telekommunikatschoon. Van 1985 bit 1988 weer he ok Bundsvörsitter vun de FDP.
Leven un Berop[ännern | Bornkood ännern]
Nah dat Abitur 1955 hett Bangemann Juristeree in Tübingen und München studeert, dat he nah dat eerste un tweete juristisch Staatsexamen 1962 mit den Doktertitel afslooten hett. Sie Arbeit för den Doktertitel weer Bilder und Fiktionen in Recht und Rechtswissenschaft. Siet 1964 is he as Afkaat tolaaten.
An' 1. Juli 2000 wurr Bangemann Liddmaat in' Vörstand vun de spaansch Telefon-Konzern Telefónica[1] un in' Juli 2001 Liddmaat in de Upsichtsraat vun de Hunzinger Information AG.
Martin Bangemann weer verheiraadt un harr fiev Kinner.
Partei[ännern | Bornkood ännern]
Siet 1963 is Bangemann Liddmaat vun de FDP. Van 1969 bit 1974 weer he Stellvertreten Vörsitter un bit 1978 Landsvörsitter vun de FDP/DVP in Baden-Württemberg. Van 1974 bit 1975 weer he Generalsekretär vun de FDP. Van 1985 bit 1988 weer he den Bundsvörsitter vun sien Partei.
Afordneter[ännern | Bornkood ännern]
1972 wurr Bangemann eerstmals in den Düütschen Bundsdag wählt, immer över de Landeslist Baden-Württemberg. Siet 1973 hört he ok dat Europääsch Parlament an. He wurr 1979 bi de eersten Direktwahl weer Liddmaat vun dat Europääsch Parlament un is dorüm mit Afloop vun de Legislaturperiood 1980 ut den Düütschen Bundsdag utscheeden.
In dat Europääsch Parlament weer he van 1979 bit 1984 Vörsitter vun de Liberalen un Demokraatschen Fraktschoon. 1984 keem de FDP nich weer in dat Europa-Parlament, wiel se mit hör Stimmen nich över fiev Perzent keemen.
Van 1987 bit 1988 weer he denn weer Liddmaat vun den Düütschen Bundsdag.
Sien Sekretärin Johanna Olbrich (alias Sonja Lüneburg), de för Bangemann van 1973 bit 1985 arbeiten dee, weer en Spionin vun dat DDR-Ministerium för Staatssekerheit.[2] Ok, nahdem se rechtskräftig veroordeelt wurrn weer, bleev dat en früendschaplich Verhältnis.
Apenlich Ämter[ännern | Bornkood ännern]
An' 27. Juni 1984 wurr Bangemann as Bundsminister för Wertschap in de vun Bundskanzler Helmut Kohl führt Bundsregeeren beropen. Anfang 1989 wessel he as Liddmaat in de EG-Kommission wo he för de Binnenmarkt tostännig weer. 1993 wurr he EU-Kommissar för Industriepolitik, Informatschonstechnik un Telekommunikatschoon. Dit Amt behull he bit to de slooten Rückträe vun de EU-Kommission 1999. In sien Amtstiet dreev he vör allen de Liberaliseeren vun de Telefonmärkte in Europa vöran un droog dormit to dat Upbreeken vun de bitherigen staatlichen Monopole in dissen Beriek bi.
As EU-Kommissar weer Bangemann in Brüssel för den Kommunikatschoonsberiek tostännig. De Raat vun de Europääsch Union harr mit Besluss van' 9. Juli 1999 gegen Bangemann en Verfohren vör den Europääschen Gerichtshoff anstrengt, um en mögelk deenstlich Fehlverhollen in' Tosommenhang mit de sien Wessel to'n Telefónica-Konzern prüfen to laaten. De Raat weer bang, dat dat Verhollen vun Bangemann den Roop vun de Kommission as unafhängig un unparteiisch Gremium gefährden dee un hett sück dorför utspraaken, de Ruhegehaltsanspröök vun Bangemann aftoerkennen (Rs.T-208/99). Ünner annern nah Bangemann sien Toseekern, sück in de Tiet vun Juli 1999 bit Juni 2001 beoorlooven to laaten, bevör he en darte Partei gegenöver den EU-Organen vertreden würr un nahdem Bangemann verkloort harr, dat he de vun hüm to glieker Tiet bi den EuGH inbrocht Klaag gegen den Raat (Rs. T-208/99) torüchtonehmen, wurr dat Verfohren instellt.
Dissen Wessel vun en Kommissionsliddmaat in en Ünnernehmen, dessen Geschäftsfeld tovör in dat Upgavenrebeet vun den Kommissars full, hett de EU-Kommission to'n Anlaat nommen, en Verhollenskodex nebst Ethikkommission intosetten.
Utteknungen[ännern | Bornkood ännern]
- 1988: Groot Ehrenteeken an' Bande för Verdeensten um de Republiek Öösterriek[3]
- 1989: Groot Verdeenstkrüüz mit Steern vun de Bundsrepubliek Düütschland
- 1989: Grootkrüüz vun den Orden vun den Infanten Dom Henrique
- 1999: Reinhold-Maier-Medaille vun de Reinhold-Maier-Stiften
Weblenken[ännern | Bornkood ännern]
Enkeld Nahwiesen[ännern | Bornkood ännern]
- ↑ http://www.manager-magazin.de/magazin/artikel/0,2828,484492,00.html%7Ctitle=Was macht eigentlich Martin Bangemann?|publisher=manager magazin online|date=29. Juni 2007|accessdate=19. Juni 2012
- ↑ [1] Die Kundschafterin, van: junge Welt, van’ 19. Februar 2004, afropen an’ 19. Juni 2012
- ↑ Aufstellung aller durch den Bundespräsidenten verliehenen Ehrenzeichen für Verdienste um die Republik Österreich ab 1952
Ludwig Erhard | Kurt Schmücker | Karl Schiller | Helmut Schmidt | Hans Friderichs | Otto Graf Lambsdorff | Manfred Lahnstein | Otto Graf Lambsdorff | Martin Bangemann | Helmut Haussmann | Jürgen Möllemann | Günter Rexrodt | Werner Müller | Wolfgang Clement | Michael Glos | Karl-Theodor zu Guttenberg | Rainer Brüderle | Philipp Rösler | Sigmar Gabriel | Brigitte Zypries | Peter Altmeier