Rama mbledh qeverinë dhe kryebashkiakët në Shkodër/ Të pranishëm edhe krerët e bashkive të djathta, zbardhen temat e diskutuara

edi rama

TIRANË- Kryeministri Edi Rama u shpreh se Reforma Territoriale do një fazë të dytë, por tha se për t’u bërë kjo duhet konsensus me pakicën.

Ai tha se nëse reduktohet numri i bashkive mund të prodhojë më shumë rezultat në ekonomi. Rama shtoi se Shqipërisë i duhen më pak bashki dhe më shumë kualitet në administrimin vendor.

"Reforma territoriale do më pak bashki, por kjo kërkon konsensus me një pjesë të pakicës por ky është një debat vetëm harxhim kohe. Është e sigurt se nëse bashki të caktuara nëse bashkohen me një tjetër, mund të prodhojnë më shumë ekonomi, rezultat. Për shërbimet janë të qarta sesi do të jetë e ardhmja e tyre. Shqipërisë i duhen më pak bashki dhe më shumë kualitet në administrimin vendor”, tha Rama.

edi rama

SHKODËR- Kryeministri Edi Rama, pas përfundimit të mbledhjes së qeverisë me kryebashkët e vendit ka zhvilluar një komunikim me gazetarët. Ai u pyet nga gazetarët nëse do të ketë zgjedhje në Himarë, pas dënimit të kryebashkiakut të zgjedhur të Himarë, Fredi Belerit. 

Rama u shpreh se pritet vendimi i Apelit, pastaj do të veprohet sipas ligjit. Ai tha gjithashtu se komentuesit e jashtëm sipas tij duhet të lënë drejtësinë shqiptare të merret me çështjet e brendshme të Shqipërisë.

"E dini shumë mire arsyen pse nuk kemi pasur zgjedhje. Do presim vendimin e Apelit, pastaj do veprohet sipas ligjit. Zgjedhjet e reja nuk i shpall kryeministria por presidenca. Do kishte qenë e udhës që drejtësia shqiptare të ishte lënë e qetë për të gjitha çështje e brendshme që i takojnë Shqipërisë. Është drejtësia shqiptare që vendos për qytetarët e Shqipërisë.", tha Rama

Foto ilustruese

TIRANË- Edi Rama Kryeministri Shqipëria ka folur ditën e sotme pas mbledhjes së qeverisë. Rama i është përgjigjur pyetjeve lidhur me marrëveshjen e deputetëve në parlament për të vijuar normalitetin.

Sipas tij kjo nuk është një negociatë apo marrëveshje por një diskutim mbi të drejtat e palëve. Sipas Ramës mazhoranca si ka refuzuar asnjëherë Komisionet Hetimore, por i është refuar Kushtetueses.

Rama: Nuk kemi shkelur asnjë të drejtë për Komisionet Hetimore. Ne kemi refuzuar iniciativa që në emër të Komisioneve Hetimore shkelnin kornizën e Gjykatës Kushtetuese. Kjo është çështje të drejtash, jo marrëveshje dhe negociata. Deputetët, opozitat apo grupet kanë të drejtë të diskutojnë. Ne Partia Socialiste do tja lëmë në tryezë Kuvendit, sepse Komisioni i Reformës Zgjedhore po i mbaron koha. është krej normale që të jemi me kryetarët e bashkive dhe më vjen mirë që ata kanë bërë detyrën e kryetarëve të bashkive.

hil curri

SHKODËR- Kryetari i bashkisë Fushë Arrëzit, Hil Curri tha për mediat pas mbledhjes së zhvilluar në Shkodër mes kryebashkiakëve të vendit dhe kryeministrit Rama, se nuk e ka parë takimin në aspektin politik pasi sipas tij problematikat e qytetarëve janë më të rëndësishme.

Curri u shpreh se gjatë mbledhjes kanë marrë një garanci duke qenë se vendi është në rrugën e integrimit drejt BE, duke theksuar se nëse ata do të ndihen të parespektuar do të ankohen te kancelaritë evropiane. Më tej ai tregoi se gjatë takimit u vendos që një herë në muaj kryebashkiakët të kenë një komunikim me ministrat përmes platformës Skype për të thelluar bashkëpunimin.

“Asnjë prej nesh nuk e ka parë në aspektin politik sepse problematikat e qytetarëve janë janë më të rëndësishme se disa gjëra të vogla. Morëm një farë garancie duke qenë se po shkojmë drejt BE, edhe bashkëpunimi me ministrat dhe u la të komunikojmë një herë në muaj në Skype me gjithë ministrat dhe kjo ndihmon në bashkëpunimin tonë.

Nuk besoj të ketë përplasje për shkak të politikës pasi garancia më e madhe për ne është BE. Nëse ne ndihemi të parespektuar do ankohemi te gjithë kancelaritë evropiane. Ne jemi përfaqësues të qytetarëve, kur kryeministri dhe ministri i Pushtetit Vendor na thërrasin ne duhet t’i përgjigjemi për hir të interesave qytetare”, u shpreh ai.

Foto ilustruese

SHKODËR- Kryeministri i Shqipërisë, Edi Rama ka dhënë një deklaratë për mediat ditën e sotme pas mbledhjes së qeverisë dhe me kryetarët e bashkive. Rama dha detaje për sugjerimet dhe projektet që kanë ndarë së bashku.

Ai tha se është domosdoshmëri rivlerësimi i nivelit të pagave. Ai tregoi se është diskutuar edhe për pasurinë e pyjeve dhe gjithashtu edhe për planet e BE-së

"Kemi domosdoshmërinë e rivlerësimit të nivelit të pagave të bashkive dhe sot bashkitë janë të ndarë ne pesë nivele të bazuar në numrin e banorëve. Ne do të kalojmë në dy nivele dhe do të bëjmë nje rritje të pagave për tu përafruar. Këto që janë më të vogla që nuk fusin dot në punë profesionist për shkak se nuk i paguajnë dot do ketë ndërhyrje. Kemi sfidë për mbledhjen e taksës së pronës, ku disa e nxjerrin një mbledhje të mirë dhe disa se marrin fare. Te mbledhja e taksës së pastrimit kemi një performancë të mirë. Kemi diskutuar për pasurinë e pyjeve dhe na duhet që këtë pasuri ta vendosin në dispozicion të rritjes ekonomike të vendit. Të gjitha ato bashki që kanë pasuri pyjore duhet t'i mbështesim për mbarshtimin. Duhet të thënë që 67 përqind nuk e kanë të plan dhe kjo është alarmante. Kemi folur për planet e BE dhe kemi diskutuar për strukturën përkatës që do t'i ndihmojë që të aplikojnë për projekte. Edhe një qasje të koordinuar me bashkitë për legalizimet e mbetura.", u shpreh Rama.

Foto ilustruese

SHKODËR-Fisnik Qosja, Kryetari i Bashkisë Kavajë ka folur pas mbledhjes së qeverisë. Qosja është ndalur pas gazetarëve dhe ka dhënë detaje nga mbledhja.

Sipas tij në mbledhje u fol për problematikat e qytetarëve dhe kërkesat e tyre. Qosja tha se ata aty morën pjesë për qytetarët dhe theksoi se ata e kanë treguar në 14 Maj se me kë forcë politike bëjnë pjesë. Nga ana tjetër ai u shpreh se nuk kanë ndjerë ndasi politike gjatë mbledhjes dhe se kanë marrë garanci nga Kryeministri për të realizuar planet e kryera.

Qosja: Besoj që gjithë kolegët e mi, nuk kemi ndasi për punët e qytetarëve. E kemi treguar në 14 maj se kush jemi politikisht. Nuk u ndjemë jo të barabartë, folëm për kërkesat. Veprat do tregojmë sesa garancia që dha Kryeministri Edi Rama do jetë në funskion.

Foto ilustruese

SHKODËR-Edi Rama, Kryeministri i Shqipërisë është parë gjatë pushimit të mbledhjes së Shkodër që është shkëputur për të inspektuar stadiumin "Loro Boriçi". Rama duke i shoqëruar nga Kryetari i Bashkisë Shkodër Benet Beci dhe trajneri i "Vllaznisë", Alban Xhaferri. 

Ata kanë inspektuar dhe pjesën e "Zdrales", ku pritet të shëmbet pas rikonstruksionit të stadiumit. 

Kujtojmë se në Shkodër ka nisur një agjendë mbledhjesh midis qeverisë dhe kryebashkiakëve të vendit, duke përfshirë dhe figurat e Opozitës. 

SHKODËR-Ministri i Shtetit për Pushtetin Vendor ka analizuar në mbledhjen e përbashkët të qeverisë dhe kryetarëve të bashkive, strukturën financiare, të burimeve njerëzore dhe të treguesve të performancës.

Në mbledhjen ku merr pjesë kryeministri Edi Rama, janë prezentë edhe 6 kryetarët e bashkive të Partisë Demokratike. Për sa i përket Burimeve njerëzore, është analizuar numri inpunonjësve për 1000 banorë për të gjitha bashkitë, në aparatet e tyre dhe shërbimet që ofrojnë.

Sa i përket anës financiare, bashkitë janë futur në sitë kapacitetet e bashkive për të mbledhur të ardhurat e tyre, si dhe cilat janë bashkitë që performojnë më mirë. Po ashtu bashkitë janë analizuar edhe sa i përket aftësisë për të shkruar projekte dhe për të thithur fonde nga Bashkimi Europian.

Te ardhurat vendore

2023 u rriten me 271% krahasuar me 2015

Nga 13 miliardë në 31 miliardë.

Shpenzimet vendore

102 % më të larta se në 2015.

14 bashki janë të varura 85% nga grantet dhe transfertat e qeverisë, ndërsa 10 bashki (me mbi 100 mijë banorë janë të varura në masën 55%

Bashkitë më të mëdha e kanë të balancuar këtë raport në 55%.

Detyrimet e njësive vendore jane ulur me 60% nga 12 miliard në 4.8 miliard lek.

Borxhet e bashkive janë 4.8 mld lekë, 60% më pak se në 2015, Kavaja dhe Vora janë bashkitë me më shumë borxhe.

Shkodër

SHKODËR- Kryeministri Edi Rama ka mbledhur sot kabinetin qeveritar dhe kryebashkiakët socialistë në stadiumin “Loro Boriçi” në Shkodër. Mësohet se takimit i janë bashkuar dhe  kryebashiaku i Fushë-Arrëz, Hilë Curri dhe ai i Pukës, Rrok Doda, të dy kryebashkiakëopozitarë të dalë nga listat e koalicionit “Bashkë Fitojmë”, të ish-kryeministrit Sali Berisha dhe Kreut të Partisë së Lirisë, Ilir Meta.

Në takimin në fjalë pritet që të bëhet një analizë e thellë financiare dhe të diskutohen edhe projektet e BE-së, shërbimet, si edhe burimet njerëzore.