影片
港鐵石門站 C 出口, 步行約3分鐘
繼續閱讀
電話號碼
31055531
付款方式
以上資料只供參考, 請與餐廳確認詳情
11點半後入座見到仲有多空位，但員工安排坐冷氣滴水位，其他客人有空位都要搭枱，諗住試吓新茶餐廳，但係員工服務唔係幾好，嘢食都只係一般般，試咗個常餐只係一般，冇乜誠意。
繼續閱讀
午飯時段又去到沙田，今次唔係去市中心嗰邊，而係過咗石門原來同市中心都有一段距離，搭巴士都要十幾分鐘先到。望咗啲餐廳一陣，終於見到有間唔使排隊，就入咗去喇。我嗌咗一個全日早餐，入面有吉列魚柳、炸薯餅、牛乳炒蛋、牛油粟米、熱香餅同埋法蘭克福腸添。我仲叫多杯牛乳紅豆冰之外，嚟到呢一間舖頭，一定要食下佢哋嘅老婆餅啦。呢間舖頭整體嘅所有食物味道都唔錯，老婆餅熱辣辣就更加唔使講，非常好味。雖然價錢有少少貴，咁樣食法都要八十蚊。但係非常飽肚，份量冇呃人。
繼續閱讀
好似大鄉里出城咁，第一次坐屯馬線來到石門，估唔到出站後見到這裡咁繁忙，與朋友揾地方食晚飯，經過見到這恆香的招牌，和門口包餅櫃內的老婆餅，感到很神奇：老字號賣餅的恆香竟然有餐廳，便二話不說要幫襯！裝修幾靚，我哋坐在落地玻璃側的卡位。食物的種類就是茶餐廳類，我們二人都點了小菜套餐，就可以share 食！生炒排骨可以話係香港小菜的代表，真心覺得這裡做得幾有水準，鑊氣夠，絕對可以媲美大酒樓的出品。西蘭花炒魚塊也不俗，火喉夠，調味得宜。晚飯小菜套餐附送白飯一碗及羅宋湯一碗，幾抵食！很欣賞以餅食而出名的恆香，做飲食都幾有水準！
繼續閱讀
因為恒香老品牌咪入去試下第一已安排個冷氣風口下的位置，如果真係晤想閂細d 冷氣，下次比大隻嘅男士坐會好啲第二叫左個下午茶餐，想份多士走牛油，点知落枱冇不持止，仲要加厚第三因為下午茶時間知道繁忙，我都諗住快食快走，加上頭頂d 冷氣真係真心有啲大風，点知我個位仲有2處滴水位（左右手各一處）真係連杯秒速變凍及晤好飲嘅熱飲晤想飲，盡快啲走人。
繼續閱讀
噚日（2-2-2024 Fri)lunch hour出一出去，由於呢晚老公出街食飯，我自己一個返屋企蒸少少嘢食，驚唔夠飽，諗起呢喥有恆香，可以買皮蛋酥返去，咁問埋同事食唔食啦，問咗話唔食，咁我行到過嚟睇，皮蛋酥一個賣$11.00，再睇其他，見到$10.00一個嘅迷你....蛋酥？原來唔係，係迷你蛋黃蓮蓉酥，然後又睇到有流心奶黃酥，要$15.00一個，重貴過皮蛋酥。但上次喺富臨皇宮飲茶時share嗰個奶黃包好唔痛快，咁不如買呢個填補返。順便睇到上次運輸公司請嘅老婆餅,賣$10.00一件,食評係2024年1月26日刊登嘅呢篇: https://www.openrice.com/zh/hongkong/review/%E5%9B%9E%E6%86%B6%E5%98%85%E5%91%B3%E9%81%93-e5263238咁最後決定買4個流心奶黃酥同1個皮蛋酥，收銀問我要唔要多1個，可用盒，我答唔要lu。咁盛惠$71.00，但見到佢用兩個紙袋入住，咁大件事喇，我諗住皮蛋酥放工拎返屋企，點可以咁拎？於是唯有唔環保，我俾$1.00要一個膠袋，佢攞個大膠袋嚟，我指住枱上透明細啲嘅，我話呢個得唔得？唔使咁大。佢答可以，而呢個係豁免唔收錢。原本自己想留流心奶黃酥同皮蛋酥，夜晚我同老公食，但驚流心奶黃酥唔留得，而我拎上手仍暖嘅，咁流心奶黃酥更加唔可以拎返屋企食，唯有飽都要食咗佢。返到公司打開，分好晒就食，流心奶黃酥個底有啲脆，流心奶黃餡唔太甜，味道又好夠，流心部份唔多，酥皮唔太厚，食咗成個都唔覺得膩。同事食咗都話好食。5分皮蛋酥呢？我拎到返屋企攞出嚟睇，咦！？點解好似同流心奶黃酥冇分別嘅？我切開睇，係流心奶黃酥，唔係皮蛋酥嚟，唉！好彩老公因為距離食飯時間重有好耐，就返一返嚟，我就叫佢即刻食。抵食係2.5分
繼續閱讀