135
32
21
電話號碼
27195730
營業時間
今日營業
11:00 - 23:00
星期一至日
11:00 - 23:00
以上資料只供參考, 請與餐廳確認詳情
招牌菜
食家推介
難得放假就同爸媽揸車入左布袋澳食海鮮😋全個島得兩間酒家架咋 今次去左遠啲嗰間 食物高質 服務態度又好啲👍🏻三個人食 埋單$1695(包左四樽可樂同兩個椰青) 抵到爛✨.📌花甲湯都幾足料 好多花甲 不過size唔算太大 但都厚肉 冇沙唔腥🐚仲有好多粉絲, 西芹, 少量大頭菜同蘑菇🍲湯頭幾清 唔會太濃味 加左薑同黑椒 癖腥又惹味🫚.📌椒鹽瀨尿蝦兩隻面頭鋪滿香口炸蒜, 椒絲等等 橙黃色 賣相好吸引🧄🌶️瀨尿蝦外殼薄脆勁厚肉 肉質軟嫩等嚟又爽彈 味道超鮮甜 完全冇比椒鹽蓋過🦞唔算炸得好通透 媽咪就麻麻 我就幾鍾意 相對冇咁油 仲更加突出個鮮味👅.📌蒜蓉粉絲蒸蟶子蟶子配蒜蓉同粉絲蒸 真係絕配🙌🏻蟶子鮮甜 爽彈有咬口 唔會過韌🤍粉絲爽晒個蒜香汁 就咁食個粉絲都好正🧄.📌油泡墨魚墨魚身同鬚位爽彈 但頭嘅部份就有啲韌 不過幾滑🦑蜜豆唔太熟 會有啲草青味 但好爽脆🫛另外有啲薑絲, 蘑菇同紅蘿蔔一齊炒香 清清地 唔錯🫚🍄🥕.📌蒜蓉蒸鮑魚鮑魚就普普通通 厚肉大隻 食落唔會太韌 加埋蒜蓉一定夾 不過佢連殼冇起肉 又冇除內臟 要自己整個肉出嚟 都幾唔方便 同埋好污糟🦪.📌蒜蓉西蘭花正常發揮 西蘭花僅熟 好爽脆 要讚嘅係份量十足 大大碟🥦.📌椰青 $45凍冰冰 超清甜 仲有好多椰肉 消暑一流🥥.📌Zero $14玻璃樽裝嘅可樂特別好飲又有feel🥤
繼續閱讀
布袋澳這地方，相信知道香港新界有這地方的人不會少，但真正去過的，我相信卻會很少人。其實這裡是一個海灣、一個簡樸的漁村是吃海鮮的好地方。雖然簡樸，卻有寧靜清純的感覺，在那裡吹著海風吃著海鮮，實是一樂也的事。今天與友人行山，行的是清水灣鄉村俱樂部一帶，邊行邊記起二十年前我曾在布袋澳吃過一次海鮮，友人即時回應說，布袋澳就在前面那條路向下行就是了。二人即時興起，說不如去一去吃過海鮮午餐。我重臨布袋澳村，二十年前曾在那店吃過海鮮的印象已模糊一片，見到村口附近有一間叫 - 海鮮島海鮮酒家，就坐了下來。我們二人行得有點口渴，見到這店的雪櫃放滿了可口可樂，即時二話不說先叫了兩瓶。海鮮方面，因為吃得不多，今餐我們簡單就算了，先來的是漁翁蜆湯。足料的大蜆非常鮮美，湯底還有大量的粉絲、香芹和蘑菇。湯底鮮甜，應該是用魚淆成。墨魚刺身是這店的招牌菜，門面已見大大個招牌作介紹，就點了來吃。一上桌吸睛之餘顯得也澎湃。墨魚新鮮爽口，切得也薄片，點些山葵來吃再一啖可口可樂，發覺口腔裡有點求共融的衝擊。花雕蛋白蒸紅蟹，蟹吃得出是真材實料啖啖的肉，不是無肉水蟹，雞蛋蒸得嫩滑也不過火。近海吃海，簡樸的漁港，海鮮不需外求，靜靜地在此與知己共吃，與在西貢繁華鬧市人煙鼎盛地吃，總感到有一點區別。每天無奈地過著熱鬧生活，但間中遠離煩囂作點寧靜，人生才得以有點平衡。
繼續閱讀
布袋澳喺朋友之間都成日聽過，係一個食海鮮嘅好地方。今日同朋友一齊入嚟食🤩。雖然地方睇落好唔方便，但係佢勝在有免費泊車👍🏻，如果唔揸車，餐廳仲有免費shuttle喺坑口地鐵站接送👍🏻👍🏻👍🏻我哋睇完價錢，發覺佢哋啲海鮮既新鮮，價錢又親民🫣，我哋最尾叫咗一個海鮮四人餐，如果唔鍾意亦都可以去佢哋舖頭出面嘅大魚缸揀，明碼實價😲呢個四人餐好抵食，$1680就有龍蝦、鮑魚、龍躉、扇貝🤤龍蝦大隻又啖啖肉，朋友都話比出邊其他出名食海鮮嘅地方好食😲，再加埋個芝士伊麵底，好正🤤鮑魚大大隻，用豉油蒸帶出鮮味。每人都有一隻🤤金蒜銀絲蒸海皇貝😋，都係每人一隻，大大隻。粒帶子勁大粒，又爽口。連埋粉絲豉油👍🏻👍🏻👍🏻清蒸沙巴龍躉(1斤)😲，其實食到呢度已經好飽，但冇辦法佢條魚都好正，蒸到啱啱好，唔會太熟，肉同骨好容易就分離😋跟餐仲有油菜同埋生果拼盤😲📍 海鮮島墨魚刺身專門店地址: 西貢清水灣布袋澳6號地舖電話: 27195730
繼續閱讀
難得天氣放晴，便駕車到海邊享受了一頓豐盛的海鮮晚餐，有清蒸鮑魚、芝士龍蝦伊面和薑蔥肉蟹。這個組合真是美味絕頂！清蒸鮑魚，鮑魚肉質鮮嫩彈牙，完美地保留了鮑魚的原汁原味。清蒸鮑魚的烹調方式非常簡單，不僅保留了鮑魚的鮮甜味道，還突顯了它的優雅口感。每一口都帶來滿滿的海鮮風味，令人愛不釋口。接下來是芝士龍蝦伊面。這道菜結合了龍蝦和伊面的經典組合，加上濃郁的芝士醬，給整道菜帶來了一種豐富的口感。龍蝦肉鮮美多汁，與伊面的結合更為出色。芝士醬的奶香味與龍蝦和伊面的鮮味完美融合，每一口都帶來滿滿的濃郁味道。最後介紹薑蔥肉蟹，一只只肥美的蟹只被切成小塊，搭配著薑絲和蔥段。蟹肉鮮嫩多汁，薑絲和蔥段的辛香與蟹肉的鮮美相輔相成，讓味蕾在香氣中舞動，回味無窮。在美食的陪伴下，享受著晚風輕拂面頰的感覺。這一頓豐盛的海鮮晚餐，能讓人感受到幸福的滋味。
繼續閱讀
星期日當然周圍去香港搵地方玩，今次我哋再去布袋澳食海鮮呢間西貢嘅海鮮島海鮮酒家我睇網上面可以預約專車接送，由大坑地鐵站帶我車入去食海鮮提前喺WhatsApp預訂咗，司機亦都好好人準時就喺大坑地鐵站接我哋車程10分鐘左右就已經去到一個與世無爭好清幽嘅布袋澳，亦係行山嘅好地方我哋兩個人隻叫咗幾樣海鮮，包括有：白灼花螺：螺肉好新鮮，好彈牙，因為唔食辣，所以無嗌辣酒花螺，如果食辣嘅朋友，呢個應該會更加嘢味😋😋芝士龍蝦伊麵：龍蝦好鮮甜，好入味，芝士味亦都好濃郁，龍蝦仲新鮮過澳洲嘅龍蝦😆😆蒜蓉蒸蟶子：呢個至愛😆😆聖子一啲都無沙，而且蒜蓉加粉絲烹調得好入味，我哋每人兩隻，食到舔舔脷😆😆蒜蓉炒白菜仔：除咗海鮮之外，佢嘅炒菜亦都好吸引，大大碟，都只係$68🤣🤣有專車接送，成班人嚟食一啲問題都無。望住個海景食海鮮，無論你係兩個人拍拖，定係一班人嚟慶祝，都係一個好地方😎
繼續閱讀