港超聯 柏度首次起孖：要Keep住嗰勢！
2024年04月07日 17:03
東網電視
更多新聞短片
柏度（紅衫）飛剷鄧嘉。（鄧文滔攝）
均業北區中堅柏度（Pedro）周日（7日）於面對深水埗的「中銀人壽香港超級聯賽」中連入兩球，職業生涯第1次梅開二度，他盼望球隊終止聯賽4場不勝後，能夠提升信心，在餘下賽事爭取好成績。
Pedro是役先列後備，惟由於韋法頓上半場傷出，令他提早登場，結果錄得職業生涯首次梅開二度，兼助球隊擺脫聯賽4場不勝，使他倍感欣喜：「我咁大個仔都未試過單場入兩球，但最緊要係幫球隊贏番場，希望呢場打番起嗰勢，之後愈踢愈好。」
北區繼聯賽首循環後，再次以4比1擊敗深水埗，惟Pedro認為對方明顯較季初強，令球隊一度感到吃力，預計之後面對其他隊伍同樣會遇上困難：「好多球隊同深水埗一樣，喺季中簽咗新球員之後，實力比之前好好多，所以嚟緊場場都係硬仗，唔好因為首循環贏過某啲對手，就覺得次循環一定可以贏多次。」