毛舜筠整特色沙律豪宅意外曝光 呂爵安翻譯食譜勁爆笑
撰文：鄺鈺瑩
出版：更新：
「Jerdan」到毛姐屋企作客，一行人入屋之後，毛姐話「呢個老竇呀」，應該係介紹老公區丁平俾兩個仔認識。(影片截圖)
毛舜筠先後跟MIRROR成員柳應廷(Jer)和呂爵安(Edan)在電影《阿媽有咗第二個》和《過時過節》合作，而咁啱又係飾演母親一角。日前毛姐請兩個仔到家中作客，順便教佢哋炮製特色沙律。
Edan拎起個食譜之後，將black geoduck譯為「黑嘅地理鴨」，嚇得毛姐立即糾正：唔係地理鴨呀，係象拔蚌呀！」
拍攝當日落大雨，毛姐都請自擔遮出門迎接兩位寶貝仔，仲好客氣咁話「寒舍呀寒舍呀」，最好笑Edan聽完之後話:「阿媽你呢個都係寒舍，我嗰啲係狗屋。」由影片所見，毛姐所住嘅獨立屋，門前除有足夠地方泊車之外，亦擺放了大大小小嘅盆栽。而入門之後，左邊有木樓梯可逍往上層，而右邊則可通往客廳。
獨立屋有花園有車位。
毛姐屋企位於大埔康樂園，早年以約1,700多萬購入，偏廳外面是一個大花園，陽光充足；一向熱愛運動的毛姐更在家中佈置了一間健身室，方便隨時做運動！自從毛姐去年成立個人YT頻道後，不時在屋企廚房拍攝一系列嘅「毛姐食譜」。
+3