Edan呂爵安為歌影視忙到直踩逾30小時 為拍《膠戰》寧願推Job

Edan呂爵安為歌影視忙到直踩逾30小時 為拍《膠戰》寧願推Job

撰文:葉詩
出版:更新:
Edan透露Halloween特輯及郵輪一集都相當難忘。(陳順禎攝)

MIRROR成員Edan(呂爵安)周三(6日)出席ViuTV綜藝節目《膠戰S2》發布會,談起第二季無論是成員默契、製作Budget皆大幅度升級,談起歌影視綜四方面都涉獵,不時出現分身不暇的情況:「有排行程太忙但又Mark咗某日拍《膠戰》,公司想排其他工作畀我就會提出『會唔會請假停拍一集』,我就會拒絕,始終《膠戰》對我嚟講都似放假,因為去玩同做返自己,我都好想繼續拍。」Edan透露最瘋狂曾試過直踩三十多個小時:「有一集係拍完《小諧星》MV再直落《膠戰》,佢哋話我個人癲咗唔知去咗邊。」

Edan指今季成功滅甩「老鼠屎」形象,有人輸得比他更慘,問起想進化做什麼形象,他說:「各方面能力都係頂尖嘅偶像,(金鐘國?)但Jeffrey(魏浚笙)好大隻、好大力,(劉在石?)偶像版嘅劉在石,要靚仔啲。」

Edan的第三首單曲《My Apple Pie》今日上架。(陳順禎攝)

談起近日歌手Novel Friday發布新歌《MIRROR FREESTYLE》點名批評MIRROR「賣樣扮做歌」,Edan笑指:「其實我都唔夠膽話自己得個樣,我話自己得個樣大家都未必信服;的確我哋各方面嘅能力未去到最好,大家鍾意我哋亦都未必係因為單方面嘅一件事,而係《造星》起嘅唔同範疇,再支持我哋嘅音樂,當然我哋有好大嘅進步空間,希望未來繼續提升自己各方面嘅質素,令大家信服我哋嘅作品。」提起會否覺得人紅是非多,Edan就說:「人哋有批評證明自己有啲地方做得未夠好,善意嘅批評我哋都接受。」

+1