ViuTV首個音樂頒獎典禮Chill Club推介榜年度推介20/21，承接全民造星氣勢，MIRROR橫掃了8個獎項，姜濤、Ian陳卓賢、Jer柳應廷、Anson Kong分別得到年度男歌手、年度新人及十大金曲獎！一起回顧幾位的經典事蹟及獎項！
登入 瀏覽本網站，可獲取積分換領專屬優惠
點擊查看專屬優惠
眾望所歸，MIRROR得到Chill Club年度組合金獎，而隊長Lokman也許下願望「希望我哋可以浩浩蕩蕩咁，繼續用行動焫着大家。」不辜負粉絲、花姐與幕後團隊的支持，也印證香港樂壇不死。
MIRROR成員：姜濤
還在問姜濤是誰？21歲的姜濤灸手可熱，被花姐造星成功後，工作不斷，更是Mirror中的人氣王！Instagram坐擁近130K粉絲，除了受大小品牌熱捧，廣告不斷之外，歌唱事業亦發展成功。
▲圖：viuTV
姜濤剛奪Chill Club年度男歌手銀獎時，在台上致謝稱「我哋呢班香港歌手，一定可以再次變成亞洲第一。」相比上一次在叱咤得獎，今次有備而來，金句得到全場掌聲及網民瘋狂轉載！他同時得到《愛情簽證申請》金曲獎，再指「音樂無分國際，無分貴賤，無分對錯，香港樂壇加油！」
姜濤2021年初在商台舉辦的《2020年度叱咤樂壇流行榜頒獎典禮》中憑歌曲《蒙著嘴說愛你》奪「叱咤樂壇我最喜愛的歌曲大獎」，同時亦獲「叱咤樂壇我最喜愛的男歌手」，成最年輕得主引起熱論。
歌視兩棲全力開攻，姜濤有份參演的電視劇在本年內陸續推出。姜濤有份客串的Viu原創劇於年1月18日於ViuTV首播，而他去年赴台灣參與演出ViuTV和台灣GTV八大電視合拍的偶像劇《超感應學園》亦預料2021年夏天港台同步首播。
姜濤在Viu原創劇《太平紋身店》內飾演葉蓋天（黃德斌 飾）之子葉天晴，母親早逝，自小懂事，希望能在未來某一天能替父親分擔幫會的事務，希望憑自己的努力，闖出一片新天。
姜濤完美演繹「肥仔都是潛力股」！200磅男生變花美男，人氣還在不斷上升。
姜濤19歲年紀輕輕就贏咗《全民造星》冠軍，獲得100萬獎金，更加係《全民造星》入面嘅人氣王！
叫得人氣王嘅姜B IG有近130K followers，遠遠拋離其他組員，另外亦大受廣告商歡迎，星途無可限量！
MIRROR成員：Ian陳卓賢
歌藝與顏值兼備，MIRROR成員中除了姜濤還有Ian陳卓賢。早在參加全民造星時已吸納大批粉絲。
可惜「乖乖仔」、「純情」形象早前一度失守，鮮有緋聞的Ian早前被指與2018年香港小姐搭上更展開同居生活，令不少女粉絲心碎。時間可以沖淡緋聞嗎？
Ian獲得《全民造星》亞軍後受電視台力捧，去年有份與鄧麗欣一同主演劇集《男排女將》，飾演魚仔一角。
出道前的Ian曾是排球港隊成員，出戰經驗豐富，精湛球技在劇集《男排女將》中大派用場，演繹得心應手。
Ian喺參加《全民造星》嘅時候已經係人氣王之一，一副天然呆嘅樣子呆得嚟又帶點可愛，所以獲得「樹熊」呢個稱號！天然呆暖男呢個稱號成功幫佢擄奪一班少女嘅心㗎！
除咗有一班妹妹fans，就連花姐都係佢嘅粉絲，更稱佢為「男神」！Ian 雖然平時天然呆木木獨獨咁，但一玩音樂就瞬間變charm，可能嗰種反差就正正係佢嘅迷人之處！
自彈自唱可以話係佢嘅強項，無論係鋼琴定係結他一樣冇問題！所以話，識玩音樂嘅男仔真係好charm呀！
MIRROR成員：Jer柳應廷
Jer柳應廷絕對稱得上是MIRROR中的唱得之一，以唱功取勝，走實力派路線，2020年可算是他的豐收年。
推出「物語三部曲」，三首個人作品《風靈物語》、《迴光物語》、《水刑物語》均大受歡迎。2020年初在《叱咤樂壇流行榜頒獎典禮》生力軍金獎，成續有目共睹。
Jer由《全民造星》開始已經被網民大讚唱得，只可惜無緣晉身決賽，但係最終都成功出道成為MIRROR一員。
唱功了得嘅佢都經常喺IG發放自己自彈自唱嘅影片，一支結他配上一把靚聲就足以呃like！
▲圖：viuTV
2021年，Jer再下一城，在今次ViuTV 「Chill Club推介榜年度推介20/21」中連得兩個個人獎，包括Chill Club年度新人，再憑《迴光物語》奪金曲獎，鋒芒絲毫不減。
MIRROR成員：Anson Lo盧瀚霆
在頒獎台上發光發亮兼取得好成續的Mirror成員還有Anson Lo盧瀚霆，除了奪得了《叱咤樂壇流行榜頒獎典禮》生力軍銅獎，更是當晚的開場表演嘉賓之一。
Anson Lo去年推出了四首個人單曲，分別是《一所懸命》、《Burn Oout》、《角落生物》以及《神隊友》。
Anson Lo喺《全民造星》20強止步嘅時候令好多觀眾大跌眼鏡，唱同跳都係信心保證嘅Anson竟然無緣晉身決賽。不過ViuTV最後都無令大家失望，Anson Lo雖然入唔到決賽，但成功出道！
能為頒獎禮擔任開場表演嘉賓，備受重用的Anson Lo亦難掩興奮。
除咗實力超水準之外，Anson Lo嘅顏值同身材一樣不得了，唔知算唔算係MIRROR嘅門面擔當呢？
呢個實力加外形都咁吸引嘅package更加為Anson Lo增添咗唔少粉絲，每次出席活動都必定有一班小粉絲為佢嗌破喉嚨！
MIRROR成員：Anson Kong江生
同名唔同命？ 一個Anson有獎開心心，一個Anson失獎酸溜溜。Anson Kong在頒獎禮上被Capture到疑似失獎黑面一刻，落寞心情都紀錄在個人Instagram 上。
Anson看好自己拿新人獎，可惜事與願遺，坦言對自己「有點失望」。
喺《全民造星》期間Anson已經受到唔少人關注，顏值高，加上跳舞唱歌表現亦不錯，被看好是注定食呢行飯，或許只差一點星運。
出道後獲得不少發揮的機會，2020年有份主演ViuTV原創劇《打天下》，更負責為主題曲作曲及獻唱。
唱得、跳得、演得仲有咩得？Anson Kong非常落力經營自己YouTube Channel，當中有不少都是煮食短片。Anson不時化身AK Chef，更會邀請MIRROR隊友一起展現廚藝。
▲圖：viuTV
終於，在ViuTV「Chill Club推介榜年度推介20/21」上，Anson Kong和Ian憑合唱《蝸牛》齊奪金曲獎，Anson更驚喜稱「人生第一個金曲獎，可以同你（Ian）拎。」
MIRROR成員：Lokman楊樂文
Lokman人緣超好，喺造星節目期間同其他參賽者相處超融洽，所以MIRROR出道之後就名正言順做咗隊長，一直擔當住大哥哥嘅角色，睇實其他11隻百厭星。
早喺《全民造星》之前，Lokman已經入行，早喺2013年已經開始參與電影拍攝，擅長跳Locking嘅佢更喺青春舞蹈電影《狂舞派》入面飾演團長Dave一角，戲份唔少，令不少觀眾留下深劇印象。
《狂舞派》原班人馬再開續集《狂舞派3》，當然也有Lokman的演出，他也有在Instagram大大力宣傳。
除了電影之外，Lokman亦錯夥拍火雞姐、狄以達等人參與舞台劇《HIHI大爆炸》演出。這方面似乎比MIRROR其他成員更走前一步。
MIRROR成員：Edan 呂爵安
Edan樣子討好卻完全無「偶包」，綜藝感也算是MIRROR中最強的一位成員。最近獲派夥拍Jeffrey（魏浚笙）、岑珈其等人主持遊戲節目《膠戰》。
Edan在參加《全民造星》時被視音樂小才子，形象轉變甚大。不過Viu也沒有埋沒他的音樂才華，早前讓他成為MIRROR第6位推出個人作品的成員，更邀得黃偉文為他的Solo作填詞。
Edan亦有暖男一面！私底下超寵妹妹，粉絲都好想要這樣的大哥哥。
MIRROR成員：Jeremy 李駿傑
Jeremy應該係組入面唯一一個走韓風嘅成員，白皙嘅肌膚襯埋五顏六色嘅頭髮，形象十分鮮明易認。因為Jeremy嘅頭髮經常都會轉色嘅關係，粉絲們都會叫佢做「獨角獸」！
MIRROR成員：Stanley邱士縉
Stanley可以話係要高度有高度，要肌肉有肌肉，要才華有才華！Stanley嘅強項係跳舞，舞蹈員出身嘅佢跳起舞上嚟真係超級有台風！
Stanley為人熟悉嘅除咗係佢嘅舞藝之外，就係佢嘅胸肌！喺《全民造星》比賽期間有評判更加話「最記得就係Stanley嘅胸肌！」，唔知MIRROR出道之後，Stanley會唔會負責除衫嘅角色呢？
Stanley嘅女朋友係ViuTV以及有份參加《全民造星3》參加者Alina，同為選美節目《美選D.n.A》亞軍。兩人也是ViuTV嘅藝人，是否有機會情侶檔演出呢？
MIRROR成員：Tiger
或者你會對Tiger無咩印象，但如果講起跳拉丁舞你又會唔會認得佢？喺《全民造星》入面以拉丁舞突圍而出嘅Tiger深得評判觀眾歡心，最後都成功出道！
年紀細嘅唔止得姜濤，原來Tiger同姜濤當年參加比賽時也是只得19歲。
除咗跳拉丁舞之外，佢亦都識彈電子結他，音樂又得，跳舞又得，Tiger仔可以話係才華洋溢呀！
MIRROR成員：Alton
Alton最為人熟悉嘅應該係「尋求無悔真生活 路漫長也靜候」，呢句可以話係變咗《全民造星》嘅金句。事源係Alton嘅表演無辦法順利晉級，當主持人問佢有咩講嘅時候，佢就唱出咗郭富城《木偶襲地球》嘅呢句歌詞。
除咗識跳舞之外，Alton同時都係一位健身教練，有腹肌胸肌二頭肌嘅佢更加以「肌肉就是力量」嚟形容自己！
佢鍾意做運動嘅程度應該無嘢可以阻止到佢，佢IG發佈嘅相有超大部分都係同做運動有關：做GYM、跑步、跳舞、健美、障礙賽......（太多不能盡錄，有興趣就自己click入去睇啦！）
MIRROR成員：Frankie 陳瑞輝
Dancer出生嘅Frankie喺《全民造星》入面未必有好多鏡頭，但勝在靚仔又跳舞叻，所以最尾都成功出道！
雖然你未必對佢好有印象，但Frankie可以話係團隊入面嘅黑馬，佢早排就率先同姜濤Ian為韓國化妝品牌Etude House拍咗輯廣告照，有唔少網民更加大讚佢係三個入面最靚仔！
唔知Frankie嘅全白造型你哋又鍾唔鍾意呢？定係覺得韓風啱佢多啲？