Edan巴黎時裝周晒琴技 Anson Lo孖Jeremy赴日開工 「嚴陣」以待 - 東方日報
娛樂

Edan巴黎時裝周晒琴技 Anson Lo孖Jeremy赴日開工 「嚴陣」以待

人氣組合MIRROR已走出去年紅館騷墮屏意外陰霾,積極開工及展開人生!當中Anson Lo和Jeremy昨日更啟程日本東京開工,以「重裝備」上陣迎接當地嚴寒天氣,半百粉絲夾道送機,場面墟冚。而另一成員Edan亦晒出早前在巴黎時裝周上台彈鋼琴的片段,琴技感動到老外請他6月去睇騷。
MIRROR踏入新的一年已磨拳擦掌,重新出發。成員Anson Lo和Jeremy向來老友,繼去年10月孖住到韓國及日本旅遊後,他們昨日再結伴同行,飛到日本東京工作。Anson Lo率先在保母車上打卡,車廂內有大量行李,直至早上8時15分,他與Jeremy在花姐及工作人員陪同下現身機場,現場有半百粉絲守候送機,場面墟冚。見Anson Lo着住黑色皮褸並戴上頸巾,Jeremy則以樽領冷衫加大褸上陣,「重裝備」迎接日本嚴寒。臨入閘前,有粉絲向Anson Lo送上禮物,他即禮貌接過,又企定定讓「神徒」拍照兼揮手道別,非常親民。
另一成員Edan早前去了法國出席巴黎時裝周,他昨日在社交網晒完騷後即興彈奏歌曲《E先生連環不幸事件》的短片,並發長文透露彈這首歌的原因。他表示今次巴黎之旅做了2件「好黐線嘅事」,第一是在時裝騷場地彈奏《E先生》,他表示當時現場有座三角琴,供樂手彈奏作為時裝騷的背景音樂,當日完騷後,突然聽到琴聲,原來有位名人走上台彈琴影相,同事就提議他上台彈琴,他就膽粗粗走上台,自嘲︰「唔知哪來的自信當住咁多人面前上咗去彈。上到去,超緊張,手指好似唔識郁咁,之後就係呢條片了。其實都真係太癲,What An Experience!好彩冇畀保安抬走啫,以後可以同個孫講『你阿爺試過喺巴黎時裝騷度自彈自唱《E先生》,講咁耐,其實都係想話畀大家知一個好深奧嘅人生大道理『驚Seven嘅話,唔好做第一個』,完!(Btw彈完之後有個外國人話要邀請我去睇佢6月嘅Fashion Show,唔通佢都覺得《E先生》好聽?)」
汪明荃寫錯名鬧笑話
此外,前日初七「人日」,汪明荃和羅家英邀請Edan、Anson Lo和Jeremy到其西貢豪宅拜年。羅家英在社交網直播與MIRROR成員一齊Jam歌,羅家英與Edan中西合璧,一個拉二胡、一個拉小提琴,十分搞笑。不過汪明荃卻把Edan寫成「Edam」,即鬧出笑話。
第一手消息請下載on.cc東網 iPhone/ iPad/ Android/
人人做記者
爆料方法 :
爆料熱線:
(852) 3600 3600
傳 真:
(852) 3600 8800
SMS:
(852) 6500 6500