Offside › Набрзинка

Бобан Николов: И јас сум еден од разочараните репрезентативци поради односот на Милевски

28 март 2024

Николов кој беше стандарден репрезентативец и дел од историскиот успех на Македонија, потоа дел од тимот на Милевски кој ја урна Италија во Палермо, а претходно и капитен на У-21 која се пласираше на ЕП, не добива повеќе репрезентативни повици.
Сезонава има 22 средби за Кишварда од Унгарија, 3 гола и 3 асистенции, а за Македонија 49 настапи и 4 гола.
„Во разговор со селекторот, тој ми соопшти дека не сум бил избришан од неговата глава зошто играм добро, но дека во моментов не сум бил дел од неговиот концепт. Интересно е што бев дел од концептот за големата победа против Италија во Палермо, што е навистина чудно“.
„Концептот и резултатите на селекторот нека ги суди јавноста, јас нема да се мешам, но само сакам јавно да го изразам моето незадоволсто и разочарување како играч кој бил дел од историските достигнувања на нашата репрезентација“, вели борецот од среден ред во изјава за Спорт1.

извор

Македонскиот кик-боксер Бобан Илиоски стана светски шампион

27 април 2024

Бобан Илиоски славеше со судиска одлука против Турчинот Берк Дузенли и стана професионален светски првак во кикбокс на ВАКА ПРО, во дисциплината К1 до 88,6 килограми.
Илиоски и Дузенли во салата „Јане Сандански“, разменија многу удари, двајцата имаа успешни акции, но нашиот ас воден и бодрен од публиката и навивачката група „Комити“ сепак го имаше последниот збор и успеа да слави над актуелниот светски аматерски првак.
Инаку Бобан Илиоски беше прогласен за спортист на годината за 2023 година.

извор

Столе Стоилов е ново засилување во баражот за СП

26 април 2024

Селекторот на македонската ракометна репрезентација, Кире Лазаров го објави поширокиот список за бараж дуелите за СП 2025 со Фарските Острови.
Во стручниот штаб ново име е легендарниот пикер на Вардар и Македонија, овој пат во улога на помошник тренер.
Првиот натпревар го играме на 8 мај на гости со почеток од 20:00 часот, а реваншот во Скопје е закажан за 12 мај од 19:00 часот.
Ова е четврти поранешен репрезентативец кој влегува во стручниот штаб на селекторот Кире Лазаров по Бранко Ангеловски, Ацо Јоновски и Филип Миркуловски.

извор