Apple Watch 即將預訂　18K金最易炒燶？

▲ 相片來源：法新社

蘋果公司最新智能手錶Apple Watch 本周五（10日）下午3時起正式接受網上訂購，4月24日出貨。

今次香港、中國等地都是首發地區，外界預料炒風不及iPhone、iPad。

究竟Apple Watch 能否炒得起？那款最好炒？TOPick 小編邀請先達廣場手機店DoCoMo Telecom負責人朱敏親身解說：

1. 18K金 Apple Watch Edition 最易燶

最矜貴的Apple Watch Edition，錶身以18K黃金或玫瑰金打造，最平賣78,888港元至最貴129,800港元。

價錢貴未必「好炒」。朱敏指，由蘋果宣佈訂價至今，18K黃金或玫瑰金版都沒有人問價，相信因為訂價太貴。因此他不建議買家入手。

2. 鋼帶錶較穩陣

朱敏指，目前店內較多客人查詢標準版Apple Watch配錶鏈帶（蘋果定價7,388元至7,788元），相信如果買家要脫手，標準版Apple Watch配錶鏈帶是較穩陣選擇。

▲ 相片來源：蘋果網站

標準版Apple Watch，以精鋼打造的錶身，配以皮帶、鋼帶或鏈帶，賣4,288港元至8,588港元不等。

另外有最平的Apple Watch Sport版本主打運動風，鋁金屬錶身配上不同顏色的膠錶帶，售價2,728港元至3,088港元。朱敏指，客人較少提及Sport版。

3. 炒價隨時比iPad差

論炒賣潛力，朱敏認為Apple Watch一定比iPhone差，有可能與iPad相約。

他又指，由於蘋果第一次推出手錶，不少果粉感覺新鮮，相信仍然有買家購買。但如果貨量多，隨時比iPad更易炒燶。

Apple Watch 能否炒起仍是未知之數，TOPick 綜合市場現況，分析出「未必熱炒」的3大原因：

1. 蘋果公司的「處女作」

蘋果的新產品早已多次在中港地區掀起炒風，單是iPhone 6 / 6 Plus已炒足幾個月。

但是，Apple Watch是蘋果公司第一款推出的智能手錶，功能有待更多用家進行實測，故外界一直抱著觀望態度。

2. 花款太多　無從入手

Apple Watch可供選擇的款式太多，單是標準版Apple Watch已有20種不同款式，炒家買貨時無從入手，擔心入錯貨，炒賣風險因而大增。

3. 中港同步

中國、香港、日本等地都會是Apple Watch的全球9個首發地區之一。價錢方面，據蘋果內地官網顯示，最平的38毫米Apple Watch Sport賣人民幣2,588元（約3,230元港幣），比香港售價3,088港元只貴出142港元，差價不算大。

上次iPhone 6 / 6 Plus開售，中國不被列入首發地區，令不少內地人來港搶購，估計類似情況在今次未必發生。