【擔心死神徒啦！】 教主 Anson Lo 深夜出IG Story自爆遇車禍 搭的士被撞上行人路 稱扭親腰冇大礙

 

請Like我哋個Page：

生活提案事務所 Lifenews HK

 

MIRROR 人氣火爆，除咗代言廣告不斷，唔少成員都歌視影三棲，其中 Anson Lo 就成日忙到半夜，連打風都冇得休息！教主咁操勞已經令神徒們好心痛，點知琴晚發生咗件更令人擔心嘅事！今日凌晨時分，教主喺IG Story透露自己啱啱搭的士嘅時候，發生咗交通意外，佢所搭嘅的士畀後面一架私家車「追尾」，成架車撞咗上行人路，非常驚險！

（圖片來源：Instagram @ansonlht）

但係一向樂觀嘅教主竟然形容件事係「小確幸」，慶幸事件入面冇人受傷。佢都強調自己冇事，只係「扭到一下腰」，並冇大礙，叫大家放心。佢又話呢件事令佢「再次感受到生命嘅寶貴」，又提醒大家記得搭車要扣安全帶，真係好貼心。

（圖片來源：Instagram @ansonlht）

因為教主自覺冇咩事，加上可能心急返屋企休息，就冇去到醫院檢查。但係神徒們都好擔心，喺撞車嘅衝力下，教主可能內出血或者有瘀傷但自己唔知，都紛紛勸佢去Check下。其實教主成日都要熱舞，就算只係扭親腰，如果變咗舊患都手尾長，希望教主真係會聽話，去醫院檢查同好好休息啦。

 

請Like我哋個Page：

生活提案事務所 Lifenews HK

 

你也有精彩的人和事跟我們分享？想查詢廣告合作？請Inbox話我哋知！