Bulldog Hotdog (永勝大廈)

Open Now

Now Closed

Bulldog Hotdog opened in Causeway Bay recently and I've heard good things about it. Mainly a takeaway only shop, it does have a standing only tables if you want to eat there.The interior is colorful with a pseudo graffiti wall to go with their ghetto hop theme.Menu is in English and Chinese though there is no description of the hotdogs in English. That is in Chinese only. There is no 10% service charge.I decided to order takeaway and had the Signature Hotdog ($68) and made it a combo by adding $

係SOGO買完健身裝備就順路黎打卡Bulldog銅鑼灣旗艦店，但最想試既金箔至尊已經暫停供應😭唯有係店員推薦下轉試香辣手撕雞熱狗，又加咗一個安格斯牛墨西哥卷💛旗艦店果然係會唔同啲，地方比較寬敞，裝飾同堂食企位都多啲，不過因為疫情關係淨係做外賣。返到屋企打開見到熱狗同墨西哥卷賣相都好吸引😍熱狗個包都幾香，唔會因為車程關係變軟（不過墨西哥卷個餅皮就冇咁好運啦😂因為有蔬菜同埋有啲焗住所以個皮就比較淋），條腸既size都係我覺得「咁樣先係叫熱狗嘛」😍不過個腸衣好似韌啲？有一兩啖要好落力咬先可以咬斷😂topping既手撕雞加碎番茄粒都幾惹味，係酸辣加少少孜然香？就咁食包加手撕雞都好食既🤣安格斯牛卷都激多牛肉，有生菜番茄青瓜加持顯得更健康😋薄切牛肉有稍加調味過，雖然餅皮因為車程變淋不過仍然保留到啲咬口未全部濕晒😂一啖肉+菜+餅食落都幾清爽～香辣手撕雞熱狗 7.0/9安格斯牛墨西哥卷 7.0/9OVERALL 7.0/9

唔係第一次食，食過一次念念不忘，九龍人成日為了食佢而過海今日叫了1️⃣招牌熱狗 $552️⃣特濃芝士熱狗 $48兩個都各自加$20轉餐，兩個都選咗薯角招牌熱狗🌭️入面配料有辣牛肉醬、酸忌廉、芝士碎、粟米片我次次黎都係叫佢咬落去嗰下真係啖啖肉好滿足辣牛肉醬亦唔會鹹，味道啱啱好，成個配搭好正友人唔食肉，就叫了特濃芝士熱狗🌭️入面有白車打、馬蘇利拉、巴馬臣、藍芝士等好多種唔同芝士咬落去滿滿都是罪惡感兩個套餐都選了薯角，份量超多，而且熱辣辣

去開銅鑼灣整頭髮，因為預咗要整好耐先走得，所以上去整前就搵吓附近有咩食，唔想食麥記，見到有熱狗，好似唔錯就入去試吓，走美國風，都係預你快食快走，所以都係企位，簡單一餐又幾好，因為有好多選擇，所以又出現選擇困難症，最後揀咗德國風情再加錢轉皇牌牛腸，以一個作為快餐黎講，哥仔係整得有啲慢，仲要只係整我一份，不過可能因為得一個人既關係。整好見到隻熱狗呆咗，超大份，無預咁大隻，因為唔轉腸其實都只係39蚊，麥當勞一個貴少少既包都要呢個價錢，所以超值，女仔可以當一餐晚飯，個包好實在，上手微暖，但應該無烘過，然後當中以德國酸菜代替青瓜，酸酸地都幾fresh, 等你唔使咁漏，但個皇牌牛腸就無乜特別，唔使特別加錢轉，然後食完成個包好包。

#foodchaser_hk📌同區美食#foodchaserhkcausewaybay📌同類餐廳#foodchaserhkfastfoodshop📌同款美食#foodchaserhkwestern#foodchaserhkhogdog✨✨✨✨✨✨✨✨✨📍銅鑼灣Bulldog Hotdog (永勝大廈)🥳🥳🥳呢間係香港人良心小店，老闆除咗心地善良之外🥳🥳🥳小店其中一個特色就係熱狗嘅肉醬係自家製嘅，完全喺熱狗裏面食得出老闆嘅用心🥰🥰🥰✨✨✨✨✨✨✨✨✨🍽 德國風情（走酸瓜走洋蔥）$39 因為熱狗係即叫即整，所以等咗一陣😝😝😝熱狗啱啱整起嘅時候熱辣辣，醬料亦足夠👍🏻老闆仲事先問定需唔需要走酸瓜走洋蔥，十分貼心🍽 餐飲 $6今次揀咗Anson Lo代言嘅OOHA，荔枝味汽水，味道正常✨✨✨✨✨✨✨✨✨食物味道：⭐️⭐️⭐️⭐️⭐️打卡指數：⭐️⭐️⭐️⭐️服務環境：⭐️⭐️⭐️⭐️⭐️📍Bulldog Hotdog (永勝大廈) (銅鑼灣)店舖地址：銅鑼灣駱克道513-515號永勝大廈地下A號舖營業時間：星期一至五、日 1130-2330星期六 1130-0030查詢/預約電話：28822322服務費：🙅🏻‍♀️🙅🏻‍♀️🙅

近排各區都開多左好多熱狗店，今次去到銅鑼灣旺區都有一間熱狗店，而且仲可以有位置作堂食之用所以就，坐定定係度，乜都唔駛做，慢慢嘆兩隻美味的熱狗!!食品方面 : 櫻花蝦熱狗 : 熱狗滿瀉的蟹籽及櫻花蝦乾，再配上明太子醬同大大條的熱狗腸，口感甜甜非常豐富，再加上外脆內軟的手工麵包，真係想再來多一隻熱狗野菌至尊熱狗 : 銅鑼灣店限定，上層係炸雞脾菇、餡料係安格斯牛肉、野菌碎粒，大大條的熱狗腸及黑椒汁，再加上外脆內軟的手工麵包，少少香辣，非常惹味

The food is really nice, fresh and warm bun with nice mix of cheese. What annoys us is the cashier - irrespectful and rude to our questions about the ingredient and the breakdown of the bill. I feel very sorry to the owner having such staff.

朋友推薦左好多次 每次都想試bulldog 終於搵到機會可以食到🤤 太多選擇關係 決定揀招牌熱狗！下次再試下其他口味【招牌熱狗】$55 薯角汽水+$20 低估左熱狗份量🫠 真係好好好大份！ 有手臂咁長🫣 望到都好滿足！🥰 自家製辣牛肉醬好足料好香口～酸忌廉就可以中和返油膩感同辣味！仲有粟米脆片食落好口感！ 麵包外脆內軟👍🏻 食落唔會好乾身！價錢相對其他熱狗店係貴啲 但性價比係高 所以都可以接受！😋薯角大大舊厚件 啖啖肉食落真係好滿足！🤤

熱狗店最近周圍都開好多間👍🏻今次終於有機會試試呢個元祖級嘅熱狗🌭️店員超級有禮製作用心😘每個都係新鮮製作，製作需時，店員仲鼓勵我可以打電話落order慳翻時間⌚️-▪️德國風情$39以前讀書年代曾經去過德國exchange🇩🇪對於當地嘅酸菜念念不忘，以後食親熱狗都首選酸菜口味👍🏻買嘅時候店員好好即刻烘熱所以麵包超級香脆🔥配合海量嘅黃色芥末醬同茄醬實在超級滿足🈵️入面條熱狗腸仲要超大條👍🏻▪️魷魚圈 套餐+$30呢個魷魚圈🦑麻煩大家一定一定要叫！外皮超級crispy入面唔係粉漿嘅魷魚而係貨真價實嘅魷魚圈！熱辣辣新鮮炸起香脆可口不油膩，居然仲會配搭明太子sauce好惹味👍🏻

見大J成日話好食，但大埔對我哋來講真心有啲遠😂今次喺銅鑼灣見到有分店，終於可以去試吓😍招牌熱狗 $50佢嘅肉醬都幾好食，撈埋啲酸忌廉醬一齊食，覺得都幾開胃👍佢個麵包係屬於偏軟，更加鍾意齊柏林嗰種少少脆皮嘅包，所以覺得個麵包質感一般般🥲薯角+汽水 套餐價+$18店員推介我哋試薯角，👧🏻作為薯仔控，梗係要試吓🤣薯角揸得都算係幾脆，裏面嘅薯蓉都好多，都真係幾好食，值得試吓👍👍美國水牛雞翼 $18/2件香辣得黎，帶少少酸同甜味，食落多幾開胃🤣🤣香草芝士雞翼 $18/2件香草味幾出，芝士嘅份量都多，但芝士味道唔係好出，淨係食到香草味🤔

今日過咗去銅鑼灣其實已經食完個邊爐🤣但仲有少少意猶未盡💃🏻見到呢一間熱狗即刻俾佢嘅外表吸引咗🤣問朋友呢間好唔好食因為佢住呢度附近💖佢都話呢間成日幫襯好好食😛第一次食叫咗去嘅王牌熱狗💃🏻不過原本配呢個包嗰條腸冇晒就轉左法蘭克福腸🤩麵包係香港製造口感鬆軟😝咬完一啖個包會彈返起嗰隻👍🏻呢個熱狗勁多餡❤️又有牛肉又有好多洋蔥仲有我最鍾意嘅濃郁芝士醬💃🏻🤤成個組合配合得天衣無縫😍呢一個熱狗超大份我相信就算好似我咁大食🤣一次過都未必食得哂😚好期待下次試去其他味道👅👅btw有少少覺得呢個法蘭克福腸唔係好有味道😜但勝在今次其他配料搭救😚

呢度係一間熱狗小店,最大賣點係用本地生產既麵包香腸皇牌熱狗 特濃芝士 美式風情 等多款招牌熱狗之外 不定期仲會有限定口味牌熱狗以BullDog自家製辣牛肉醬、酸忌廉、粟米脆片等材料製成皇牌熱狗則盛滿焦糖洋蔥、安格斯牛肉及馬蘇利拉、寶伐朗等多款芝士食到滿滿既芝士口感非常豐富 肉腸特別多肉汁鮮甜 本地貨真係特別好食小食仲有芝士薯波,咬開係拉絲芝士好食!平均消費$77評分8/10

今次我哋途經銅鑼灣，見到呢間充滿美式風彩嘅熱狗bulldoghotdog，咁啱呢排美國佬係阿富汗又搞到滿城風雨，我哋二話不說即刻衝入去試吓！（我哋都知關阿富汗鬼事，開場白啫~見諒🥺）熱狗我哋叫咗：美式風味熱狗($39)：配料有Jalapeno墨西哥辣椒、黑水欖、洋蔥、酸瓜茸、茄汁和芥辣。味道少少辣，再加酸瓜茸帶嚟嘅酸酸甜甜，成個感覺都好balance，幾開胃。腸仔就係普通熱句腸，不過不失。反而個包真係有驚喜，普通熱狗包都係用較為淋身嘅包，食到一半好易成手都係，因為啲醬汁索哂入包入面，而佢哋個包，裏面軟熟，外面少少脆身，整體唔錯！皇牌熱狗($63)： 配料有焦糖洋蔥、安格斯牛肉、一堆芝士 (mozzarella, provolone, cheddar white and orange)、炸蒜。呢隻熱狗真係不得了，口感豐富，芝士迷可以一試，再加埋焦糖洋蔥和牛肉，好鬼juicy~個包就同美式風味一樣！正🤤如果佢哋可以出埋酒牌，有埋draftbeer啤酒飲，我哋會覺得會更切合到食熱狗呢個美式文化，@bulldoghotdog 收唔收到呀~~🤙🏻

有日去開銅鑼灣經過見到呢間Bulldog Hotdog，知道佢係由大埔起身嘅熱狗人氣名店。就試下佢咩料先😛1️⃣招牌熱狗($55)份量非常大份，但咬落去麵包係鬆軟，但感覺似係平價麵包嘅味道，雖然麵包應該係即叫即焗熱過，但係麵包裏面嘅質地好似空氣，無麵包味🥴。而熱狗腸感覺都一般，無咩特別同驚喜。係配埋個酸忌廉+肉醬汁有少少招牌嘅感覺🤫。2️⃣芝士薯波(+$20連汽水)薯味唔出，芝士量少，都係失望☹️。總結，本來滿心期望食到出名好食熱狗，話晒都成$55，講真有D失望。食落唔算好值，下次都係食返「齊X林」算😛。不過如果真係想試下嘅朋友，可以試食其他口味。我個人就應該唔會再食😅。或者食過好食嘅朋友仔不妨留言推薦下其他好食嘅口味，睇吓值唔值得再俾多次機會佢😆

呢間小店採用本地廠商生產嘅麵包同香腸製作熱狗🌭做出美、墨、德、意、日、泰等多種 Fusion 口味🌍更不時推出分店限定款式💗皇牌熱狗 ($60)熱狗包烘至表面酥脆，內𥚃輕盈鬆軟 🥖選用8吋長法蘭克福腸，加上厚實嘅安格斯牛肉，牛味香濃，不過肉質較粗嚡🥩配合焦糖洋蔥，味道香甜焦香🧅用上馬蘇利拉、寶伐朗、白車打同橙車打4種芝士，口感煙韌拉絲🧀最後以炸蒜粒增添香口🧄💗松露蛋熱狗 ($55)每日新鮮手造熱狗包烘至外脆內軟🥖夾入8吋長法蘭克福腸，食落脆皮爆出肉汁🐖配上即叫即炒西班牙滑蛋，用上北海道3.6 牧場牛乳炒成，再加入意大利進口黑松露醬，味道奶滑香濃🍳最後灑上巴馬臣芝士，夠哂鹹香惹味🧀💗美國水牛雞翼 ($18/ 2隻)雞翼肥美大隻，不過肉質較乾🐥醬汁味濃辛辣，都算入味🌶💗洋蔥圈 ($18/ 細)洋蔥圈炸至鬆脆香甜🧅💗芝士薯波 ($18/ 細)薯仔幼粒包住濃郁幼滑嘅車打芝士🥔💗薯角 ($18/ 細)薯角炸至金黃焦香，內裡薯肉綿密🥠