麥當勞再推新口味 榴槤麥旋風登場

黛安一向鍾意食甜品，全新D24榴槤麥旋風今日登陸麥當勞啦，仲有呂宋芒果甜品系列，包括芒果新地窩夫x雀巢®KIT KAT®朱古力，為食嘅黛安決定全部都要試晒佢！

夏天點少得食雪糕，公關姊妹話，麥當勞甜品站及指定McCafé已準備就緒，今日起推出期間限定夏日甜品系列，包括用馬來西亞直送D24榴槤果醬，配搭呍呢嗱新地，榴槤控又豈能錯過呢！仲有「盛夏‧芒之季節」系列，包括呂宋芒果新地筒、呂宋芒果新地、呂宋芒果新地窩夫筒同呂宋芒果麥旋風。

McCafé仲首次推出呂宋芒果新地窩夫，新鮮出爐嘅焦糖風味窩夫，表面香脆，內裏軟綿煙韌，配上香甜嘅芒果新地、雀巢®KIT KAT®朱古力同朱古力餅碎，再淋上香濃芒果醬，講起都想食啊！