周末北上深圳或廣東快閃，最緊要袋定張4G 上網SIM卡，要上到Facebook、IG 打卡，又要連到WhatsApp跟朋友聯絡，最重要是上到Google map 搵路。今次搜羅4款中國／大灣區上網4G SIM 卡，最平HK$15日，最貴不過HK$26日，最大分別當然是網速及最低消費限制！
登入 瀏覽本網站，可獲取積分換領專屬優惠
點擊查看專屬優惠
1. AIRSIM HK$24/日起，最平平均HK$16/日！
AIRSIM 提供2個電訊商的 4G 上網選擇，分別為中國移動及中國聯通，兩者每天用量達500MB後，數據上下載速度將會受限制於128kbps。分別之處在於價錢及質素，中國移動為$30/日、$60/2日、$88/3日；而中國聯通為$24/日、$32/2日、$48/3日。
▲深圳好去處：南海意庫
根據內地網站分析，但以信號覆蓋範圍而言，中國移動相對較廣，價錢較貴亦不無道理。中國聯通網速較快，但既然每天用量達500MB後會被降速，對一日用家來說未必好有幫助，只是勝在價錢較平。
首次購買數據服務後，會以平郵免費寄出AIRSIM，需時約7個工作天才收到。之後可用同一SIM 卡充值。而相比其他公司而言，AIRSIM沒有最低消費，換言之低至$24有交易！
2. 自由鳥 $15/日
本身用開自由鳥電話月費計劃的用家，只要去到中國，開「漫遊數據」就用得。價錢以日計算，即日來回深圳已經好抵玩。
▲深圳必飲打卡點：喜茶
至於非自由鳥用家也可購買遨遊SIM，但初次最低消費為$50/ 每張SIM。雖然自由鳥只需$15日費就享有中國4G 無限上網，但當每日數據用量達500MB，上網速度會被調整至不高於128Kbps，呢個速度就連WhatsApp 收圖片都會極慢，值得留心！
3. Club SIM 環球數據24小時通行證 $15/日
Club SIM 的中國區24小時通行證為$15/日，同樣是無限數據服務！價錢雖然跟自由鳥一樣，但每日數據漫遊用量到達500MB後，有關速度上限為256kbps，此速度比自由鳥的128Kbps為快，所以更值得入手。
▲深圳好去處：萬象天地
如果本身非自由鳥或Club SIM 用家，需要另外買卡的話，建議可選Club SIM 。同樣，初次最低消費為$50/ 每張SIM，除可選香港郵政平郵寄送外，也可到HKT / csl / 1O1O 門市買卡，相對自由鳥彈性較大。
4. 中國移動4G/3G 大灣區3日儲值卡 $78 ，平均$26/日！
▲儲值卡原價為$98 ，網上售價為$78
剛才提到中國移動在內地覆蓋率較高，如果同時追求網速的用家，可以選擇呢張上網卡，平均一日 $26，使用2GB後限速不高於128Kbps！
▲深圳必食打卡點：採魚
而且勝在中港澳三地任用無限數據，而且有50分鐘通話+50個短訊，所以略貴亦不無道理。weekend 用唔晒，返到香港可以用埋佢。