5G嘅出現， 最先受惠嘅唔係長期捱緊8M  ADSL 村屋及唐樓客， 而係另一班被遺忘嘅 8M 地舖客! 「報價鴨」其實早係4月1號已留意到 3HK 公布左一個商用嘅5G流動寬頻計劃，但當時仲有啲細則有疑問，因此「鴨仔」逐一向知情人士查詢後先再同大家分享。

計劃係透過向客戶提供一部內置左5G SIM卡嘅 5G Router 向商用客戶提供高逹100M 嘅流動寬頻服務 ， 而且無限5G數據 ， 計劃內亦包埋兩張 4.5G 嘅SIM， 兩張卡共用10GB 嘅4.5G 數據。詳情請參閱以下附表:

圖片只供參考

4 大問題值得大家留意:

 支援固定IP ?

由於係商業用途， 部份用家可能會涉及固定ip ， 而據我地向相知情人士了解， 現階段哩個 5G 流動寬頻計劃係唔可以加固定ip，等待完成最後測試後應該可以加， 但未有時間表。

 可否可以隨意攞隻5G CPE Pro 去其他地方用?

 雖然個名叫做「5G流動寬頻」， 但其據了解係只能於指定地址使用 及於指定設備上使用。 即係如果你諗住「流動」去其他地方的話， 其實係應該會用唔到5G的。

而且個服務係要登記使用地址， 就算初期唔 Block 你使用範圍， 日後或可以根據相關使用條款而作出限制。

 個華為5G CPE Pro 可否用到其他5G卡?

個 5G CPE Pro 係合約完左之後係唔使還嘅， 你可以據為己有， 但據知情人士指出， 官方版本係話個5G CPE Router 不能用其他5G卡， 咁即係得物無所用? 但據小道消息指個計劃內送的華為5G CPE Pro理應 同出面賣緊嘅無分別， 應該係可以用到其5G卡， 即日後你可以當佢 5G SIM Router 咁用。 (不過未經官方證實)

 搬遷?

由於5G 暫時覆蓋真係唔多， 據了解 3HK 嘅 5G 商用流動寬頻嘅覆蓋暫時更少，只係試驗性地係一啲指定地方提供，因此如果你短期內會搬遷的話， 就建議係可行嘅情況下要先查詢左新地址有無 5G 覆蓋先，否則或會引起一系列嘅合約問題。

「鴨仔」覺得雖然現階段上述計劃只提供100M嘅速度，同現時透過WTTx 以4.5G 所提供嘅100M寬頻相若， 但5G仲有大把貨未出， 問題係睇下供應商幾時推更高嘅速度 !

而據了解， 3HK 第二階段商用5G寬頻將會集中覆蓋商業區， 例如銅鑼灣、 旺角、 深水埗等地區， 對於長期俾緊四五百蚊月費， 但成間舖共用緊條 8M 線嘅客人黎講，  到時就可以考慮轉用5G 商用寬頻啦!

如對上述計劃有任何查詢，可致電3HK熱線：1032

• 寬頻月費比較(光纖/5G) 3/2024
• 寬頻月費比較(光纖/5G) 2/2024
• 5G 家庭 Plan月費比較 3-2024
• 5G 上台月費比較 3-2024
• 歐洲國家盃2024收費流出 最平原來係咁睇....
• 收費電視體育Plan月費比較 3 / 2024
• 家居電話Plan月費比較 3/2024
• 家居電話Plan月費比較 2/2024
• 安裝光纖失敗?注定龜速一世?
• 感謝! 他的一雙手!
• 4.5G全速Plan月費比較 3-2024
• 4G/4.5G 限速 Plan月費比較 3-2024