黃大仙新樓「鑽嶺」甩漏 驗樓師：驗咗廿年樓，未見過咁差！
撰文：呂諾君
出版：更新：
黃大仙一個主打「蚊型單位」的新樓盤，除了單位間隔成位話題，隨着住戶陸續收樓入伙，亦被揭發樓宇質素欠佳問題。單位原來潛藏危機，更不止影響住戶，隨時連街外人行過都會「中頭獎」！有資深驗樓師更表示，該處情況是「不可接受」，「驗咗樓近廿年，從未見過咁差！」
↓↓↓ 外牆甩磚得人驚！！Click入逐張睇！
+2
位於黃大仙的新樓盤「鑽嶺」，因位置便利，加上景觀開揚可以遠眺獅子山，受到不少買家歡迎。不過，驗樓師賴達明表示，短短數周已收到至少5個住戶反映該處有嚴重問題，主要集中在10樓以上的中高層單位。除了一些如漏水等小型甩漏，最嚴重的是在外牆，「用鎚擊棒輕擊檢查幾塊，已經發現空心磚，之後都不敢再打，擔心牆磚鬆脫飛落街。」因爲樓盤前面就是行人路和車路，有不少人經過。假若空心磚飛墮下街，效果不堪設想。賴表示，單位外牆亦見到鋼筋外露，情況是「令人震驚」。
鑽嶺此黃大仙新樓盤被指甩漏問題嚴重，驗樓師更指是他近年見過最差的樓盤。（黎凱容攝）
「新樓嚟講，咁嘅情況真係好罕見，一定要檢查過冇事先可以拆棚，出現明顯嘅問題，係不可接受！」賴指，驗樓近20年來，從未有在新樓盤見到類似情況，「有啲客同我哋講，收樓日期由最初2018年7月延遲到去10月，可能因為已經遲咗3個月，為咗要趕工未做好就交樓！」他認為，現時情況不止業主利益受損，外牆一旦「甩磚」，社區居民安全亦受威脅，促盡快維修改善。記者日前曾到場查看，發現部分高層單位外已搭起棚架，正進行部分修補工程。賴達明表示：「其實新樓咁快就搭棚，明顯係發展商收到投訴，要補鑊啦。呢種情況好少見㗎！」
就以上事件，《香港01》在前天(24/10)向遠東發展和屋宇署查詢，雙方均回覆指正了解事件。
日前記者到「鑽嶺」視察，發現部分高層單位外已搭起棚架，正進行部分修補工程，懷疑和外牆有碎片剝落有關。