職場求生術！你必須戒掉的3種辦公室超討厭行為！

職場新仔最棹忌咩都Say No！職場新人就好似一舊海綿咁要不斷吸收不斷學習，就算真係唔識都自己試吓搵答案。辦公室唔會再好似學校咁，唔會再有人捉住你手仔逐樣教，好多時都要自己摸索自己學。尤其是可以喺網上搵到答案嘅問題，或者有reference可以跟嘅工作就唔好係咁問人點做。

職場上，每個人都有自己嘅嘢要忙要兼顧，肯幫你係情分，唔肯幫你係本分。如果樣樣嘢都因為「唔識」、「唔知」、「唔熟」而要人幫嘅話，咁請你返嚟做咩，叫你同事做埋啲嘢咪得！

「唔知點講」、「唔知點出聲」從來都唔係被動或者卸波嘅藉口。喺職場做嘢就係要主動啲，好多時並唔係人哋忽略你，而係你唔夠主動。例如食lunch咁，可以主動問同事「可唔可以一齊食」。有時候，你唔主動出聲唔主動提，根本無人會知，你嘅同事唔會係你肚入面嗰條蟲。