又一間古早味蛋糕嘅推介，首先餐廳嘅裝潢好特別（估計店主真係好鍾意貓）！而蛋糕款式都幾多。好容易令到我有選擇困難症 👍🏻養生黑芝麻 濕潤度做得啱啱好，裏面配料唔會話特別多特別少，口感鬆軟亦都帶有好濃嘅芝麻香味！（店員話佢哋係用台灣直送嘅黑芝麻，食落真係幾有芝麻糊嘅味道），全個蛋糕冇添加任何色素都能夠做到如此灰黑色，證明真材實...料！ 👍🏻軟心朱古力 一個食完唔覺得甜膩嘅蛋糕，裏面亦都有濃濃嘅朱古力醬，口感同樣鬆軟！ 👍🏻👍🏻環境乾淨衛生，而且標誌十分搶眼，無論包裝袋、包裝盒或是蛋糕上的印台都見其用心。 💡餐廳會不定期進行唔同優惠，有時$35就有一底蛋糕（超級超級優惠）更多

今日嚟黃大仙做嘢，收工打算去附近行下。喺新光中心地下見到有間賣古早蛋糕店舖嘅易拉架，原來呢個商場都開左間古早蛋糕店，一於上去八下。 店舖嘅裝潢好吸引，店面放滿了喵星人公仔。門口仲有個大電視，介紹佢哋嘅貓咪店長「小吉」，樣子非常 cutie，圓溜溜的眼睛很俏皮，好有 camera face，原來只有 7 個月大咋。 睇完可愛...嘅貓貓，咁當然要幫襯下啦，睇下蛋糕有咩口味先！原來款式都唔少，而且當中有四款仲做緊開業醒神優惠，最平 $35 就已經有交易，十分化算。 揀左養生黑芝麻 (原價$68、折後$55) 同 招牌鹹蛋黃芝士 (原價$75、折後$70)。連個包裝袋、紙盒同蛋糕都印上了自家品牌嘅貓咪 Logo，形象鮮明，令人留下深刻印象。 先試下個養生黑芝麻味，蛋糕嘅質感甚佳，糕身濕潤鬆軟，不甜不膩，入口散發著濃郁嘅芝麻香氣。尤其是中間深黑色嘅夾層，芝麻味更是濃香撲鼻，真係好似食緊芝麻糊一樣，感覺十分養生！ 至於另一款招牌鹹蛋黃芝士，用料亦不欺場，入口蛋味香濃，而且質地好似海綿一樣咁鬆軟，加上鹹蛋黃嘅鹹香，令蛋糕嘅味道層次更豐富，又不會過膩。夾層的流心芝士，仲有拉絲效果添，唔怪得店員話呢款蛋糕係店舖嘅 No.1 人氣之選。 唔知下次嚟會唔會見到佢哋嘅貓咪店長呢？更多