【歐國盃】ERROR爆笑講波 全程亂噏卻笑中有淚 4點半打畀阿Dee
歐洲國家盃開波, ERROR無厘頭亂噏講波,揭幕戰意大利對土耳其一役,先由保錡同肥仔,拍住強尼同盧均宜、馬詠茹等人,全程搞笑為主,保錡連續大爆金句,搞笑之中卻又字字珠璣。
睇開波嘅朋友,可能會唔係幾慣, ERROR喺第三聲道講波,全程都冇播比賽畫面,淨係一班主持喺度亂噏搞笑。不過只要開多一個顯示器,一邊睇波一邊睇住第三聲道,就好似成班朋友熱熱鬧鬧陪住一齊睇,半夜波醒神好多。
揭幕戰重溫:烏龍球揭序幕 意大利踢法爽朗 佐真奴搭「雙恩」搶鏡
歐國盃|ViuTV今晚繼續免費播威爾斯對瑞士 附NowTV全部賽程時間表
成班講波界新面孔之中,以自稱細個踢開波嘅保錡最為突出。開波冇幾耐,他就問:「講講吓波如果急尿點算?」然後真係直播中途行開去廁所。
當本身為足球員的盧均宜問保錡,你細個踢邊隊,保錡就答曾經踢沙田隊,仲話自己踢左中場或者左後衛。當均宜再問保錡:「咁你有冇入選青年軍」,保錡就無奈回答「選唔到」。之後大家再想問落去,保錡已經不想再講, 十分搞笑。
保錡與阿慈打電話整蠱在睡夢中的阿Dee(按圖放大)
去到半夜四點幾,成班人悶悶地,決定整蠱不在場的阿Dee(何啟華),搵女主持阿慈扮飲醉酒打電話給正在瞓覺的阿Dee。睡夢中的阿Dee真係有聽電話,阿慈話自己飲醉酒,仲飲咗一噸藍妹,叫阿Dee接佢,講講吓自己笑到講不到落去,然後保錡扮聲繼續同阿Dee講,不過阿Dee好醒目冇上當。之後保錡恍然大悟地說:「未來二十幾日,一定要開飛行模式瞓覺。」
去到尾段大局已定之後,強尼問大家支持邊隊捧今屆歐國盃,馬詠茹就答支持法國隊,然後她問保錡支持邊隊,保錡竟然答:「我支持香港隊」,當大家以為他又亂噏,保錡隨即補充:「香港今屆冇機會參賽,因為本身屬於亞洲區,不過希望政府起多啲新球場,俾多啲資源,支持多啲香港年輕球員。」突然間咁正經,大家都估佢唔到。
歐國盃熱話|馬詠茹、文毅施講波 兩體壇女神遇上YouTuber美女
👇NowTV歐國盃直播「第三聲道」除咗ERROR仲有邊個?👇
保錡好搶鏡,相對來講「唔熟波」的「肥仔」梁業呢就失色少少。保錡玩完張按摩椅,肥仔立刻坐上去,然後表演瞬間入睡。他只是間中講幾句,主要都是吃東西,最搞笑是有眼不識泰山地問盧均宜踢波踢到什麼程度,均宜只好說一句:「其實我已經係球星⋯⋯」
兩年前馬詠茹退役訪問:「單車美少女」談「掛車」 煉出抗逆嚐出快樂
【「單車美少女」馬詠茹常常在Instagram分享靚相】
場波一完,保錡立即大叫:「人生最開心嘅就係收工!」然後即刻被強尼秒殺:「你以為收得工,其實廣告返嚟仲要玩遊戲。」
ERROR第一晚表現已經咁精彩,真係令人好期待今晚阿Dee同193(郭嘉駿)如何玩轉直播室。
今屆歐國盃開幕典禮簡單而隆重(按圖放大)
歐洲國家盃|MIRROR、ERROR每日同球迷玩遊戲 眾多美女KOL齊講波
歐洲國家盃|MIRROR型爆唱主題曲 ERROR亂噏講波:打畀荷蘭叻
【阿慈 Instagram靚相】
【「劍擊美少女」文毅施常常在Instagram分享靚相】
【歐國盃2020分組賽直播時間表】(按圖放大)
歐國盃A至F組介紹:
歐國盃A組|ViuTV免費直播兩場首輪分組賽 意大利回歸大賽抽好籤
歐國盃B組|比利時最強但一位置存隱憂 初哥芬蘭以守為攻鬥群雄
歐國盃E組|西班牙受肺炎陰霾籠罩 利雲度夫斯基繼續單天保至尊
歐國盃F組|上屆冠亞軍齊陷死亡之組 法德葡三熱門為出線爭崩頭
歐國盃戰衣.列強篇︱法國意大利繼續有型 多隊陷圓領PE衫災難
歐國盃戰衣.追星篇︱克羅地亞格仔續精彩 巴利羅拔臣撐出一片天