Posts

<網上功課-焗蛋糕篇>

栗子仔嘅網上學習生活已經進行咗三個星期有多,絕大部份嘅嘢都係佢自己搞掂,不過上星期有份功課(可做或者唔做)就要C媽幫手從旁協助啦,份功課就係要整一個香蕉蛋糕。

一攞起學校提供嘅食譜個心已經涼一涼,因為個食譜要用好多糖同牛油(真係超多。。。),不過但求簡簡單單同順利完成份功課,都係照住份學校食譜嚟整算數。

...

栗子仔做呢啲要落手落腳嘅功課特別投入落力,基本上絶大部份嘅步驟佢都親力親為,C媽主要工作就係企響栗子仔旁邊做吓執漏同埋確保唔好倒瀉嘢。 栗子仔好開心整緊嘅時候,C爸C媽見到啲糖同牛油全部大大羹咁加落去,都已經幻想到個製成品會係乜嘢味道,睇見都知道肥。

食完晚飯,栗子仔急不及待要整一件當甜品食,可能因為係佢自己整嘅關係,佢話好好食喎,C爸C媽都試咗一啖以示支持,不過真係一啖夠㗎啦。。。粟子仔仲講嚟緊連續幾日嘅早餐,一定要食呢個香蕉蛋糕,咁一於交俾你啦!

栗子仔除咗整蛋糕,仲叫埋C爸拍片,自己好有興致同心機咁執埋片來交功課,明明老師都冇話要拍片,不過由佢啦,佢近排興趣係製片。。。

大家如果有興趣想睇吓個食譜,我哋放咗響留言度,呢個食譜基本上係唔會失敗,但係真係超甜超肥!

P.S. 可以嘅話,撳完條片,麻煩like and subscribe 佢個channel,支持同鼓勵下栗子仔🙏

#第一次焗蛋糕
#佢話好好玩
#下次再玩第二樣
#C爸
#C媽
#栗子仔

https://youtu.be/IABf7Gfrs0o

See More

<一雞三吃>

之前都講過響英國食雞真係好抵,咁究竟有幾平呢?

我哋通常都會買超級市場入面一盒盒嘅連皮雞上髀,我哋去開Asda同Sainsbury’s ,正價嘅時候賣大概£2一盒,大概有6至8舊,撞正可遇不可求嘅特價時候,通常係到期前一兩日開始減價,一盒只要90p! 冇錯只係$10港紙一盒。。。。

...

上星期,C媽就有別於平時大鑊飯作風,用一盒雞整咗三樣嘢出嚟,C媽先將全部雞脾掹毛拆骨,然後將部分起皮,剩兩隻唔起皮。C爸C媽好鐘意食咖喱,起咗皮嘅雞肉就用來整泰式咖喱雞,泰式咖喱膏同泰式圓茄子都係響中超買嘅。由於栗子仔暫時都係唔食辣(重新一次,佢係可以自己食哂一包熱浪薯片),C媽就整咗栗子仔其中一個至愛,日式照燒雞。咁仲有一味係乜嘢呢? C媽就將啲雞皮加咗啲香茅椒鹽粉同檸檬汁,整咗個焗雞皮小食,一盒雞滿足左三個願望。

所以平時晚餐煮雞嘅話,真係十分之經濟實惠,我哋一家三口,一盒雞加包菜就已經夠晒!正價來講,只要£3至£4已經可以餵飽我哋三個,自己落手落腳煮,真係可以好平!

#大學嘅時候
#C媽試過
#唔知幾多連發
#都係煮雞
#雞全部都係雞
#仲要係每日唔同味
#不過係亂咁煮
#C爸
#C媽

See More
Image may contain: food
Photos