【龔成問答信箱】（Q16261-Q16280）
Q16261：
阿sir你好，我係你學生，我依家睇緊必瘦站（1830)嘅中期年度報告，有d地方唔太明白，想向您請教一下:
1) 喺綜合資産表（截至30.9.2019），點解”其他儲備”會喺負數（即”（9862)”)嘅？
2) 佢喺報告入面，點解話”資產負債比率為零”嘅？因為我喺BOC網頁見到唔係”零”，但就細過100。
3）我喺BOC網頁度，見到”損益表”係冇”銷售成本”，原因何在？因為見佢收益表都有存貨，唔係應該有產品銷售嗎？
4)我喺水牛網睇番佢以往嘅PE，點解2014年嘅PE高咗咁多嘅？
5)請問合理價$1.7-$2.2，對嗎？同埋可以搵邊間公司同佢作比較呢？
唔好意思，問題比較多，麻煩阿sir抽空幫忙解答，謝謝您。耐心等候您嘅回覆
龔成老師︰
1) 這是一些會計上的問題，其實唔需要太深究，因為作用唔大。佢只係股東權益內其中一個細目，純粹係裡面細目上調動，其中一個細目負數唔係問題。
2) 集團年報按「借貸」除以股東權益計算，而BOC係用按「總負債」除以股東權益計算（「借貨」只是負債中其中一個項目)。
由於集團無「有息借貸」，故年報指標為零。而BOC則除了有息借貸，還包含了其他負債，如未付供應商的欠款，所以指標會係>1。
3) 其實這都是一些會計入數的問題，由於主要收入來自「療程服務」，這部份相對抽象，好難好似產品咁計出實際成本。集團在損益表中排除了「銷售成本」這一項，是可以理解的。
4) 因為2014和2015年股價受大市氣氛推高，但實際集團盈利並唔算很突出，故令PE在這2年較高，所以，當我地運用時，要將數據切頭切尾，避開一些極端數據。
5) 你個合理價大致可以，我會再調高少少（當然，仍要睇香港的市道情況），你可以用香港醫思醫療集團（2138）等作比較。
------------------------------------------------
Q16262：
老師，你好，我現在已經月供$10000股票，分別係盈富、金沙、港鐵、恆基。
有$30萬現金，請問有邊隻股票值得以家買呢？我有諗過阿里巴巴同美團。麻煩你比少少意見，many thx
龔成老師：
你現時月供的，可以保持。
至於阿里（9988）可以考慮，分注，長線，無問題，而$180以下較合理。至於美團（3690），有潛力，但估值難，唔建議太大注。
盈富（2800）、太古地產（1928）、領展（0823）、港交所（0388）都有質素，現價合理，你都可以考慮。
你可以考慮動用$10萬-$15萬，餘下現金要等大跌市才動用。
------------------------------------------------
Q16263：
老師。最近發現長和 長實，太古AB 太古地產 好似好平，見到你最近嘅post介紹太古地產，更加心動想入其中一隻。
太古上年受租金少影響盈利少咗，應該今年租金都會少，這樣的話是否長和 長實更有質素？
但太古地產入場費很低，都很吸引，不過同是地產股所以只打算買其中一隻，龔成老師你會怎樣分析？
龔成老師：
太古（0019）與太古地產（1972），會選太古地產，因為地產是有價值，同時最近股價較為受壓的，加上太古的其他業務，如航空業，質素不好，因此選太古地產較好。
至於長和系，都是不差的，可以投資，現價仍有投資值博率，可以分注買入，但增長力就不算好強。所以，我會偏向首先考慮太古地產，之後才考慮長和系。
------------------------------------------------
Q16264：
我好耐以前買左隻390中國中鐵5000股@$9.4，呢隻股仲有冇前景，我現在應該全賣掉嗎？我見到蝕左好多
龔成老師：
中國中鐵（0390），本質算是不過不失，但近年略有轉弱。
唔好預佢的增長力好強。睇翻佢的業務同財務數據，生意同盈利都處於穩定狀態，但增長力唔算強。
所以長線睇，算有有投資價值，但增長只是平穩。佢過往股價曾在2015年大升大跌，這只是炒一帶一路，但之後回復原狀，因為這因素只能為佢帶來平穩增長，而不是高速增長。之後同樣只是上上落落，近年股價再次轉弱。
這股如不過多貨，可以暫時持有的，但你只能預佢增長一般，未必上得翻高位，你可能去到一定的反彈後，已可以考慮賣出部分。
------------------------------------------------
Q16265：
老師，我老公被通知公司汁粒，做多3個月就無得做。唯有推後供股計劃，將d儲蓄同我份糧保住供樓
得番一半收入，應該要等再搵到工先可以再進行月供股票
計劃。
因應未來半年收入將會減少5成，統計了所有現金同股票既總和為37萬現金5萬股票。
因本身好慳無乜支出，所以即使少左一半收入應該每月都仍可維持儲蓄5000以上。若扣除供樓開支及日常必要開支(半年)約16萬，淨20萬可作投資。
以月供2800，1928，1211的話，應該每月供幾多會較為合適?如以一半分注及月供，另留10萬等大跌市時入，比例上是否合適?
龔成老師：
如果你地出現這情況，這刻一定會著重防守，唔好特別要求進攻，現金要持有較多，投資要停或減慢。
相信「供樓」是最重要的，一定要想方法令這部分無乜風險。
我見你都有一定的現金，相信問題不大，你暫時每月供$5000-$8000好了，$10萬等入市。但一定要留有$15萬現金，作供樓與備用。
------------------------------------------------
Q16266：
龔sir早，我想請教你，我如果投資20萬在股票哪裡，10年或15年之後最好收獲幾多，我准備用來養老，15年之後我60歲了
如果我買02388.06823.00778.00548.0737.01382.00386這幾隻股ok嗎
我已經買了01382.10手，價位在3.54入的，00823領展在64.1入了五手
龔成老師：
如果你是退休者，會偏向低風險，唔好太著重進攻，要保留一點，同時要著重現金流，收息。
投資收息股，可以作為財富分配的一部分，但不建議將全部資金都投資，因為一定要留有一定的現金作防守，以備不時之需，以及若大市下跌，可以買平貨之用。
你可以建立一個收息股的組合，目標是6%的股息率的收息股，例如港燈（2638）、深高速（0548）、香港電訊（6823）、工行（1398）、中銀香港（2388）、置富（0778）、陽光（0435）都可以。
領展（0823）你都可以入，但唔建議持有太多。
另外，有些股都可考慮，但股價就略有風險，你可以小注考慮，例如中石化（0386）、互太紡織（1382）等（記住，股價略波動，不能太過大注）。
------------------------------------------------
Q16267：
老師，我想問下，我現在29歲，月入3萬3左右，想投資以下股票
30% 房託
405
823
30% 銀行
11
2388
20%潛力
金沙1928
比亞迪 1211
20%
盈富基金 2800
想問下以上組合適合我嗎，另外以上股價都是屬於平宜區嗎？
龔成老師：
你分配的方向是可以的，但銀行最好減少少比例，去到20%就夠，第一，可避免太集中，第二，銀行增長力只是一般，你29歲，只需投資小部分已可。
金沙（1928）可持有，但不是潛力股。比亞迪（1211）無問題。
盈富（2800）金額多少少都得。
上述股票，大部分處於合理區中下部，你已經可以投資，只要分注進行，同時留有現金就得。
另外，以你的年齡，財富仍有一定的增值力，建議你多增加投資知識，在選股、企業估值、投資時機上落功夫，對你長遠財富有好大影響。
現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。
------------------------------------------------
Q16268：
老師你好
想請問你點睇以下股票
11號-恆生銀行
1398-工商銀行
14 - 希慎興業
270 - 粵海投資
現價是否合理區域？長揸收息如何？
如果4選2加入月供，邊2隻比較好？
本人今年38歲，現在月供股有:
5 - $1000
1038 - $2000
2800改為每手買入
多謝
龔成老師︰
恆生銀行（0011）和工行（1398）都是優質的收息股，長線持有作收息之用無問題。
工行現價計，已有5%以上，已有長線投資價值，可以買入。
而恒生則有4.6%，算是合理價，可以買入，回調到$150以下入更理想。
希慎（0014），已是合理區，分注投資可以。
粵海投資（0270），合理區中上部，都可小注投資。
如果4選2，希慎、恆生可以
不過，你現時供的匯豐（0005），只是收息股，增長力不強，你38，未必最適合。
------------------------------------------------
Q16269：
龔成老師您好，買了您最新出版的優質潛力股書，裡面其中新加了一隻物業管理股3319。我想請教一下您對1995 和 2669有乜睇法呢？
龔成老師：
物管理行業，有一定的質素，首先，現金流強，每月不斷有穩定收入，加上部分物管企業，背後有大企業支持，因此生意有增長力。
但要小心，部分唔算平，要小心選擇。
永升生活服務（1995）都有質素與增長力，不過，現價略貴。中海物業（2669）都有類似情況，最好等回翻少少先考慮。
雅生活服務（3319）算是未貴的股票，仍可以考慮。
------------------------------------------------
Q16270：
老師你好，好多謝你一直以來既分享教學，今次係第一次發問，望不嗇解答。我同太太 (兩人都30歲)衣家有自住物業(買入1年)
另有大約120萬資金可運用，想把握熊市增值，太太係比較穩陣的人，唔想太大風險，請問該如何步署? 謝謝
另外一個考慮係，現時唔少收息或優質股都在合理價，應否一手一手買入，或採用月供策略?
龔成老師：
如果是較保守的人，可以只動用部分資金，餘下則留下現金。
你可以將其中的$60萬買入股票，分注投資，12個月進行，目標是投資「平穩增長股」+「收息股」。由於你地仍年輕，宜偏較多在平穩增長，收息小部分就得。
如果不懂如何分注，以月供模式模式進行是較穩的，但每月金額就不用太多，例如每月投資$2萬，慢慢進行就得。
如果以分注模式，你先要設計好想入的組合，當中的選股，比例等，然後就利用這一年時間建立。
盈富（2800）是其中一隻核心，餘下加上銀娛（0027）、恆基（0012）、中銀（2388）、港鐵（0066）、煤氣（0003）、粵海（0270）、領展（0823）、港交所（0388）、希慎（0014）、太古地產（1972）等，你可以了解下這些股票，然後從中選股。
另外再加上部分收息股，就可以。
------------------------------------------------
Q16271：
龔成老師你好，，對未來投資樓定股暫時未有明確取態，以下資料看能否給點建議...
兩人月儲4萬，一層自住樓供緊 100萬股票，100萬現金...
目標8年後自由財務，以現時組合，應否同時做以下1和2
1）手上餘下現金：在熊市買入優質股，或 加按層樓買入第二層樓放租
2）未來收入：月供股票
十分感謝你對大家的慷慨解答～！
龔成老師：
首先，你現時已有物業，而香港樓又不算特別平，考慮到你財富組合的平衡，這刻應投資股票，建立一個平衡的組合。
先投資股票，如果樓市大跌先考慮物業。
1）是較進取的方法，建議你這刻集中投資股票，見到樓市有較大的下跌，先考慮這一步，唔好急，跌先做，唔跌唔做。
始終同時供兩層樓，風險會加大左。
所以，（2）是較好，之後先考慮（1）
------------------------------------------------
Q16272：
年齡 37 ，已婚沒有子女，月入約65K，有物業( 尚欠三百萬)，月供約14K
現時資產:
1) mortgage link 户口約90萬
2)股票: 07 年開始月供5 隻股票( 0005, 00016, 00857, 00941, 2800) ，之前每隻$1000, 近三年每隻$2000 )
本人是不追貼市場type, 現想增加月供股票的投資作儲蓄之用( around 25-30k) ， 將來能收息 ，有以下問題:
1) 之前一直月供的0005 00857 00941應否保持月供$2000?
2) 如一直月供的0005 00857 00941應停供， 新的月供組合及金額應該是怎樣？
3) 如繼續保持，月供金額應否調整？我應否把2800增至月供$10000， 另外再新加三隻月供股票，如: 0003 $ 3000, 823$3000,2388$ 3000? 這樣組合可以嗎？ 會否重疊？
4) 月供應否加入1211? 如加入，應該月供多少錢？
謝謝老師。
龔成老師：
1）其實，當股票的質素改變，月供策略都會改變，這不是一成不變的。
匯豐（0005）賺錢能力不及從前，現時只是收息股，增長力不強，如果你投資目標是增值，就應該停左佢，將資金轉其他。
至於中石油（0857），是商品企業，產品價值無自主力，因此不是最好選擇，質素不是無，但不是最強。中移動（0941）保持住先。
盈富（2800）是最好的選擇。
2）盈富、港鐵（0066）、太古地產（1972）。
3）部分轉會較好。你先分析現時財富組合情況，如果某些股票或類別較多，之後宜供其他股，當然，要睇該股的優質度及增長力。領展（0823）可考慮。
4）如果你可以承受風險，可加入，加$1500可以。
------------------------------------------------
Q16273：
龔成老師，你好，非常同意你係學生問答時會建議學生/散戶們用平均成本法買入一定數量既指數型基金，例如盈富基金。
但有個問題想請教一下，個市跌當然繼續買入，但如果個市升，去到咩位置/百分比可以決定應該獲利呢？
謝謝，非常期待你嘅答覆。
龔成老師：
對於一般散戶，實力不算強，利用月供股票是最好的做法，買入價平均，風險有效分散。
如果大市上升，去到貴的水平，可以停止月供，又或賣出股票，但這要睇你分析平貴的能力。對大部分散戶來說，未有計算企業價值的能力，好難知幾時應該停或賣出。
因此，當見到上了一定的水平，可以減少金額，再升就停，要分析翻到時大市的冷熱，以及貴的程度。
因為，我地賣出股票，不單睇股價大小，升得多少，而是有多「貴」。而貴與高是不同的概念。
------------------------------------------------
Q16274：
sir:早晨 2月開始睇到你的post'很喜歡你的理念·3月份
今年59岁 有工作 '匯豐 1手 煤氣9000 工商8000 港燈2000 盈富1500(會再加)
亚里1手
想加0548深高速同陽光好嗎(貪高息)謝謝指導
sir:我準備退休'學吓投資收息
龔成老師：
如果你打算退休，在財富組合的配置上，會偏向收息，進取型股票並不適合。
匯豐（0005）、煤氣（0003）工行（1398）、港燈（2638）可以，這都是收息股，無問題。盈富（2800）可以平衡組合，因此持有無問題。深高速（0548）、陽光（0435）可加。
阿里（9988）不是收息股，你持有一手無問題，但之後唔好再加。
你可考慮置富（0778）、香港電訊（6823）。
投資收息股，可以作為財富分配的一部分，但不建議將全部資金都投資，因為一定要留有一定的現金作防守，以備不時之需，以及若大市下跌，可以買平貨之用。
------------------------------------------------
Q16275：
你好！請問一下現時買入3號定5號作長線好呢？
謝謝
龔成老師：
你應該建立一個組合，而不是只集中個股。
匯豐（0005）賺錢能力比過往減，但仍是可考慮，不過，只是收息股，增長力不強。
佢宣布取消派發2019年第四次股息，在過往經濟較差時期，其實都無試過停止派息，今次有少少突然。
睇翻佢財務數據唔算話特別差，今次要停派息，主要原因係接獲英倫銀行透過審慎監管局發出的書面通知，要求匯豐取消派息。
所以，佢並不是自己好唔得，而去到要唔派息，而是因應翻英國監管局要求，才這樣做，所以，雖然是不好的利息，但不是核心性不利。
停派息對收息股從來都不是好事，但在這全球經濟咁差時候，為集團預留一筆資金備用，對集團和股東都是有利的。
在全球經濟環境影響下，集團中短情況相信都會維持波動，未來再停派息也說不定。但我地投資應該要集中考慮翻佢長線因素，雖然預期匯豐中短期表現會受壓，但長線質素依然存在。
作為收息股係可以，概念上，就是放棄中短期股息，而預期將來慢慢回到正常狀態，只要你投資組合唔好太偏重單一隻匯豐或銀行業就無問題。
但記得，唔好佔比太重就得。同時明白這只是收息股，唔好對股價有太大期望。
至於其實煤氣（0003）仍是有質素的股票，但增長力弱左，而佢改為20送1，反映增長力可能減少左，但不算差。
香港業務不強，但中國部分不差，中短期雖然較一般，但見佢的長遠發展力仍在，但就要耐心點。
由於佢一向都穩定派「相同股息」，在這情況下，反映派息的增長會少左。但整體來說，這企業仍是有質素的。
我睇翻佢近年在中國的投資，仍是保持進行的，每年都有幾十億，這些投資不會好快就見到收成，但這企業就仍是發展中的。我對佢長遠發展仍是正面，只是增長力的問題。
------------------------------------------------
Q16276：
龔老師，你好，本人年近40，有15萬股票，1/3係中銀香港。另有，3手吉利汽車（0175）平均買入價$20.8及12手中國信達（1359）平均買入價$2.37。我想問吉利及信達應否繼續持有?
我想開始月供股票，每月$12000。以下組合可以嗎？那個較好？
A) 盈富$6000、港鐵$2500、恒基/領展$2500、比亞迪$1000
或
B) 盈富$6000、港鐵$2000、恒基$2000、領展$2000
另外，我計劃今年股價回落會分段入巿。如果50%入盈富，餘下50％選3隻穩健股，應該揀同月供組合一樣的股？定係選其他股？
龔成老師：
我地進行財富增待，最重要是建立組合，要平衡，要集中持有優質股。中銀香港（2388）有質素，但3分1是過多，要調整。
中國信達（1359）風險較高，唔建議持有太多。
吉利（0175）有質素，可持有。
至於月供股票，你可以考慮（A）。
當股市回落後你入市，盈富（2800）50%無問題，其他股方面，應該考慮另外一些股票，目的是建立更平衡的組合，當然，要優質股。
------------------------------------------------
Q16277：
你好啊 龔成 我而家二十一歲 剛剛出黎做野 想快D 財務自由 最近睇緊你本書財務自由行 覺得幾有意思 但係裡面講股票既比例好似好少
而家買左一手港交所我想問點樣去辨別其高低位 ?
應該係話便宜區 合理區 同貴價區
龔成老師：
我會建議你睇《股票勝經》、《年報勝經》、《50優質潛力股》，你會有好大得著。
港交所（0388）是有質素的股票，現價合理，你可以投資，只要唔好用盡現金入就得。
要計企業的價值，過程比較複雜，好難三言兩語就講到，就算在我的股票班，都要講5小時，裡面會講3種估值方法，有難有易，但同學都用到的。
簡單來說，要考慮企業的生意、盈利、現金流等財務數據，同時要比較行業，考慮這企業的經營情況，之後的環境又會如何。這都是計算的基礎。
但如果要深入計算，基本上要好仔細的研究企業，要分析好多財務數據用比率，先至有較完整的答案。
------------------------------------------------
Q16278：
龔成老師，請問如買隱建收息當退休每月收入，是否:
1. 選買基金比買股票適合？
2. 買車位租出又如何？
龔成老師：
其實最重要是建立一個平衡的組合，當中可以同時持有收息類資產，各佔組合一定的比例，收息股可以是其中一項。
至於基金，可以考慮，但一定要分析該基金的投資策略，組成等資料，因為有些所謂的派息基金，是高風險投資，有賺息蝕價的風險，同時，有些會利用消耗本金的原理去派息，要注意。
至於車位，可以是其中一項，但現時的租金回報率不算吸引，宜等價格回翻多D，租金回報率較吸引先出手。
------------------------------------------------
Q16279：
本人(47歲)蟹左好多貨, 現又沒有現金入市.之前買的本打算買收息作退休之用.現在想重新開始,舊的蟹貨放埋一面.想問意見
本人蟹貨有 MTR( 5手42.x入) ,HK Bank ( 7手平均71入), 煤氣 (30手平均16.x入), 電能(2手59入) , 閱文(10手104入) 及其他雜股(約10幾萬)
本人仲供緊年金3000元(有4%利息), 仍有8年要供
想問月供8000元組合(用南商供免手續費), 會長供直至退休
本人心水如下
388 港交所
960龍湖隻團
9988阿里巴巴
2318中國平安
作為退休之用, 因本人已有之前買落的收息股, 今次月股目的是想買有發展的股作增值資產及追回現在帳面輸果D股
龔成老師：
你方向有少少行錯左，我先講翻D基本概念先。
當我地進行人生財富累積，會運用「先增值，後現金流」作方法，初期應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。
你47，財富仍有增長，但不是進取。
因此，匯豐（0005）、電能（0006），以你的年齡來說，並不是最適合，因為你仍有財富增長力，而這兩股只是收息，你唔應該持有太多，之後不用增持。
港鐵（0066）、煤氣（0003）無問題。
閱文（0772）有風險，唔建議持有太多。
至於之後想買入的，港交所（0388）、阿里（9988）、平安（2318）無問題，另外，最好加入盈富（2800），可以平衡翻你組合的風險。
另外，建議你多增加投資知識，在選股、企業估值、投資時機上落功夫，對你長遠財富有好大影響。
現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。
------------------------------------------------
Q16280：
你好，請問點睇保險股，如AiA, 中國平安？對美股又點睇？謝謝
龔成老師：
友邦保險（1299）不差的，企業有一定的質素，有品牌、有規模，生意雖然做到較大，但仍有增長力，不過就不是高增長，只是平穩增長。
至於平安（2318）都有類似情況，而增長力會比1299較好。
兩者盈利就有少少波動，但這都正常，因為保險公司有投資相關收益，所以這亦會令股價略為波動。這股有長線投資價值，但現價就處合理區，分注較好。
美股只要找到有質素的企業，可投資，現時美股大致處合理水平，分注買入無問題。
----------------------------------------------
若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。
另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。
由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。
' xlink:href='%23b'/%3e%3cuse fill='black' filter='url(%23c)' xlink:href='%23b'/%3e%3cpath fill='white' d='M12.162 7.338c.176.123.338.245.338.674 0 .43-.229.604-.474.725a.73.73 0 01.089.546c-.077.344-.392.611-.672.69.121.194.159.385.015.62-.185.295-.346.407-1.058.407H7.5c-.988 0-1.5-.546-1.5-1V7.665c0-1.23 1.467-2.275 1.467-3.13L7.361 3.47c-.005-.065.008-.224.058-.27.08-.079.301-.2.635-.2.218 0 .363.041.534.123.581.277.732.978.732 1.542 0 .271-.414 1.083-.47 1.364 0 0 .867-.192 1.879-.199 1.061-.006 1.749.19 1.749.842 0 .261-.219.523-.316.666zM3.6 7h.8a.6.6 0 01.6.6v3.8a.6.6 0 01-.6.6h-.8a.6.6 0 01-.6-.6V7.6a.6.6 0 01.6-.6z'/%3e%3c/g%3e%3c/svg%3e){kind=small}
All reactions:
26 comments
2 shares
Like
Comment
26 comments
Most relevant
- Ky Chan阿sir,3690是優質股嗎？現價$191是貴嗎
- Raymond Yip龔sir ,981中芯國際是優質股嗎？
- Mwwn Michelle龔sir，我而家月供股票$10000。分佈$3000 2800，$2500 0027，$1500 0823，$2000 0066，$1000 1211，請問會唔會太散呢？選股ok嗎？謝謝老師
- Edited
- Andy Hoi
Top fanHi龔sir ，想請問6881中國銀河有質素嗎？我由上年買入持有到現在，股息很好，剛剛一星期差不多升了0.8，昨天就升了0.41。證券商合併消息真是幾大刺激作用！ - 4 Replies
