龔如心:其實就死點至會開心 使咩我講
[墳場獨家]
一直鮮有接受傳媒訪問的時裝界領袖龔如心(1937-2007)罕有地答應本報採訪,表達自己對城中陽間富豪彌留消息的意見。
「人生求咩?one life one love?」龔如心直接反問記者。「咪又係求開心,啱唔啱呀?」
龔如心向記者表示,自己與年輕人較為「傾得埋」,特意藉今次機會訴說衷由。「到你都咁多錢,你臨死仲想點?點燈有咩唔啱,咪又係錢。人死上天堂,錢留響銀行有咩用。人一世乜都試過,到尾個風水師話點燈續命又好、聖燈轉運又好,氹得你開心,咪玩下囉。人最緊要開心,錢多錢少有咩所謂。」記者問「種生基」是否情況如一,龔如心只是笑笑點頭。
「情情愛愛呢啲係人地私事。到臨死,你邊會諗咁多。都係果句,及時行樂。」記者應總編輯要求,問及為何小甜甜旗下的物業圖則都是三尖八角鑽石型,龔如心表示:「做生意梗係要賺錢,又唔犯法,你唔中意咪唔好買。而且你使陰司錢的,怕你呢世都買唔到架啦,問咁多盞唔開心,啱啱教你咩呀?」言罷,短裙女鬼跳舞而去,回頭揮手,預祝所有讀者明日(14號)情人節快樂。