林泳淘離巢TVB即轉做KOL 上開電視受訪仲要幫男主持揀紅底褲?|香港01|即時娛樂

林泳淘離巢TVB即轉做KOL 上開電視受訪仲要幫男主持揀紅底褲?

撰文:
最後更新日期:

傳統上農曆新年要著新衫褲鞋襪,連內衣都唔例外,寓意新一年新開始﹗林泳淘(Wingto)去年事業上經歷改變,慘食「無情雞」。不過佢隨即轉變工作軌道,向KOL發展,工作機會不斷,呢日拍攝香港開電視賀年特輯時,更為男主持揀選紅色內褲,希望大家鼠年行大運﹗

Wingto接受香港開電視《娛樂頭條E-news headline》邀請拍攝賀年特輯,用100元為主播馬梓軒(William)購買應節新衣。兩人走在女人街悉心挑選,鬼馬的Wingto笑言為了William「下半身」幸福,決定送他一條印有貓貓圖案的紅底,寓意鴻運當頭,又希望他在鼠年憑此貓無往而不利。William對於Wingto誠意滿滿的祝福,即時滿臉通紅。

Wingto用100元為主播馬梓軒(William)購買一條印有貓貓圖案的紅底,寓意鴻運當頭。

被問到新年會否穿紅色內衣褲時,Wingto笑道:「我曾經有一年買過紅色,但發覺紅色其實都幾難襯,所以之後就決定買唔同顏色!因為紅色自己少著,又怕浪費!」

Wingto話自己試過新年買紅色內衣褲,不過因為太難襯所以往後都係買其他顏色。

去年Wingto在事業上經歷改變,被慘食「無情雞」,她慶幸及時得到歐錦棠扶持:「當日一收到電話我就打俾棠哥,棠哥好快就介紹咗一啲演出工作俾我!加上嗰段時間屋企人冇俾好多壓力我,好多謝佢哋!」

踏入新一年,Wingto坦言希望在事業上多作新嘗試:「我係一個好鍾意向外走,嘗試唔同嘢嘅人!嚟緊都會為香港開電視,去台灣拍攝一個介紹素食嘅節目!我自己都有幾間心水嘅素食店,希望可以拍到!」

+3
+2


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。