亞洲超星團 LOONG 9 出道團名成笑料？！成員名單公布 曾志偉宣佈舉行第2季

《亞洲超星團》決賽頭9名成員名單揭曉！

《亞洲超星團》限定男團正式出道，成員依排名分別係：奧利、李權哲、冼靖峰、江信熹、梁詩煜、白子奕、文佐匡、黃奕斌同陳梁，團體正式命名為「LOONG9」，而首個粉絲見面會將於3月10號於澳門舉行，超星召集人曾志偉亦現場宣佈，《亞洲超星團2》亦即將展開。

大會宣佈入圍名單，倒數至第3位，之後公佈第1同第2位成績，而最後公佈第9名，反高潮之餘亦更為刺激。排名依節目公佈序如下：

第9名：陳梁
第8名：黃奕斌
第7名：文佐匡
第6名：白子奕
第5名：梁詩煜
第4名：江信熹
第3名：冼靖峰
第2名：李權哲
第1名：奧利

LOONG9隊名成笑柄 LOGO一出即被微博觀眾指斥抄襲NINE PERCENT

限定男團似乎出師不利，LOONG 9 隊名雖說順應潮流意指「龍年」，但在網絡上即被恥笑與1990年《賭俠》陳法蓉的角色「龍九」撞名，微博上也有一片聲音直指「Loong9」 抄襲，原來其LOGO與愛奇藝《偶像練習生》的出道男團NINE PERCENT標誌太相似，真係中、港、網絡三面不討好⋯⋯

其中有來自內地的觀眾一句作出總結：

人是稠的、標是抄的、名字是土的、熱度是吸血導師的，活該糊穿地心

NINE PERCENT 百分九少年2018年成立 同樣有9個人

NINE PERCENT是依據愛奇藝真人秀《偶像練習生》出道的男團，於2018年交由大眾票選出的9人男子唱跳音樂團體，成員包括蔡徐坤、陳立農、范丞丞、Justin黃明昊、林彥俊、朱正廷、王子異、小鬼王琳凱、尤長靖。同樣是為期一年的限定男團，2019年10月12日NINE PERCENT在廣州體育館進行「告別演唱會」後正式結束團體活動，當時製作組對隊名寓意也有解說：

「百分之九」寓意著「NINE PERCENT的每一位成員，將帶著另外91位練習生的夢想，用自己百分之百的努力去守護這9%的幸運，越努力越幸運！」

MIRROR創團亦曾捲抄襲指控 隊徽被指抄襲BTS防彈少年團？

其實ViuTV在2018年公布香港男團MIRROR的隊名和隊徽時，亦曾鬧出抄襲指控，官方解說MIRROR源自「鏡子能夠反射無限影像」，不過鏡像Logo就被指與BTS防彈少年團有相似之處。當年有網民質疑抄襲指控是否成立之時，《全民造星》首屆的其中一位參加者就在個人Instagram限時動態上傳MIRROR和BTS防彈少年團的Logo。

雖然MO當年的限時動態並沒有打任評論文字，不過就給人疑似串爆MIRROR「抄襲」BTS防彈少年團。對於坊間抄襲指控，ViuTV就未有回應。

亞洲超星團名單｜丁子朗被淘汰 成團機會不大

丁子朗自從參加選秀節目《亞洲超星團》化身偶像喺舞台嘅一面，因排名喺30名之外，由於已被淘汰，成團機會不大，佢坦言參加選秀節目真係大開眼界。

多人出局！只有4位香港代表入圍總決賽

晉級總決賽的 18 位超星練習生當中，據知共有 4 位是香港代表，當中還有一位殺入頭三位，想知他是誰？密切留意今晚播出一集！公布完 18 強名單之後，朱正廷旋即公布總決賽賽制，18 強超星練習生將分成 2 個 9 人組合進行比賽，而分組的順序將根據第三輪超星練習生順位而定，今集亦會完成分組環節。《亞洲超星團》「成團之夜」總決賽將於 3 月 9 日晚假澳門銀河綜藝館舉行，到底最終成團出道的 9位超星練習生是誰？屆時便會知曉！

冼靖峰自爆曾經想退賽

今集還節錄了超星練習生的訪問片段，不擅長跳舞的冼靖峰（Archie）自爆曾經想過退賽，他說：「每一次跳舞都想放棄，我曾打電話給我經理人，說我要退賽回去（香港），然後我經理人說：『我當作沒有聽過你這個電話。』之後馬上掛電話，最後我還是堅持下去，人家用一倍的力，我就用十倍的力，終於以前一些舞蹈老師、還有一些真的會笑我跳舞難看的平輩，都說我真的跳舞好看了。我會用不同方式、不同的作品去回饋大家，希望讓大家覺得支持我是一個好的決定！」

張鎬濂：「我不只是洪欣的兒子」

另一香港代表張鎬濂則指參加節目是想證明自己：「我知道有些人認識我，可能是透過一些我參選過的節目，也有些人知道我是因為我的家人，我很希望在以後的作品上，可以讓大家有一個特別深刻的印象，讓大家記住我叫張鎬濂，而不只是洪欣的兒子！」

Hugo黃奕斌密密備戰總決賽 預告好快有第一首派台歌

Hugo黃奕斌喺《亞洲超星團》表現亮眼，亦密密備戰排練，不過佢都忙裏偷閑抽時間出席粉絲聚會，同一眾粉絲食嘢影相，佢仲即場展示《亞洲超星團》主題曲嘅舞步。喺最近公布嘅排名當中，Hugo一直名列前芧，所以成團機會好大，有咁好嘅成績佢都感激粉絲支持。

嚟緊3月9號就係《亞洲超星團》總決賽嘅大日子，Hugo預告自己帶畀觀眾驚喜，所以一直秘密練舞，務求有最佳表現。曾經喺內地讀書嘅Hugo，佢話有同學喺網上搵佢之前比賽嘅片嚟睇，佢哋仲會模仿動作拍片再畀番佢睇，佢就話自己親屬票有限，所以就希望佢哋盡量能夠入場睇。

曾志偉曾寸爆指MIRROR唔係對手

今次TVB推出男團選秀節目，令唔少人都聯想到捧紅MIRROR、ERROR和MC張天賦等多位歌手嘅ViuTV《全民造星》。當曾志偉被問到《亞洲超星團》是否用嚟對抗MIRROR嘅時候，曾志偉就回應指：「唔係，我哋亞洲地區嘛」，網民都認為曾志偉嘅回應非常帶骨，仲話曾志偉似係想暗示「MIRROR紅不過羅湖」添。

網民反應一面倒唔睇好：咪有隊Super Tiger囉

其實TVB已經唔係第一次推出男團，之前為了為了食住因《全民造星》而誕生的MIRROR、ERROR等男團、女團的熱潮，TVB繼去年推出女團After Class後，再臨時組成一個10人限定男團Super Tiger，後來突然嚟一個大地震式重組，將企開C位開羅天宇踢走。今次仲話推出新男團，令網民都一面倒表示唔睇好。