校長燒肉120分鐘放題真係好抵食，仲要假日去，7點前離座每人都係 $178，一邊燒烤，邊打邊爐真係滿足哂2個願望。環境大，坐得舒適 自助區選擇多。有燒烤配料、打邊爐配料、仲有刺身、壽司、點心、炸物、熱食、粉麵、沙律、甜品、飲品，仲有好多款醬料選擇 燒肉類都好多選擇，雞牛豬好多款唔同選擇，連魚柳都有得燒，仲唔怕黐底添。飲品除咗...雪櫃內嘅凍飲外，仲有熱櫃及多款花茶類選擇，真係睇到花多眼亂 打邊爐有3款湯底選擇，包括日式豬骨湯、四川麻辣湯及壽喜燒湯，總有一款啱你心水，揀好心水湯底，攞個煲放湯就搞點。打邊爐配料有多款肉類、丸類、蔬菜類及各款腸仔選擇 今日有燉湯有節瓜粟米紅蘿蔔瘦肉湯，另外仲有5款點心比你揀：包括有叉燒包、蝦餃、燒賣、牛肉球及珍珠雞。隔離仲有個壽司櫃，有幾款壽司選擇。每人每次可以攞三款刺身，三文魚仲係厚切添，鮮甜肥美 好多款甜品選擇，凍櫃內淨係杯裝甜品都有9款口味選擇，仲比我見到有榴槤布甸及自助唧雪糕機，今日係朱古力味雪糕，食完更透心涼 校長燒肉日韓料理----荃灣沙咀道298號翡翠廣場2樓更多
每當朋友聚會吃飯, 不論人數多少, 因著各人的口味不同, 往往都要費盡心思選擇, 但自從去過校長燒肉之後, 就再沒有這方面的煩惱了 校長燒肉的食物及飲品種類非常豐富, 不論中、西、日、韓式, 都應有盡有, 而且味道及質素亦有保證, 一定能夠滿足各人所好, 而且配料亦非常齊全, 還可以一邊韓燒, 一邊火鍋, 一邊自助餐, 一次過...滿足三個願望 這次來是臨近萬聖節, 由門外到店內都充滿萬聖節氣氛 今次試了最深刻的有 人參雞湯 - 真材實料, 味道甘甜👍 蕎頭 - 有點意外竟然在沙律吧可以找到蕎頭, 很少機會可以吃到, 酸酸的味道非常醒胃, 吃到有點飽飽滯滯時也能大派用場👍😋 中式蒸魚 - 肉質鮮嫩好味😋 木瓜雪耳糖水 - 非常滋潤的時令糖水, 甜到適中, 吃了三大碗🤩😋😋😋更多
校長燒肉荃灣分店位於荃灣沙咀道298號翡翠廣場2樓 餐廳有電梯同樓梯上2樓 一打開門，就係校長燒肉 先黎係刺身區 要留意既係帶子同赤蝦＜有殼＞在晚上7點十五後之會供應 刺身每次最多攞3款 刺身款式多 有三文魚 肥美 馬刀貝 爽口 虎蝦 彈牙 呢三款係我必食推薦 再黎就係雪糕櫃 係晚上7點半後供應 有韓國...的榴槤雪條 香濃榴槤味 蜜瓜雪條 清甜味 能得利荔枝雪條 荔枝味非常正 好清新 樂天牛奶朱古力批 最受歡迎 有炸物區 有麥樂雞，春卷，唐揚雞件，薯角 炸到脆卜卜 飲品有汽水，綠茶，啤酒 我飲綠茶 非常清爽 好夾食燒肉 仲左罐裝飲品仲有花茶區 有沙律區 泡菜，沙律菜，粟米，車厘茄等等 我食左泡菜 非常爽口😋 少辣 菜類有木耳，南瓜，芋頭，生菜等等係打邊爐的配菜 我夾左生菜，包住燒肉食 生菜好新鮮🥬 燒烤區同打邊爐區係拼排 我食左牛油粟米 多汁好味 牛五花 肉質好嫰 打邊爐同燒肉都好食 麻辣雞扒 我用黎燒烤 肉質嫰👍 龍脷魚 燒完仍然嫰滑 韓式牛肉 好薄，好滑👍 芝士腸必食 爆汁👍 芋絲好爽口 墨魚丸 彈牙 湯底自助形式 麻辣湯同壽喜燒 比較受歡迎 餐廳係9點黎有宵夜時間，食到店舖關門 成人$178 非常抵食👍更多
休息日和媽媽去食校長燒肉日韓料理，食完再去接放學，時間剛好又充實，哈哈。 校長燒肉日韓料理，一間已經食過好幾次的餐廳，因為給一個價錢，就可以無限任食，食到自己夠自己飽為止。飲品、沙律、點心、燒烤、火鍋、甜品、壽司等一應俱全。人均消費$154，食夠兩小時，飽到捧着肚子走。 飲品有熱有涼，湯水點心食完好暖胃。除了有中式糖水，連豬...腳薑醋都有得食。媽媽見到不停的食，還大讚豬腳薑醋夠入味，肥膏豬皮都整得不再肥膩，只有酸酸甜甜的薑醋味，食完一碗又一碗（不是食完一件又一件😂😂😂） 燒烤款式都不少，香草魚柳、三文魚腩骨、秋刀魚、魷魚鬚、韓式豬肋骨、孜香豬扒、韓醬豚肉、香草腸、豬柳漢堡、煙鴨胸片、一口牛、醬醃雞腎片、韓風雞軟骨粒、水牛城雞中翼、土匪雞中翼、香辣豬頸肉等等，數不完的款式，韓式中式的醃製風格都有得選擇。 沙律方面，粟米、車厘茄、青瓜、沙律菜等都翠綠新鮮，略調醬料，跟自助式一樣的味道，但價錢只是百多元一位，所以來了好幾次了。 食完再開啟甜品胃，食雞蛋布丁、藍莓乳酪杯、士多啤梨啫喱、朱古力雪糕等，飽到上心口。 📍 校長燒肉日韓料理 (沙咀道) (荃灣) 荃灣沙咀道298號翡翠廣場2樓 Tel: 36190212 #香港探店 #旅遊元素 #相機食先 #手機食先 #美食香港旅遊好去處博主 #香港美食 #香港旅遊攻略 # #foodie #food #foodpic #foodphoto #yum #yummy #delicious #tasty #hkig #ighk #hkfood #香港美食推薦 #荃灣 #任食 #燒烤火鍋 #好抵食 #飽到捧着肚子走 #校長燒肉日韓料理更多
早放工時間尷尬，想食得豐富少少又諗唔到食乜嘢，突然諗起校長燒肉放題又平又幾多選擇，心血來潮約埋媽咪一齊食，原來上次食已經係成10個月前！下午五點至晚上七點燒肉放題+打邊爐任食120分鐘，都只係$138 ，另收加一！呢個時間餐廳人流唔多，出去拎食物，唔使迫唔使等，食物又fill得滿滿，真心正！另外要讚吓個燒烤爐幾猛火，食物好快燒熟...！ ————————————————————————- 食物選擇唔少，以呢個價位來講性價比好高，比起出邊價位高啲嘅放題，食物種類一啲都唔輸蝕！炸物、前菜、熱湯、熟食、點心、果凍、布甸、糖水、壽司、沙律、紙包罐裝飲品、十幾種自沖花茶，基本放題包括嘅食物款式都有，仲有特別口味。另外韓燒肉類雞鴨牛羊豬肉都一應俱全，仲要全部醃過，有唔同口味！丸類、腸仔、餃子、鍋貼、海鮮、菜類、菇類、午餐肉、菠蘿、漢堡扒、三文魚扒、烏冬、麵……幾十款食物，基本上你諗到嘅都有！ ————————————————————————- ➺➺燒烤 銀鱈魚係我最愛，燒完仲係好多汁，好香香草味！ 另外麻辣雞扒麻辣味好突出，好入味！其他肉類都唔錯，主要係入味！ ➺➺打邊爐 打邊爐係自助嘅，今次見到有分隔湯底嘅鴛鴦煲，於是一邊放壽喜燒湯底、另一邊放豬骨湯湯底，主要都係用嚟淥菜，雖然個煲唔大，但係都滿足到打邊爐嘅願望！ ➺➺點心 今次終於試咗點心，喺蒸氣車上面直接拎走點心，熱辣辣，燒賣彈牙，蝦餃皮都算薄，可以一試！ ➺➺飲品 罐裝椰汁飲品唔係間間放題都有，所以呢間餐廳有好開心！試咗三重奶茶，唔太甜但重奶味，唔錯！柑橘檸檬、乳酸飲品都有！更多
與朋友到校長燒肉日韓料理，位於觀塘開源道68號觀塘廣場15樓B號舖， 之前來過一次， 今晚的食物質素好像比之前更有進步👍🏻。 餐廳主打燒肉🥩+火鍋放題🫕， 每人$228再加一。 食物種類非常多🤩， 自助區有燒肉、沙律、熟食、餐前小食、火鍋配料、刺身、壽司、甜品、各款飲品、花茶和酒類等等。 推介幾款幾欣賞的食品☺️，... 刺身必食赤蝦🦐， 鮮甜大隻又新鮮。 熟食我喜歡點心部， 蟲草花燒賣幾特別。 火鍋喜歡壽喜燒湯底，用嚟煮肥牛和公仔麵特別好吃🤤。 燒肉最喜歡羊架🍖， 有豐富的肉汁，口感軟腍。 最後記得留肚食甜品和飲花茶， 自助區有多款花茶🫖，美顏養生。 性價比超高的校長燒肉日韓料理，過百款食品和飲品， 真係超抵食👏🏻。 🏷️溫馨提示～ 整個用餐體驗均屬個人分享意見， 只作參考😊。 🔵🔵🔵🔵🔵🔵🔵🔵🔵🔵🔵🔵🔵🔵🔵🔵🔵🔵 味道😋 4/5 環境🏬 4/5 服務💁🏻♀️ 4/5 衛生🙌🏻 4/5 抵食🍽️ 5/5 總分🏆 8/10 🔴🔴🔴🔴🔴🔴🔴🔴🔴🔴🔴🔴🔴🔴🔴🔴🔴🔴🔴 校長燒肉日韓料理 (觀塘廣場) 地址: 觀塘開源道68號觀塘廣場15樓B號舖更多
今晚同班波友打完波，人多當然食任食，朋友介紹去校長燒肉yeah 去到要排隊入坐，入到去嘩😱刺身、壽司🍣、沙律，火煱，燒烤，數之不盡😍😍正 人多就是要選擇多。先排刺身，每次3款，先點選赤蝦，帶子及泰式生蝦，赤蝦算不錯，但每次限一隻，當然啦，咁大隻，又鮮甜，一啖食落完全正😍😍帶子就一開二，鮮甜。都不錯，泰式生蝦都比左5隻...左右。🤭🤭正 火煱-有數款湯底，豬骨濃湯，麻辣湯及日式湯底，今次選左豬骨湯，火鍋太多款，菜有唐生菜，旺菜及菜心，金菇，蘿蔔，木耳，所想都有😛😛 燒烤😍😍雞翼都幾款味道，我就比較食土匪雞翼，香啦，入味👍🏻👍🏻韓風雞軟骨，椒鹽雞軟骨係必吃，燒到小小金黃，咬落口，woo😍😍正呀雞扒同牛仔骨都係必點系列。 飲品真係好似士多咁，應有盡有，梅酒，啤酒🍻一班朋友咁任食真係開心瘋狂。 糖水有蕃薯糖水，幾正。蕃薯🍠好好味。 乳酪雪糕-自己食幾多自己話。當食到飽飽時候，有乳酪酸酸甜甜咁真係超正🥰🥰🥰🥰更多
好久沒吃放題，突然想吃韓式燒肉，就選擇了分店很多的校長燒肉。吸引到我的就是價錢了，在放題界裡面，校長燒肉cp值算數一數二，非常平民化。 因為在平日休假，就早點吃，價錢又更便宜了，星期一至五，5點至7點時段，只需$138，加1也只是$176，竟然還有不到200塊的放題，一定要去吃呀！ 平日而又早既關係，基本上只有2～3臺客，自助區...一覽無遺，很多食物，就肉類都已經好多選擇了。 肉類有雞，豬，牛是基本，而且不同口味的也有，像雞翅膀就有咖哩，蒜香等。 還有海鮮喔，烤三文魚腩真的超好吃🥺 另外不止燒肉喔，就連火鍋也有，而且配料也非常多，簡直雙重響受😋😋 熟食方面也很多，有炸物，例如著條、洋蔥圈、咖哩角等。也有幾款中式食品，個人推薦東風螺，實在太好吃了🥰🥰還有點心選擇，蝦餃、燒賣，牛肉球等… 甜品選擇也好多，啫喱，布甸，奶凍，芝士餅應有盡有，但美中不足是真的吃太飽了，無法試甜品，但就吃了自助雪糕🍦區的，旁邊有甜筒可以自己裝雪糕，相當美味🥺 飲品也有一大個冰箱裝著，起碼有二十多種，選擇非常多，罐裝，支裝也有。 整體來說就cp值太高了，有選擇困難症的也不怕了，應有盡有😌更多
校長燒肉荃灣分店搞緊個$88晚市早鳥時段2小時燒肉邊爐放題優惠，依家上OpenRice就可以購買餐飲券，食完放題會收返正價現金$31服務費，加埋都係$119 ，真係好抵！ 晚市早鳥時段由下午5點開始，都有唔少人食，食客坐滿餐廳一半。餐廳大部份都係卡位，長櫈後有高高嘅紙板作遮隔之用，私隱度高啲，疫情下又食得放心啲！好多年前光顧過...一次，今次嚟印象完全唔同，無論係食物擺放整齊度、餐廳乾淨度、食物味道等質素大大提升咗好多。食物款式選擇方面，燒烤同打邊爐食材與肉類、海鮮、醃製類食品等等，加埋大大話話最少有四五十種，蔬菜、點心十幾廿種，餐前小食、熟食、甜品啫喱等接近十種，前菜、壽司超過十種，飲品種類幾十種……真係多到數唔晒！ 質素方面呢，又真係幾唔錯喎，大部份燒物都醃製過，尤其深刻係銀雪魚燒完熱辣辣食落口多汁到滿瀉仲好香香草味，辣醬雞肉都好嫩滑辣味恰到好處好惹味，炸雞塊、薯角唔多油之餘仲好趣好香口！ 打邊爐係自助形式，自己出去拎煲加湯，個湯當然冇料喺入邊，但係豬骨湯清清地淥下蔬菜同菇類都好，滿足下我乜都想試啲食啲嘅慾望！ 最後有好多嘢想試但未試到，驚訝呢個優惠真係好抵同埋觀感唔同咗好多，好快又會再嚟幫襯！難怪離開嘅時候落住雨都有十幾廿個人排隊等食第2輪7點。更多
任食 早兩日同Ivy去咗荃灣食校長燒肉日韓料理，其實即係放題 ，有好多嘢食 ，肉類蔬菜類飲品類甜品類等等，平時去食放題會見到嘅一般呢度都會見到。不過令我印象最深刻嘅呢度竟然有花茶可以飲。而且花茶仲可以自己調配裏面放啲乜嘢。我記得佢有好多款配搭可以選擇，而且仲有一張紙仔寫住乜嘢加乜嘢可以做到啲乜嘢效果，亦都有寫到單一款式咁飲用果...一種花茶係有啲咩功效嘅。埋單$238兩個人，平均每個人$119 。價錢非常之經濟化算，而且又食得好飽 。 校長燒肉放題醃製嘅土匪雞翼，照燒雞扒，水牛城雞中翼，金沙骨，呢啲我覺得都幾好食，因為調味料配搭得啱啱好，食落去又唔會覺得太鹹，但係就好入味，再加上喺鐵板上面燒，燒之後嗰種香味好撲鼻。食完一件又一件。 飲品方面，同平時嗰啲放題都差唔多，而且佢仲有一個暖櫃係放暖嘅玻璃裝維他奶 ，所以唔鍾意飲凍野嘅朋友都可以喺呢度飲啲暖暖地嘅嘢。 仲有其他蔬菜或者壽司等等都可以自己出去隨便攞，唔使寫點餐紙都幾環保，又唔使叫啲職員幫我哋拎自己出去拎都幾方便。自己鍾意食咩就攞咩，埋單$119一個人都幾抵呀，哈哈。更多
