無敵金句男神 ！黎明紅足30年

<<延伸閱讀>>好基友？亂點娛樂圈男男鴛鴦譜

黎天王入行30周年演唱會場地出問題，臨時喊停，簡直天怒人怨，試想想，來自世界各地買了演唱會飛的朋友，酒店、機票、食宿一連串的消費，只為見偶像一面，突然無得睇，真係喊出黎，眾人當然遷怒於食環署，但黎天王即刻企出來道歉，更證清話唔關食環事，係自己問題，將錯攬上身。

黎天王予人的印象屬智慧型，而他的靈活頭腦，正好反映在今次處理問題上。演唱會要取消，分分鐘釀成公關災難。

但黎明選擇用最真誠的方法透過 facebook 親身向大家交代，立即承認錯失及冷靜地尋找處理問題的方法，行動力100，迅速安撫鼓躁的粉絲們，成功化危為機。

出post 又夠密，live chat 無難度，睇落非常之有親切感。如果有一人一票選特首的話，黎天王呼聲不比劉天王差。

黎明敢試敢做，創意行先，總是帶無數驚喜給我們。以今次演唱會為例，一反傳統，大膽租用中環海濱活動區，由零開始重新搭建全港首個4D室內演唱會場館，希望為觀眾帶來視、聽、味、觸覺的4D製作。

偶像難免有包袱，但Leon 睇得好開，自己將靚仔樣貌惡搞，一邊車一邊rap自嘲娘爆，又化身「蝙蝠俠」並改名為「明福俠」向粉絲報道，帶無數歡樂給網民，教人如何不愛他？

黎生既金句，絕對經得起時間考驗，亦顯出佢風趣睿智！前排上903 Did did 姐同呀占當奴的《口水多過浪花》節目，金句依然無盡。

問：「而家先開 facebook會唔會有點遲？」答：「呢個世界有基因係比較快，有些基因係比較慢，咁我係屬於最慢那一種。」

黎生的金句其實用途廣泛，希望有朝一日集結成書，應該男女老幼都想買，袋返幾句金句傍身。

人馬座的黎明，直率、不做作，有人覺得他說話很倔，但其實他只是對自己誠實，將原有個性展現。呢種瀟灑，我行我素，於娛樂圈是清泉，而亦都只有 follow your heart，先有魄力長做長有。

黎明亦有涉獵導演、監製等幕後工作。多元化的發展使他的巨星地位屹立不搖，更與宋慧喬成為好友，天王寶座實至名歸。

事業有成就，仍不忘貢獻社會。貴為UNICEF國際親善大使，百忙中仍多次抽空親身前往落後地區作探訪，關顧全國幼兒發展，同時又為公益金出心出力，慈善義務工作不遺餘力，具天王風範。