李佳芯電視史上最靚法官、胡定欣最入型入格!女星最索律師法官look比拼 | 娛聞 | 東方新地
feat_1196_12

李佳芯電視史上最靚法官、胡定欣最入型入格!女星最索律師法官look比拼

一年一度,台慶劇名單正式公布! 11月9日八點半起,打響頭炮有卡士強到一個點嘅《使徒行者3》,11月16日起九點半首播,則有載譽歸來嘅《踩過界II》。第二輯《踩過界》今次有新血加入法律界,女神張曦雯、蔡思貝同簡淑兒,兩個係大律師、一個係檢控官齊齊戴假髮穿黑袍晒台型。其實歷來法庭戲都係電視台至愛題材,歷代花旦好多都飾演過大律師,大家心目中,究竟邊個至型、氣場至強、最無可取代?

撰文、圖片:東方新地

張曦雯挑戰視障律師

氣質高尚,張曦雯16年開始拍劇後唔少角色都係演專業人士或者女強人。白色醫生袍著得多,今次加入《踩過界II》唔止演律師,仲要係一個視障律師,事前準備功夫一啲都唔簡單。

李佳芯電視史上最靚法官、胡定欣最入型入格!女星最索律師法官look比拼

蔡思貝sharp醒大律師

喺第一輯飾演癲姐嘅蔡思貝,將由師爺升呢成為大律師,成個人脫胎換骨唔同晒,索咗又sharp咗,今輯仲會同新加入嘅張曦雯爭仔㖭!

李佳芯電視史上最靚法官、胡定欣最入型入格!女星最索律師法官look比拼

簡淑兒律政新手

甜美型宅男女神簡淑兒飾演律師會唔會可愛柔弱過頭?Jessica話呢個角色係千金小姐出身,又係啱啱畢業嘅律政新手,所以整潔啲、溫柔啲、任性啲,不過極有正義感。

李佳芯電視史上最靚法官、胡定欣最入型入格!女星最索律師法官look比拼

鍾嘉欣努力上進好律師

回流四個月拍新劇《 兒科醫生 》,以為會激起鍾嘉欣嘅戲癮,殊不知反而令嘉欣 BB 決心唔再離開一對兒女,宣布呢套劇大有機會係佢最後一部作品喎……講番轉頭,07年入行僅僅三年,嘉欣 BB 就加入經典神劇《 溏心風暴 》飾演常在心一角,扮演努力上進嘅律師都好搶㗎!

李佳芯電視史上最靚法官、胡定欣最入型入格!女星最索律師法官look比拼

胡杏兒兇神惡煞做律師

眨吓眼,原來兩輯《 怒火街頭 》已經係十年前嘅事,當年嘅女主角胡杏兒一頭短髮兇神惡煞,再睇番今日嘅杏兒溫柔顧家母愛澎湃,真係做戲先見到佢個惡樣!

李佳芯電視史上最靚法官、胡定欣最入型入格!女星最索律師法官look比拼

宣萱律師專業戶

作為上世紀無綫出產最多續集、最影響深遠嘅法庭劇,《 壹號皇庭 》系列有最多視帝視后甚至樂壇天后飾演律師,係呀,鄭秀文同王菲都有份做律師同檢控官,仲有另一個專業戶宣萱。作為留學英國多年嘅高材生,宣萱講得一口流利又好聽嘅英語,唔搵佢演律師至奇!

李佳芯電視史上最靚法官、胡定欣最入型入格!女星最索律師法官look比拼

陳慧珊御用專業女強人

講到無綫史上御用專業人士女強人,非陳慧珊莫屬。拍劇多年,陳慧珊多次喺電視劇中扮演律師,當中包括 《妙手仁心》 、《壹號皇庭》及《創世紀》 。

李佳芯電視史上最靚法官、胡定欣最入型入格!女星最索律師法官look比拼

李佳芯電視台史上最靚法官

點解冇份做續集《踩過界 II》?都怪 big boss單立文上集大結局推咗佳芯BB落懸崖囉!有名你叫360度無死角花旦,佳芯 BB喺《踩過界》嘅大法官look,絕對稱得上電視台史上最靚法官。

李佳芯電視史上最靚法官、胡定欣最入型入格!女星最索律師法官look比拼

黃翠如剪髮減肥現大律師風範

名列節目巡禮2021年度重頭劇之一 《七公主》 日前拍峻,而第一女主角黃翠如 飾演嘅顧家大家姐都係大律師。為套戲,翠如剪咗一頭長髮仲減肥十磅,都係為咗令角色更強勢更有大律師風範。

李佳芯電視史上最靚法官、胡定欣最入型入格!女星最索律師法官look比拼

陳法拉《法外風雲》大律師

學有所成嘅陳法拉終於喺HBO劇集《Undoing 》中亮相,不過第一集得嗰兩句對白兼且係群戲做背景板,露面都唔知有冇兩分鐘。13年離開無綫前最後一套劇,法拉擔任女一嘅《法外風雲》 ,就係飾演大律師。

李佳芯電視史上最靚法官、胡定欣最入型入格!女星最索律師法官look比拼

楊怡(現名楊茜堯)大律師最難演

失驚無神改名叫楊茜堯嘅楊怡,9年前喺劇集《 真相 》中飾演大律師,入行多年演出經驗豐富嘅「 茜堯 」,都話呢個角色係歷年最難演、最吃力、最多對白嘅一次。

李佳芯電視史上最靚法官、胡定欣最入型入格!女星最索律師法官look比拼

徐子珊為求上位不擇手段

11年重頭劇《 潛行追擊 》有黃宗澤同徐子珊演一對,Bosco 係大奸,而女朋友都唔弱,劇中子珊飾演嘅大律師為求上位不擇手段,色誘埋上司于洋上床。

李佳芯電視史上最靚法官、胡定欣最入型入格!女星最索律師法官look比拼

讀者留言