沙嗲軒 (香港黃金海岸酒店)

營業中

休息中

星期日12點去到，完全唔洗等位，簡直係完全冇人。因為餐廳喺黃金海岸酒店入面，環境好好，非常舒適。食物質素都唔錯，好滿意。招牌海南雞飯 $168雞肉非常序滑，雞皮同雞肉中間有一層薄薄透明啫喱，好好味！油飯好香，但個湯有少少鹹，美中不足。棷香咖喱牛腩 $130個咖喱真係非常之「棷」味。我揀咗最少辣，結果真係完全唔辣。如果食得少少辣嘅朋友，建議揀普通或以上嘅辣度。牛肉肉質稱唔上好淋，但都唔韌，整體嚟講不過不失。

早前同家人去黃金海岸，所以就試下Satay Inn。當日我哋下午叫咗咖喱牛肉、沙嗲牛肉、雞肉同豬肉串燒、雞翼、乾炒牛河、海南雞飯、印度千層油酥餅、馬六甲椰汁西米布甸等。佢咖喱同沙嗲味都好重味，所以都好食。雞翼反而一般。而乾炒牛河唔會太過乾身，味道不錯。海南雞飯同印度千層油酥餅都好食，特別係油酥餅，好煙韌，好有口感。最後叫咗碗馬六甲椰汁西米布甸，都算有驚喜，因為佢唔會太甜，啱啱好，攞到個平衡。當日餐廳唔算太多人，每張枱與枱間都有足夠嘅空位，唔會俾人覺得太逼夾嘅感覺。

屋企人生日 去咗黃金海岸酒店staycation去完沙灘玩之後覺得好凍 就book咗沙嗲軒食飯 一落樓下就係好方便呢個肉骨茶係白湯 胡椒味比較濃的 不過都幾咸同較油呢個黑湯 藥材味道濃厚啲 我比較鍾意呢一個黑湯燒釀豆卜 豆卜入邊釀左啲青瓜、芽菜、肉末不過成件食落口麻麻哋 感覺好乾涸蒜蓉鹹魚炒芥蘭 主要食中間最嫩口的部位 爽甜！通菜都嫩口無渣胡椒脆雞翼就冇乜驚喜嚕 無咩胡椒味 亦不是很脆 入面肉無點醃過的感覺沙嗲就揀咗一半雞肉一半豬肉兩者都燒得唔乾 咬開都Juicy 有肉汁海南雞方面 做得好 雞肉很嫩滑有肉味，而且雞皮都整得好香 唔會好肥 油飯也煮得很甘香整個飯吃下令人滿足麥皮牛油蝦 非常之香甜 肉質爽彈 外面蝦殼也甜滋滋的亦很香脆 忍不住連殼也吃下 天氣好凍嘅情況下 樓下有一間不錯的食店已經好幸福❤️

同媽咪到黃金海岸酒店staycation ，當然要試吓酒店內的餐廳，我哋下午5:45入座，所以人數不多，可以坐一張很舒服的枱👍🏻我哋點咗….👇星洲炒蘿蔔糕：味道很好，有星馬風味星洲炒飯：賣相吸引，沙爹串好味😋腐皮豬肉卷：腐皮很脆，但豬肉口感唔👌🏻，食完很「漏」見到人食炒通菜，都好想試吓，但因食物份量較大，要等下次先可以再試啦！😋😋酒店住戶有八折，所以都唔算貴，職員態度親切有禮（好過酒店自助餐廳好多）但要記得訂位👍🏻👍🏻👍🏻

實在有好一段日子沒來屯門了，近日靜極思動，懶骨頭居然想郁動一下，老遠跑到屯門見工。見工過程尚算順利，但成功與否倒是平常心，甫出門口，心下一鬆，便覺肚餓，沿著黃金海岸的海邊緩跑徑，信步去到酒店找老朋友敍敍。大堂因為近月迎接聖誕來臨，酒店以動漫「比卡超」作擺設，佈置成多個打卡點，喜歡「比卡超」的朋友可不要錯過。中菜廳食了好幾次，同名沙嗲軒菜色只在尖沙咀店品嚐過，屯門店多年來都是擦身而過，正好來個輕食午餐。啱啱 interview 完，天氣又乾燥，口渴到一個點，即時來杯薏米水，清潤甜滑，正好。餐前小食是「黃金魚皮」，即炸即食熱辣辣，入口時仍感到一陣咸蛋香及熱氣，咬落脆卜卜，送啤酒真係絕配。五香腐皮豬肉卷（$78）外層又係炸得香脆，未食已傳來五香粉的氣味，豬肉夾有少許肥肉，油香令口感及味道增添吸引力，蘸點帶甜的黑醬油會更惹味。沙嗲雞及豬（半打/$138）店名稱得沙嗲軒，串燒沙嗲當然有水準。朋友是免牛族，只點了雞及豬串燒，邊位有焦香，甜甜地又有花生香的沙嗲是靈魂所在，令味道提升了不少。海南雞飯（$168）用上新鮮雞，雞味比冰貨好多了，雞肉嫩滑，尤其是有三色醬提供，相當對辦。雞油飯粒顆分明，而油份

不過不失，酒店內的其中一間餐廳算係咁。菜式不多，餐牌只有三頁(如果圖文並茂更佳)，但係頁頁都係好吸引嘅東南亞菜式，不過我認為只有海南雞飯做得比較特出。價格尚算可以(用埋信用卡優惠)。

去黃金海岸酒店 staycation, 早左 check-in 未有房, 又唔想行得太遠, 咁就近近地喺酒店大堂沙嗲軒食個 lunch 等有房丫🤭叫左兩個主食🥘香辣星洲炒飯 nasi goreng都幾惹味😋 有兩大片蝦片, 兩串雞肉沙嗲串燒, 雞肉炒飯配流心蛋, 少少辣🌶️ 超級非常惹味! 食完都仲想再食😅🥘招牌海南雞飯有一碗清湯, 油飯好香唔油膩, 雞肉雖然幾滑, 但份量略少, 同雞皮超級肥同比較多! 所以好似無咩點食過雞肉咁😅

母親節去過中港城上面的沙嗲軒，兩個人第一次試，因為係午餐，食得少，很多菜式都冇食到。於是今日約埋朋友去黃金海岸酒店呢間沙嗲軒一齊食，食咗好多款出名嘅新加坡特色菜，海南雞飯、雞肉豬肉串燒、印度薄餅、鹹魚炒芽菜、新加坡肉骨茶等等。大家都覺得好有驚喜。

係黃金海岸酒店staycation, 晚餐近近地去酒店內的餐廳食野。本身都不抱太大期望，但竟然食到好好食的麥皮牛油蝦。開邊大蝦本身已經無腸，炸到皮脆，可以連殼食，浸滿香脆的麥皮牛油，配上肉質爽口彈牙的新鮮大蝦，完全係滿滿的幸福感，食完蝦肉，仲可以一大啖淨麥皮咁食，都好香口。巴東牛肉有少少似乾身的咖哩，肉質比較瘦同唸，牛肉吸晒d汁，每一口都好入味。用印度薄餅伴巴東牛肉食就最夾，鬆化的薄餅好香牛油味，配醬最好食。

同朋友唔知食乜就走咗去黃金海岸 見佢又唔使等位又唔使book位就衝咗入去食🙈同朋友嗌咗個海南雞飯，炒蘿蔔糕同埋串燒個炒蘿蔔糕大家其實可以唔使叫嘅因為真係好難食😂😂😂個賣相又唔討好唔識形容啲味😅又咸又甜咁我就真係唔識欣賞我串燒我哋就淨係嗌咗牛同豬 味道唔太差嘅但係牛串就有啲乾豬串反而就幾juicy 同埋佢個沙嗲醬又幾好食😋到成餐飯嘅重點就係海南雞飯成個碟入邊嘅重點係碗飯😋 平時出街食到嘅雞油飯好多時都真係淨係雞油唔會有任何鹹味 又或者啲鹹味係一啲都唔夠嘅 (個人喜歡食有味嘅雞油飯😂😂) 個飯嘅鹹度啱啱好 又唔會太油膩只係啲油啱啱好包住粒飯啫👍🏻👍🏻 然後個湯唔會太過味精 唔會特別口渴 反而個雞有少少失望 冇乜味道但係又唔會太鞋嘅不過而家香港都好難食到啲好好食嘅雞㗎喇🥲不過喺買單嘅時候 原來恒生信用卡仲有八五折😂 有個小驚喜😂😂

為慶祝結婚周年，又因疫情無得去旅行，就專登揀咗遠離市區又有渡假環境嘅「黃金海岸酒店」住番晚加飲飲食食，買咗個「悠然下午茶住宿計劃」，包雙人豪華海景房、入住當日嘅主題下午茶、翌日嘅雙人自助早餐。雖然個住宿計劃無包午餐，但今早食完早餐，再去行千島湖，返到嚟啱啱好正午多啲，退完房就順道晌埋酒店內嘅「沙嗲軒」食完午餐先走，一來覺得酒店晌防疫方面做得好，二來食過好幾次「沙嗲軒」（尖沙咀分店）都喺印象良好，三來揀食星馬菜感覺就更添渡假氣氛，故此就梗喺捨遠取近啦。 始終喺酒店餐廳，環境唔會差得去邊，整體佈道雅致，加上疫情關係，枱與枱更加編排得多一點距離，所以，空間感更強。 我哋被安排坐晌落地玻璃一旁，自然更光猛，視野更開揚，讓人感覺更舒適。 而對出有啲高腳枱櫈，可以俾客人坐晌出面飲吓嘢，只可惜疫情下未有開放。 上面都提過，晌度食嘢就喺貪酒店做防疫做得好，甫坐低，侍應捧咗一大盆熱水連鋼夾，喺俾客人消毒餐具用，呢啲就喺細節位嘅分野。「沙嗲軒」主打喺賣星馬菜，翻一翻餐牌，當然發現唔少熟悉嘅星馬菜式啦。分類上，包括前菜、湯品、海鮮、雞類、牛肉、傳統星馬美食、飯類、蔬菜類、甜品及飲品。結婚周年，當然要食得盡興

599•Eat疫情下的食肆怕多人辛苦排得嚟又唔好食食外賣食到悶想岀去搵食又驚唔衛生我哋599•Eat幫到你無論大鋪小店我哋都會盡試盡講今日食評有✍🏻Satay Inn@Hong Kong Gold Coast Hotel試食指數⭐️⭐️⭐⭐️⭐店舖衛生⭐️⭐️⭐️侍應態度⭐️⭐️⭐️⭐((每項5⭐️為滿分))周日是。。。滿街是人的日子🙆🏻‍♀️🤷🏻‍♂️我哋為咗避開人潮特登揀啲位置比較偏僻選擇比較冷門嘅地點食飯黃金海岸酒店係信心之選每次都令我食得安心又放心今次試食Satay Inn🥢👍🏻海鮮喇沙👍🏻👍🏻去骨海南雞飯👌🏻椰汁西米布甸喇沙可以選擇小辣或者特級辣海鮮包括鮮蝦、魚蛋、魚片配半隻蛋、豆卜、芽菜、青瓜絲面底係幼米線椰汁湯底稀咗少少但係味道濃郁熱騰騰上枱食完個湯底都仲溫㗎👍🏻正宗海南雞飯係去骨🦴賣相首先吸晴🤩雞夠滑油飯夠香口味挑剔嘅我都食到冇停口👍🏻👍🏻幸好飯後甜品食完才上🤨原因好簡單大家睇吓圖片就知啦👀🧠不過不過味道係ookk 的👌🏻黃金海岸酒店內的餐廳大都保持一貫水準👍🏻二人三主食一甜品盛惠390👌🏻

星期六行完千島湖(即大欖涌水塘), 過來試試這間位於黃金海岸酒店的沙嗲軒。真心覺得，招牌海南雞飯值得試試。不過，魚頭湯米粉就非常之普通。唔薑味，唔番茄，唔酸梅！！同我在新加坡食的魚頭米粉湯完全不同。好失望。😞

去沙灘玩完，就入酒店搵餐廳食晚飯。沙嗲軒基本上我地次次都會食，因為新加坡菜真係好岩一家大細食。我地當日叫左菜粒素雞蛋白炒飯、蒜香蜜糖雞翼、炸蝦餅同埋雜菜煲，四款餸都好適合小朋友食。每次黎都必叫炸蝦餅，啖啖蝦肉，好彈牙爽口，配埋酸辣醬真係好開胃，兩個仔都爭住食，不過岩上檯時都幾熱下，要攤耐啲先好俾小朋友食呀。蒜香蜜糖雞翼好驚喜！食到我哋個個都舔舔脷，呢個推介！菜粒素雞蛋白炒飯一貫水準，唔會太油，我地食慣淡味嘅覺得味道剛剛好，小朋友岩晒雜菜煲令我驚喜之處係佢既湯底，我竟然忍唔住係咁飲啲湯，唔會好咸，冇咩味精，好易入口，呢個真係要加分！兩個仔唔鍾意食菜既都係咁食菜，下次去沙灘玩我會再黎呢度食飯

與老婆跟兒子玩完沙灘，行過來食飯很方便。打電話訂位立即有。三個人結脹要600塊，不算很貴 ，但不是openrice寫的100至200元。叫了兩肉一菜:巴東牛肉、肉骨、鹹魚芥蘭，白飯及飲品。巴東牛肉高質，價錢合理;肉骨茶也不錯，沒有某些茶餐廳那些藥材渣; 芥蘭也可以。飯嫌份量少，最後點多個椰香飯，椰香飯沒有油飯那麼油膩。飲品叫了「美祿恐龍」給兒子。這杯飲料我覺得最不值，要60多元，是我的涷啡的一倍有多，完全不理解。建議父母們不一定要花這個價錢，而且兒子最後也喝不完。(服務方面，其實很殷勤，但就是太殷勤，肉骨茶吃剩一件，前前後後三個侍應趕著想收，我都說未食完，第三個想收我趕快夾落自己碗內，最後卻掉了在地上)