黃翠如被指工作壓力太大 IG出PO講「再見」令網民擔心不已

黃翠如有份主演嘅劇集《七公主》正在熱播中，而佢喺劇中飾演又狠又辣嘅律師顧靈珊，外形cool爆，給人一種冷冰冰嘅感覺。劇集出街後，唔少網民都話翠如駕馭唔到角色，尤其係打官司嘅情節，話佢淨係識瞪大對眼同用氣聲講對白，演技再度備受批評。喺噚日（22日），佢喺毫無預警之下喺IG上載一張手拿小葉子嘅相片，寫下「再見。」，並關閉留言功能，令唔少網民擔心不已。

黃翠如一向俾人一種傻大姐感覺，燦爛甜美嘅笑容已經成為佢嘅個人標記，佢間唔中亦有喺社交網站發放正能量，不過噚日佢嘅作風同平日好唔同，突然寫下「再見。」，唔少網民都擔心佢係咪發生咗啲咩事，猜測翠如受不了工作壓力，再加上老公蕭正楠喺內地開緊工，冇人陪伴喺佢身邊同照顧佢。

一班擔心翠如嘅粉絲，分別喺粉絲專頁留言支持佢，例如「一如以往，每次翠如劇出街， haters 湧現，尖酸刻薄評論出現，今次不例外。。翠如真的受傷了，無力撑了。。」、「她怎麼了？好擔心」、「沈（沉）澱一下重新出發，支持你喔！！」、「你是最好的，我們永遠在！」、「好突然好擔心好想知究竟發生乜事」、「唔好玩，希望快啲有好消息」及「不知道發生了什麼 但我們一直在」等等。

到今日黃翠如再喺IG到update寫下：「總有一天，我們會再相遇 私人的悼念，謝謝關心。」 疑似回應事件。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！