下個月生得！黃穎君Fit爆影大肚寫真

藝人黃穎君（Burmie）現時懷孕八個月，喺下月卸貨嘅佢依家放緊產假，最近就同老公丘一峯（Nick）去海灘浸吓水影吓大肚寫真！見Burmie雖然肚大如籮，但手腳仍然好纖瘦，佢話：「依家放緊產假，好悶，所以天氣熱諗住去浸吓水，又想影啲特別啲嘅相，自己就同老公帶部相機去影。（仍然咁Fit？）其實我都有腫到，但我養胎期間都係食吓啲營養補充食品，食嗰啲都係畀BB吸收營養嘅，唔使額外再補太多，因為補得太大，之後BB又會太大隻，自己都佗得辛苦，所以我都有留意自己體重。」

Burmie話現時心情都有啲緊張，比想像中攰，希望到時可以餵人奶，所以要繼續戒口：「生完我會繼續戒咖啡、酒，所以我覺得做人媽媽真係好偉大，我已經去到忍無可忍嘅階段。」

---------------

立即參加「賞您睇」： http://bit.ly/2JWKULh　

Click下面粒掣，儲on.cc coins！機票、家電、超市禮券、過萬份獎品等緊你。