黃浩然相隔25年響應紅十字會呼籲捐血 曾患罕見病有死亡風險更注重健康

黃浩然於10年前曾患罕見免疫系統疾病「貝賽特氏症」，當時停工休養，之後佢再回歸幕前，黃浩然早前成就解鎖挑戰三項鐵人賽，目前佢非常著重身體健康，噚日更喺社交網貼出捐血相，黃浩然自爆相隔25年再次捐血。

黃浩然幾年前因工作過勞，曾患罕有免疫系統疾病「貝賽特氏症」，大病後嘅黃浩然開始積極運動。

紅十字會輸血服務中心日前呼籲市民前往捐血，血庫存量已跌至非常低水平，當中O型及A型血最缺乏，黃浩然得知血庫庫存告急，希望大家出一分力支持，佢對上一次捐血已係25年前嘅事。

黃浩然得知血庫庫存告急，希望大家出一分力支持。紅十字會輸血服務中心日前呼籲市民前往捐血，血庫存量已跌至非常低水平。

黃浩然當日前往銅鑼灣捐血站，並講述捐血過程，透露自己血管比較幼，針比較難進入，最初擔心收集血液會唔夠，甚至唔能夠成功捐血，佢感謝護士細心幫忙，最後「唔痛地」完成任務，捐咗350ml嘅血，希望大家可以恆常捐血救人。

黃浩然當年被導演杜琪峰發掘轉做演員，後來轉戰拍劇成功入屋。

黃浩然當年被導演杜琪峰發掘轉做演員，憑電影《孤男寡女》及《新紮師妹》讓觀眾留下深刻印象，後來黃浩然轉戰拍劇而成功入屋，黃浩然太太Kaka係著名形象指導，有傳女方家族身家逾億兼擁有多層豪宅、物業；黃浩然喺2014年發現患上罕見免疫系統疾病「貝賽特氏症」，最嚴重嗰陣有機會導致全身潰爛，有死亡風險，黃浩然為身體着想而辭演《張保仔》，其後佢停工一年休養，將家庭放喺首位，佢近年積極做運動。
黃浩然2018年首次參加馬拉松半馬，2022年參加二人Aquathlon挑戰先游泳後再跑步，成為水陸兩項鐵人，黃浩然去年成就解鎖，升呢做三項鐵人！