黃樹棠病逝|曾與周潤發稱兄道弟 憶舊情感唏噓:上位後各散東西

黃樹棠病逝|曾與周潤發稱兄道弟 憶舊情感唏噓:上位後各散東西

撰文:洪曉璇
出版:更新:
黃樹棠曾於麗的電視擔任武術指導兼演員。(黃國立攝)

從影超過50年嘅資深藝人黃樹棠,三年前確診大腸癌二期,切去14吋大腸,至今年3月再傳出癌症復發癌細胞入侵肺部,至4月10日凌晨佢囝囝於網上發文指父親離世,終年77歲。

黃樹棠在《我和殭屍有個約會》系列中,所飾演的求叔,表面經營遊戲機鋪,但實際上販賣及製作各式驅魔道具、咒符予萬綺雯,並為尹天照提供過期血包。(網上圖片)

12、3歲時投考仙鶴港聯演員訓練班,棠哥獲劉家良師傅賞識收做徒弟,後加入麗的電視擔任武術指導兼演員,之後再過檔TVB,與周潤發多次合作成為好友。佢地喺《親情》飾演表兄弟,《網中人》又演好朋友。其後棠哥不再與TVB續約,1981年時有報導指黃樹棠當年支持周潤發遠走加拿大,TVB認為佢有份支持發哥背叛TVB,因此黃樹棠約滿時TVB殺一儆百警告藝人唔可以背叛公司。

黃樹棠病逝|一生縱橫影視54年 《我和殭屍有個約會》最有代表性

黃樹棠病逝|曾多次受情傷不願結婚 師生戀一年閃婚雙喜臨門

+12

棠哥曾於2017年接受《香港01》訪問時話提到昔日稱兄道弟嘅周潤發時話:「人情味唔係話無,但當各有各忙就少見,我唔會怪,大家都明白這圈子,一班人打天下,上位之後就各散東西,好聽叫緣份,唔好聽叫名利。我同周潤發拍《親情》玩得好埋,之後開戲(《血汗金錢》)都會搵佢,十幾年來稱兄道弟,但分開之後,見面都會打個招呼……跟成龍、洪金寶也是在心中,他們有他們的層次。」棠哥說時帶點唏噓。