黃曉明同Angelababy 2009年相戀，2015年舉行世紀婚禮拉埋天窗，2017年愛情結晶小海綿出世，係圈中模範夫婦代表之一。但近年時不時都有聲音傳出，話黃曉明同baby貌合神離，仲有人猜測佢哋已經離婚，而Angelababy更被傳戀上內地小鮮肉拍檔鄧倫！已經鮮有喺微博放閃互動嘅兩人，早前突然合體出席活動，佢哋似乎係想親身打破謠言，力證兩口子感情依然好到打風都打唔甩，不過是戲還是真？看來只有時間能證明！
登入 瀏覽本網站，可獲取積分換領專屬優惠
點擊查看專屬優惠
黃曉明同老婆Angelababy早喺2009年已經秘密相戀。Baby曾經同陳偉霆有過一段情，當時被記者問到知唔知道Baby同陳偉霆嘅前塵往事時，黃曉明突然爆咗一句「而我不知道陳偉霆是誰」，令William被好多網民恥笑，亦係陳偉霆紅爆網絡7事之一。之後黃曉明同Baby喺2015年拉埋天窗，兩人都係圈中貼地，唔做作，為事業搏到盡嘅代表，當時呢段感情成為一時佳話。但舊年開始唔少細心嘅網民發現，兩人微博互動開始慢慢減少，似乎佢哋嘅感情都不斷降溫中…
逃稅風波係決裂的開始？
舊年范冰冰逃稅風波，好似一把火燒遍整個內地娛樂圈，有人話黃曉明作為高片酬嘅一線小生，都成為重點審查對象。為咗逃過呢一劫，曉明都花咗唔少功夫，原本作風高調嘅佢，喺微博都開始營造一個低調，愛公益嘅形象，避免槍打出頭鳥。
有傳就係呢個時候開始，曉明同Baby因為財物問題導致感情出現裂縫，傳聞未得到證實，但黃曉明同Baby微博開始鮮有互動。
今年Baby生日黃曉明發咗一條微博，仲要將Baby稱呼為「美媽」而唔係「老婆」。一時惹嚟好多人猜測曉明同Baby嘅關係係咪剩返「小朋友嘅爸媽」呢一層。要知道當時劉愷威就稱楊冪為「孩子媽」，之後兩人果然離婚收場…
去年黃曉明外婆生日，Baby喺大合照無影，似係缺席黃家家庭聚會，冇到場祝壽。
Baby喺自己微博只係分享工作同出去玩嘅相，偶爾仲有囝囝小海綿，但少見一家三口嘅相，老公嘅身影更係已經絕跡。
Baby愛上內地小鮮肉？
有傳Baby同黃曉明關係降溫仲有一個原因，就係Baby已經同26歲嘅內地演員鄧倫撻著。
鄧倫年紀輕，而且高大英俊，係當紅嘅一線小生，最近鄧倫同Baby合作主演嘅電視劇正在熱播，網上唔少傳聞話兩人戲假情真，已經撻著。
外形上依然少女味十足嘅Baby的確同鄧倫非常相配。
合體放閃定貌合神離？
種種流言蜚語之下，Baby同黃曉明早前罕有咁以夫妻檔一齊出席一個遊輪活動。黃曉明仲非常貼心咁一直幫Baby拿住裙尾。
但當時嘅圖片中，曉明一直跟喺Baby身後，Baby似乎都冇望曉明一眼。非常冷漠。
兩人同框嘅相中，Baby笑容牽強，兩人喺台上更係講咗短短幾句話就匆匆落台。呢個活動係力破謠言定俾咗大家更多猜測空間，就真係見仁見智喇…