備受關注，屢傳婚變嘅黃曉明同Angelababy兩公婆又有最新動態！黃曉明近日再次出招，喺微博回復網民評論，直認：「我也喜歡baby」力破傳聞。黃曉明親自下場回應嘅舉動，仲獲得網民大讚有擔當。不過只有一方嘅回應似乎都係缺乏說服力，唔知幾時輪到baby表態呢？
登入 瀏覽本網站，可獲取積分換領專屬優惠
點擊查看專屬優惠
Angelababy同佢老公黃曉明嘅婚變傳聞傳傳得熱烘烘，兩人有心無意中營造出嚟微妙嘅不和氣氛，令敏銳嘅網民感覺佢哋之間嘅關係應該不同以往。面對咁多嘅猜測，如果當事人唔出面回應，只會令傳聞越傳越誇張，於是最近黃曉明終於再次出擊，力證夫妻感情不變。
黃曉明回覆評論破婚變傳聞
離婚對打開親情牌嘅藝人嚟講，係非常影響自己形象同聲譽嘅一件事。喺呢場婚姻保衛戰中，身為男人，曉明大哥一直盡力向外界證明佢同Baby仍然係5年前嘅神仙眷侶。作風越嚟越低調，好少講家事嘅曉明，最近無拿拿喺微博底下回復網民評論，間接向Baby表白「我都好鐘意Baby」，sweet到爆燈。
網民留言：「我都好中意你同baby」，然後曉明回復：「謝謝，我都好中意baby」，公開示愛之舉，獲唔少網民留言讚好。
其實呢次已經唔係黃曉明第一次出招，前不久佢先同baby合體出席活動，喺活動上佢仲主動幫baby拉裙尾，展現自己貼心嘅一面，可惜活動上兩人幾乎冇互動，而且仲被媒體指當時baby笑容僵硬，甚至冇睇過老公一眼。
當恩愛已成往事
黃曉明同Angelababy曾經堪稱圈中模範夫妻嘅代表。兩人性格都係一樣咁貼地，唔鐘意擺架子，秀恩愛都非常簡單直白，好多粉絲都好中意佢哋。
曉明2016年仲喺微博幫baby宣傳，模仿baby嘅微博影8張selfies，一時成為熱話。
2017年Baby仲幫黃曉明媽媽慶生，最愛嘅兩個女人都喺身邊，曉明都感到特別幸福。
當初黃曉明同baby時不時會分享一啲兩人充滿煙火味嘅合照，般配嘅一對非常令人羨慕，只可惜呢種畫面宜家已經好少再睇到。
無論外界傳啲咩，Angelababy始終堅守自己工作崗位，全世界周圍跑，出席各種活動，拍戲拍劇。時不時仲被媒體捕捉到佢喺某地街頭出現，有時係同埋身邊工作人員，有時囝囝小海綿都會帶埋喺身邊。
與結婚前唔同，Angelababy宜家嘅影響力已經遠超老公黃曉明。
早前佢去成都工作，碰上地震，baby發微博表示驚慌，但老公並冇留言安慰。
無論作為一個妻子，Baby有冇做好自己嘅本分，但可以肯定佢絕對係一個合格嘅媽媽。
Baby無論幾忙，都會親自照顧小海綿，成日喺各大遊樂場被影到佢同囝囝出行嘅畫面，可惜未見老公嘅陪伴。
仲時不時會喺微博曬抱住小海綿嘅相，可見佢非常愛惜囝囝。囝囝越嚟越大個，媽咪抱住都好辛苦，但baby就話，抱囝囝係自己最好嘅鍛煉方式。粉絲希望佢哋一家三口有機會可以一齊出現，咁應該係破除謠言嘅最好方式啦。