黃宇詩孖男友日本旅行激罕曬恩愛 曾大呻被當成小三之苦:好唔抵

黃宇詩孖男友日本旅行激罕曬恩愛 曾大呻被當成小三之苦:好唔抵

撰文:董欣琪
出版:更新:

現年46歲的黃宇詩是已故名人黃霑與前妻華娃的女兒,近年主力搞內衣生意的她,在幕前不算活躍,但仍不時在社交平台分享近況。近日黃宇詩與男友彭慶餘(Peter)去了日本北海道旅行,連日來她在IG Post出不少靚相,相中所見,兩人一起滑雪,又一起去農場玩,相當開心。其實黃宇詩一直以來對感情事都保持低調,過往甚少Post出與男友的合照,今次兩人激罕同框放閃,十分難得!

黃宇詩近年主力搞內衣生意。(影片截圖)
黃宇詩近日與男友彭慶餘(Peter)去了日本北海道旅行。(IG@ucwong)

黃宇詩與測量公司董事彭慶餘(Peter)自2012年拍拖至今已經11年,感情非常穩定,但其實黃宇詩曾一度背負小三之名,受盡千夫所指。早在兩人拍拖之初,外界就指黃宇詩搭上人夫,雖然她聲稱愛得光明正大,但Peter的前妻Cady在2017年於TVB節目《關你家事》中就直指自己的婚姻被小三破壞,Cady指當時與Peter還沒離婚,處於分居狀態,直至2014年才正式離婚。不過黃宇詩就多次澄清是在Peter離婚後才正式拍拖,強調自己沒有介入別人的婚姻,更直言:「其實我認為冇人真係鍾意成為小三,如果你真係想做小三,都有啲變態。」

Peter的前妻Cady曾在2017年於TVB節目《關你家事》中直指自己的婚姻被小三破壞。(電視截圖)

黃宇詩曾在節目《閨蜜20+》中大呻慘被當成第三者之苦:「我成日被人話我係小三囉,好慘呀,我真係覺得我好慘,因為呢我永遠係不知情之下,我就被標籤做咗人第三者,明明已經清楚知道或者問清楚個男仔,佢係冇女朋友嘅,但冇啦啦又冒一個正印出嚟,或者拍拖一段時間之後,又冒一個出嚟,成個人就真係晴天霹靂。」她表示既然已問過對方說沒有就會相信:「明明前度已經分咗手,但永遠覺得我係破壞佢段關係嘅人,我覺得好唔抵,其實係嬲豬呀,但冇辦法,唔通吓吓都因為咁憤世嫉俗咩,所以兩個人關係要搞好,一段關係還一段關係,唔容許有第三者。」雖然黃宇詩與Peter拍拖多年仍未有結婚打算,但無損兩人感情!

+24