遊走於灣仔,一邊係聳立嘅摩天大厦,一街之隔,另一邊卻有唔少擁有香港開埠舊貌嘅古蹟群,展現出灣仔新舊交替嘅獨特面貌。小編為你推介灣仔唯美打卡位、懷舊及悠閒好去處,展開探索灣仔嘅獨特之旅!
小編會帶大家遊走整個灣仔,睇下有咩值得去嘅好去處啦,同時發掘古蹟、唯美打卡位、懷舊及悠閒好去處!
古蹟好去處 | 打卡好去處 | 悠閒 Cafe 好去處 |
1. 灣仔古蹟好去處
港英殖民時代,灣仔係華人主要聚居地,亦係開埠早年發展嘅地區之一,印證咗香港嘅繁榮發展史。因此,灣仔屹立咗唔少戰前時代嘅建築遺物。可惜面對舊區老化問題,好多昔日舊建築最終都難逃被清拆的厄運,逐漸發展成為主要的商業區。
僅餘嘅歷史建築,實在值得我地去觀賞同保育。仲唔快啲跟住我一齊尋找埋藏於灣仔不同角落嘅懷舊風光啦!
藍屋建築群
灣仔嘅藍屋建築群以三座相鄰嘅建築物所組成:藍屋、黃屋及橙屋,因被漆上鮮藍、鮮黃、鮮橙色嘅外牆而命名。鮮豔搶眼嘅外形令藍屋建築群成為文青打卡好去處。
三幢建築中最著名嘅「藍屋」,為灣仔華陀醫院舊址,被列入香港嘅一級歷史建築。經改建後變為樓高4層嘅唐樓,唐樓亦已有一百年歷史,一代代承傳著鄰里之情。漫遊灣仔嘅藍屋建築群之中,踏足喺呢個温情滿溢嘅小社區,盡情地感受一下香港今昔嘅不同。
相片來源:賞想
呢度至今仍然係住客嘅居所,因此大家到灣仔藍屋建築群嘅時候,記住保持安靜,唔好滋擾到民居啊。
詳情
地址
- 灣仔石水渠街72、72A、74、74A號(藍屋)
- 慶雲街2、4、6、8號(黃屋)
- 景星街8號(橙屋)
前往方法:從港鐵灣仔站A3出口,沿太原街到皇后大道東,再轉入石水渠街。
電話:+852 2117 5843
更多資訊,可瀏覽香港故事館
The Pawn (和昌大押)
位於灣仔莊士頓道嘅和昌大押,樓高四層嘅百年古蹟,前身係當舖,以長廊式陽臺將四幢舊式唐樓連成一排。呢種陽臺喺香港十分罕見,因此成為香港二級歷史建築,亦係感受歷史嘅好去處。
相片來源:The Pawn 官方 Twitter
活化後建築仍保留著老香港情懷,但內部變為英式酒吧及食肆,喺唐樓裏嘅酒吧嚼一杯,的確別有一番風味。
當舖遷至大王東街嘅地舖繼續營業,但舊舖亦保留原貌,成為眾潮男潮女嘅打卡好去處。
相片來源:背包客棧
地址:香港島灣仔莊士敦道62號
前往方法:港鐵灣仔站B1出口,沿修頓遊樂場步行至莊士敦道。
更多資訊,可瀏覧 thepawn.com
2. 打卡好去處
去到灣仔遊玩,影輯靚相當然係十分重要!以下將會介紹幾個灣仔打卡好去處,拍下你嘅歡樂時刻!
日月星街:放慢步伐,細味生活
想行下文青小巷?呢個以日街、月街、星街所組成嘅星街小區就啱晒你!
相片來源:style-tips.com
喺小區裏漫步,經過別具風格嘅咖啡店、酒吧,喺店舖裏小歇片刻,再到附近嘅壁畫牆打下卡,真係好寫意啊!
相片來源:Ted'sLookOut Fb專頁
相片來源:style-tips.com
相片來源:getready
呢座特色建築物位於三條街嘅交界處,帶來嶄新視覺效果。行近啲睇,發現佢竟然係一座垃圾站!咁具時尚感嘅垃圾站,真係第一次見!
相片來源:ManClub
地址:灣仔日街、月街、星街
前往方法:港鐵金鐘站F出口,沿太古廣場三座的人行地下道即可到達。
官網:請按此
港灣消防局:當消防局遇上本土創意
座落於灣仔港灣道嘅港灣消防局,原本只係眾多嘅消防局之一,矛人專業、嚴肅嘅形象。但近日呢間消防局成為咗唔少人嘅打卡好去處,全因鮮紅色閘門上嘅字體變化多端。五道閘門上由五位本地計設師,設計出五種中英文字體,帶來創新美感,同時展現香港雙語特色。
小編最中意呢款字體,可愛嘅風格同閘門造成對比,令人感到格外親切,打破我地對消防員嚴肅嘅刻板印象!
但打卡之餘,切記要同閘門保持距離,唔好阻礙消防局嘅日常運作啊!
相片來源:號外City Magazine
設計係「#ddHK設計#香港地」嘅項目之一,想知更多,可瀏覧#ddHK設計#香港地
3. 悠閒好去處
置身灣仔鬧市中嘅小角落,拋開煩惱,靜靜地嘆杯咖啡,洗滌一下心靈,實在係一種小確幸。
BAKE HOUSE
行過灣仔大王東街,濃濃嘅麵包香氣撲鼻而來,牽引我地來到BakeHouse。呢間灣仔知名嘅烘培工房,由前四季酒店星級餅廚Gregoire Michaud帶領,吸引唔少食客。店內大約有十張枱,經常座無虛席。
不時會見到佢親手烤製麵包,享用食物嘅同時可以一睹烤製過程。
又香又鬆軟嘅牛角包係店舖嘅代表作,真係望到流晒口水。
相片來源:BakeHouse Fb專頁
營業時間:
- 星期一至五 08:00 - 19:00(堂食時間17:00完結)
- 星期六日及公眾假期 09:00 - 17:00
地址:灣仔大王東街14號地舖
前往方法:港鐵灣仔站 B2 出口, 步行約4分鐘
官網:請按此
ODD ONE OUT:灣仔藝術小淨土
喺熱鬧嘅灣仔,尋找一間環境清幽嘅Cafe未必係件易事。而位於灣仔聖佛蘭士街嘅Odd One Out,就係難得一見嘅gallery cafe,四周十分寧靜,絕對係心靈放空好去處。
相片來源:OddOneOut Fb專頁
喺呢間小店裏,你可以揾到本地及外國藝術家嘅藝術品同畫作,最平只係百幾蚊!即使唔買畫作,都可以喺店裏坐低,一邊欣賞精妙嘅藝術品,一邊飲用暖烘烘嘅咖啡,享受呢份閒情雅緻。
詳情
地址:灣仔聖佛蘭士街14號
營業時間:
- 星期一 closed
- 星期二至六 12:00 - 19:30
- 星期日及公眾假期 12:00 - 19:00
電話:+852 2529 3955
官網:請按此
探索更多: