黎諾懿41歲生日收大禮喜迎第二胎 5億駙馬何文田過億複式豪宅曝光 | 娛樂 | Sundaykiss 香港親子育兒資訊共享平台
黎諾懿41歲生日收大禮喜迎第二胎 5億駙馬何文田過億複式豪宅曝光

黎諾懿41歲生日收大禮喜迎第二胎 5億駙馬何文田過億複式豪宅曝光

黎諾懿與太太李潔瑩於2014年結婚,2017年其妻誕下兒子「小春雞」。黎諾懿曾直言想有第二胎,與太太都不設防造人,希望能為「小春雞」追多個女,湊成一個「好」字。6月15日為黎諾懿生日,今年踏入41歲的他就傳出雙喜臨門,在生日正日收大禮,喜迎第二胎!出身屯門公屋的黎諾懿,曾靠綜援維生,亦住過劏房,肯做肯捱終於捱出頭來做到男一,更與富二代落選港姐李潔瑩撻著。五億駙馬黎諾懿不時晒家中照片,令何文田市值過億複式豪宅曝光。

文:東方新地|圖:東方新地、黎諾懿IG、李潔瑩IG

黎諾懿41歲生日喜迎第二胎 停工陪老婆待產

黎諾懿於2014年11月11日與李潔瑩(Nicole)結婚,3年後囝囝出世,成為新手爸爸的黎諾懿不時在社交網大晒與兒子「小春雞」的溫馨父子互動,不經不覺「小春雞」現時已有四歲大,據知近年黎諾懿嘗試過不少中西「造人」秘方,但就拒絕人工受孕,希望能順其自然,為「小春雞」再添一個妹妹。

黎諾懿
李潔瑩家族有接近5億資產,因此黎諾懿與李潔瑩結婚後,被封為「5億駙馬」。(圖片來源:李潔瑩IG
黎諾懿
李潔瑩曾在07年參選港姐,與張嘉兒、黃智雯、王君馨、趙希洛等同屆,但最終未能打入八強。近年她成為KOL,不時獲邀出席品牌活動,上月她出席活動時,就一直以手臂小心護肚,孕味勁濃。(圖片來源:李潔瑩IG

直到近日,已踏入38歲的Nicole有傳終於成功陀上第二胎,至今已懷孕兩個多月,因怕BB「小器」,所以黎諾懿對身邊朋友一律保密,只曾向家族中成員報告喜訊。不過日前Nicole和朋友們為黎諾懿預祝生日時,就被指面形明顯變得圓潤、腰肢亦變得較粗,而且全程滴酒不沾,也拒食生冷食物。

黎諾懿
今踏入四歲的「小春雞」,中文名為黎峰睿(Lugus)。(圖片來源:黎諾懿IG
黎諾懿
黎諾懿去年因要拍攝劇集《刑偵日記》,加上受疫情影響,曾表示追B大計要延期,沒想到今年生B願望終於成真。(圖片來源:黎諾懿IG

相隔四年才成功陀上第二胎,黎諾懿對太太這次懷孕十分小心,據知他原定將於下月返內地拍攝網絡大電影,但為了照顧太太,決定全面停工,全天候陪伴在太太身邊待產。

黎諾懿
黎諾懿和太太一直恨追女,他曾直言太太不想做高齡產婦,而且怕將來年紀太大,無氣力再同仔女玩。(圖片來源:李潔瑩IG

黎諾懿日前帶同「小春雞」與劇集《BB來了》中的女兒「允豬」在活動上聚首,被問到再「造人」成功一事,黎諾懿回應指這一刻不方便透露,總之有好消息就會向大家公布。

黎諾懿
黎諾懿日前帶同「小春雞」(左三)出席活動,與劇集《BB來了》中的女兒「允豬」聚首。(圖片來源:黎諾懿IG
黎諾懿
活動上黎諾懿與小「允豬」表現親密,「冧女」冧到出面。(圖片來源:黎諾懿IG
黎諾懿
「小春雞」亦同「允豬」玩得好Friend,看來「小春雞」都好想有個小妹妹!(圖片來源:黎諾懿IG
黎諾懿
黎諾懿有份演出的新劇《刑偵日記》將於本月28日開播,他在劇中飾演總督察江政勳,和黃智雯有感情線。(圖片來源:無綫影片截圖)

黎諾懿過億豪宅曝光五億駙馬住何文田複式豪宅

黎諾懿到底結婚有冇收樓,當事人就冇親口承認,不過婚後由村屋搬入何文田大型豪宅屋苑,黎諾懿 IG 曝光家中陳設,有巨廳有大露台有長廊仲有天台,擺明係屋苑內僅得22個嘅複式連天台特色單位,最細嗰個都有二千幾呎、市值過億。無可厚非,屋企大啲,留家抗疫啲時間都容易打發啲,除咗玩廚神喺自己個巨型廚房開 live 煮好嘢外,豪宅可以廣邀朋友開P 食飯、可以喺露台閒閒哋放廿幾個花盆種自家菜、可以喺天台開幾個吹氣池打造小春雞私家水上樂園,仲可以畀囝囝擺廚房仔、電動超跑大型玩具都仲有大把位剩,呢位五億駙馬嘅生活真係令人艷羨!

黎諾懿家住何文田複式豪宅,落地玻璃欣賞日出日落一流!(圖片來源:黎諾懿IG)
黎諾懿家住何文田複式豪宅,落地玻璃欣賞日出日落一流!(圖片來源:黎諾懿IG
黎諾懿喜愛下廚,不時一家大細一起下廚。(圖片來源:黎諾懿IG)
黎諾懿喜愛下廚,不時一家大細一起下廚。(圖片來源:黎諾懿IG
黎諾懿豪宅為複式單位,父子二人曾在天台BBQ。(圖片來源:黎諾懿IG)
黎諾懿豪宅為複式單位,父子二人曾在天台BBQ。(圖片來源:黎諾懿IG
黎諾懿的電視機分分鐘比小春雞身高更高!(圖片來源:黎諾懿IG)
黎諾懿的電視機分分鐘比小春雞身高更高!(圖片來源:黎諾懿IG
黎諾懿
肯做又肯捱,黎諾㦤工作態度至係上位最大原因,搖身一變成為直播廚神,架生同設備都愈拍愈專業。(圖片來源:新傳媒資料庫)
黎諾懿
除咗煮九大簋同傳統菜式,黎諾懿嘅廚神食譜都會有甜點同包點簡易選擇,閒時仲會帶埋小春雞一齊玩……不過重點係,豪宅廚房空間大設備新仲有落地玻璃睇靚景㖭!(圖片來源:新傳媒資料庫)

 

黎諾懿
何文田豪宅貴在地段,兩父子喺巨廳玩樂日常最亮眼係背後維港全景,放煙花嘅日子一定更繽紛。(圖片來源:新傳媒資料庫)
黎諾懿
該屋苑頂樓連天台複式單位面積由二千多呎至四千呎不等,設計間隔以四房三廳起跳,呢個小春雞攪麵粉背景就睇到景深一覽無遺三廳間隔。(圖片來源:新傳媒資料庫)
黎諾懿
廚房外就係飯廳,擺放貴氣坐到十人嘅實木圓枱同訂製皮椅,叫齊人開party都冇問題。(圖片來源:新傳媒資料庫)
黎諾懿
(圖片來源:新傳媒資料庫)
黎諾懿
黎諾懿同小春雞玩遊戲嘅背後,可見梳化背後小春雞專屬超跑並列排放。(圖片來源:新傳媒資料庫)
黎諾懿
呢期興自己種菜又自己種人參果,唔使上天台,淨係露台都擺到廿幾盆。(圖片來源:新傳媒資料庫)
黎諾懿
黎太李潔瑩都順應潮流成為網紅接job推廣產品,重點係萬千寵愛嘅小春雞有齊廚房仔、帳篷仔各類大型玩具,留喺屋企都好多玩法。(圖片來源:新傳媒資料庫)
黎諾懿
夏日炎炎冇得去海邊玩唔緊要,自己喺天台都大把位打造成自家水上樂園,小春雞真幸福!(圖片來源:新傳媒資料庫)

你又點睇?

更多精選內容