TVB最新醫療劇《白色強人》熱播當中，劇情緊湊而劇中一班靚仔靚女醫護人員選十分搶鏡。黃嘉樂在劇中所飾演嘅林學祈一角雖然戲分不算多，但演繹依然獲得唔少好評。不經不覺已經入行18年，有人會覺得天生童顏的他只欠一個好角色發圍。 而相比之下，黃家樂的愛情生活似乎比演藝路順暢，與拍拖兩年的圈外女友感情穩定，經常放閃。現在就來進一步認識這位「靚仔」醫生吧！
登入 瀏覽本網站，可獲取積分換領專屬優惠
點擊查看專屬優惠
TVB歷年多新醫療劇，你最愛哪一部？熱播中嘅劇集《白色強人》，堪稱現時TVB陣容最強，製作最精良嘅專業劇，劇情緊湊，追看性強，手術同專業術語多，風格同之前嘅小品膠劇非常唔同。
劇中一班主角勾心鬥角，醫病救人嘅故事相當精彩。喺男女主角郭晉安，馬國明，唐詩詠，李佳芯嘅光環底下，其實一班配角嘅表現都非常出色。好似由黃嘉樂飾演嘅林學祈，就係其中一個。
萬事俱備只欠好角色
林學祈(Patrick)呢個角色其實並唔容易演好。自己本身實力有限，並唔算係一個出色嘅醫生，因為爸爸係富商，同郭晉安演嘅楊逸淘（YT）喺醫改方案上有合作，所以YT就提攜Patrick成為副顧問醫生。
一方面Patrick非常信任同依賴YT，兩人經常出雙入對，另一方面，YT經常想辦法幫Patrick坐上顧問醫生個位，但Patrick有心無力，對自己亦缺乏信心，知道冇咗YT，自己絕對唔可能獨當一面。
郭晉安、黃嘉樂和張曦雯三人所飾演的角色合作無間，經常同場，堪稱腦神經外科三寶。
家境好，缺乏實力同自信，依賴自己嘅師父，黃嘉樂嘅氣質同演技都將呢個角色演繹得非常好。雖然角色本身嘅閃光點唔多，性格亦冇其他主角咁出彩，但黃嘉樂依然憑自己演技令角色獲得唔少人關注。
《白色強人》再遇《鐵馬尋橋》好友
喺劇中，黃嘉樂再次遇到《鐵馬尋橋》嘅一班好朋友，包括馬國明，唐詩詠，佢哋喺大台打滾咁耐，都成為一哥一姐級別嘅演員，黃嘉樂係17期藝員訓練班畢業生，比佢遲一期加入嘅有胡定欣，黎諾懿，一直得唔到好機會嘅黃嘉樂，只係耐心打磨自己，等待最好嘅劇本。
黃嘉樂喺《鐵馬尋橋》中同鄭嘉穎，馬國明，唐詩詠，林子善成為好朋友。
鄭嘉穎生仔、林子善生日黃家樂都有同女朋友到賀。
再喺《白色強人》中同返鐵馬家族嘅好朋友馬明，詩詠合作，但嘉樂同佢哋嘅對手戲唔多。
好男友愛得簡單
40歲嘅黃嘉樂有一張後生仔臉孔，外表高大英俊又嫩口，但唔係越靚嘅男人越危險，佢同攝影師女朋友相戀兩年，雙方早已視對方為結婚對象。
早前兩人一齊去鄭嘉穎陳凱琳兒子嘅百日宴，抱住Rafael好似真係一家三口，相信嘉樂都係希望事業上有成就之後迎娶女友。唔少fans都希望嘉樂有朝一日可以事業，愛情雙豐收。