政Whats噏：傳黃之鋒父賣樓　賺逾500萬

新冠肺炎疫情反覆，再加埋上年發生一連串社會運動事件，搞到社會持續不穩，有部分人會賣樓套現。近日有市場消息透露，喺鴨脷洲海怡半島，有一高層單位放售，原業主賺逾500萬港元離場。有指原業主係前香港眾志秘書長黃之鋒嘅爸爸黃偉明，到底因乜解究突然賣樓呢？

根據市場消息，該單位嘅原業主喺2007年時以415萬港元買入，最近以988萬元售出，呎價約1.5萬港元左右，帳面賺573萬港元。有傳該單位嘅原業主係黃偉明，東網曾向黃查詢，但暫未獲回應。

近年官司纏身嘅黃之鋒，早前更報名參選立法會選舉，最終被選舉主任取消參選資格，但佢獲得逾40萬港元選舉捐贈，最後埋單僅700蚊。但佢依家涉及多宗案件，官司費亦都唔少，呢方面唔知有冇人幫佢手嘞！