黃之鋒剃頭Look曝光
時間：2017-08-23 03:15:11來源：大公網
- 下一篇：今早倘掛八號波 居屋揀樓延明天
圖：周永康鎖上手銬，預備上囚車離開荔枝角收押所
囚車分頭出動！這邊廂，正在獄中服刑的香港眾志黃之鋒、社民連黃浩銘，因本身被控於2014年「佔旺」期間刑事藐視法庭，兩人尋日坐囚車，由懲教人員押解到高等法院出庭應訊；另一邊廂，學聯前秘書長周永康、香港眾志主席羅冠聰就坐囚車離開荔枝角收押所，分別轉去西貢壁屋監獄、大嶼山塘福懲教所服刑。轉倉期間，周永康、羅冠聰着住啡色囚衣、踢住黑色拖鞋，鎖上手銬行出收押所上囚車，黃之鋒入獄剃頭Look就首次曝光。
鄭晴尋日喺庭上所見，黃之鋒坐喺法庭犯人欄，黃浩銘就坐喺佢身邊，兩人用紙筆抄錄律師陳詞，又不時望向法庭旁聽公眾席。羅冠聰媽媽同女朋友就去塘福懲教所探監，並無回應記者提問。另外，有市民喺街邊掛上印有「佔中三丑」頭像、寫有「佢哋子女在家睇，別人子女留案底」橫額，可謂很多巿民的心聲，相信市民好快就會見到「三丑」着囚衣look嘅一日啦！
