八十年代亞視花旦麥翠嫻，古裝造型尤其嬌俏美艷，文言妙語琅琅上口，想不到成了日後教育兒女的主打課題。九十年代中息影下嫁商人龔汝華的她，兩名子女轉瞬已經亭亭玉立，長女Vicci十七歲現於美國留學，幼子Katio十六歲，在港唸中四。麥翠嫻以朋友方式跟他們相處，謝絕打打鬧鬧，卻堅持中國傳統禮儀不少得，尊師重道不在話下，一對子女還自小聽着詩篇成長，「佢哋細細個，我就讀啲詩詞歌賦畀佢哋聽，將傳統思想慢慢滲透畀佢哋，變成有品格嘅人！」

八十年代亞視花旦麥翠嫻息影多年，早前首次帶同十六歲的幼子Katio接受本刊親子訪問。

朋友相處

「我不嬲畀仔女自由發展，同佢哋以朋友式相處，咁耐以嚟淨係打過個仔一次大髀。」息影多年的麥翠嫻，首次帶着十六歲的幼子Katio接受訪問說。

眼前的麥翠嫻，與身高相若的兒子談笑風生，一時搭膊，一時蹺手，確似朋友多過母子；但這個時髦人母，也曾經「怪獸」，為子女升學日夜頻撲，「佢哋細個時，我係比較嚴，你知香港地讀書好慘，由幼稚園開始就要競爭，嗰個階段嘅父母真係唔可以放鬆，所以細細個，我就同佢操卷，要考心儀學校嘛；當年個女考小學都考咗五、六間，慶幸佢哋兩個都讀到唔錯嘅學校，成績都幾好！」她綻放笑容說。

麥翠嫻於九十年代中下嫁商人龔汝華，先後育有一女一子，一家四口每年也會周遊列國，擴闊眼界。