（本報訊）現年25歲無綫花旦蔡思貝（Sisley），同排舞師麥秋成低調拍拖了幾年，期間女方緋聞多到一隻手都數不完，今年8月被人半夜拍到走上周志文家過夜！

日前，麥秋成在Ig po了段英文字句話：「Never let somebody waste your time, twice.」（唔好再俾人浪費你的時間）！」，似狠撇蔡思貝！

事後，問到係咪同麥秋成分手，蔡思貝就冇正面回覆，只係話：「我一向不多提感情事，希望大家將焦點放在我工作上。」

雖然蔡思貝話專注在工作上，不過今日凌晨佢就在微博以英語留言：「我希望有一日你可以想想我的感受！」附加一張托腮沉思相。看來蔡思貝現在心情同幅相一樣，灰灰的！

問蔡思貝係咪對麥秋成有所暗示，佢回覆傳媒話：「唔係，想多了！」

寂寞蔡思貝、周志文 公屋過夜偷歡18小時！

電視城發電廠蔡思貝，被曝九月時趁男友麥秋成北上賺錢，寂寞難耐的她立即找「好朋友」解悶！當天收工後，她被發現與大孖周志文看電影，完場後更前後腳驅車往周志文公屋偷歡18小時！

大孖一早到了戲院買定熱狗、汽水等候，蔡思貝身穿背心透bra現身，二人見未夠鍾入場，即走到角落暗位談情！聊天至一半，蔡思貝突然興起，邊哼歌邊扭腰跳舞，而對方也看到眼定定......

前後腳返男方家偷歡

電影完場後，二人雖然前後腳離開，但分別驅車到藍田平田村大孖的寓所，而蔡思貝更使用男友麥秋成的紅色座駕去偷歡，18小時都不見人出來！翌日大孖終於現身，原來是出去買外賣喂飽蔡思貝，期間他發現記者，即急腳沖入樓，這時大孖立刻call救兵，由二人變四人，扮非二人獨處一室！


蔡思貝拒回應

記者之後問到周志文公屋過夜一事， 蔡思貝一聽到大孖的名字，立即不停耍手擰頭笑住說：「不答喇！不好意思！不答喇！」然後火速關上車門離開。

周志文：對她有好感

周志文受訪聲稱現時單身，直認蔡思貝曾到其寓所過夜，又表示對她有好感！

周：周志文 記：周刊記者

記：聽講最近你同蔡思貝行得好埋？

周：我們是好好朋友！

記：成日單獨約會喎？

周：我們成班朋友成日見面！

記：上個星期蔡思貝去了你家過夜喎！

周：上個星期？有一大班朋友過了來我家！

記：上去那麼久搞什麼？

周：Jam歌！作了歌想朋友給點意見！

記：驚唔驚蔡思貝男友麥秋成唔鍾意？

周：朋友見面ok的，我細佬同羅孝勇都在！

記：依家有無拍拖？

周：都想搵個伴！

記：對蔡思貝有無好感？

周：有，對她有好感，有好感才做到朋友！