【明報專訊】林作前晚拖新歡裕美踩場睇港姐決賽，舊愛麥明詩為港姐擔任最上鏡小姐評判，三人同場成為焦點，有傳媒更比較麥明詩和裕美。麥明詩前晚穿著黑色tube dress，靚爆又搶鏡，裕美則被形容為「平平無奇」，林作在社交網發帖表示：「裕美真心靚過麥明詩好多，身材也更優勝……」指名道姓比較新歡舊愛外形，再次引發網上激辯，有網民鬧林作消費舊愛欠風度。被指唔夠裕美靚的麥明詩稱：「冇回應，唔想中圈套」。裕美接受《明報》訪問時笑說：「我覺得佢好Man喎！個個男人都會話自己女朋友最靚，若佢讚舊愛好靚，會罰佢企，唔准瞓覺。」