10
0
0
以上資料只供參考, 請與餐廳確認詳情
食家推介
公司附近有一間老字號粥粉麵店，一貫老派裝潢。午飯時段會有套餐，比起正價平少少。皮蛋瘦肉粥粥底綿滑，皮蛋和瘦肉份量不少，果然名不虛傳，粥品有水準。鹹肉糭這個就有點失望。外層糯米厚，內層綠豆蓉太少，蛋黃都無一粒，只有肥膏一件。丁點香味都無。正價是二十八元一隻，如以這樣的組合未免太貴了。
繼續閱讀
今日同之之黎到呢間位於天后水星街既麥明記take lunch~👫入到黎坐底感覺都幾好,唔會話好嘈,我地重選擇左坐係一個角落卡位到.🤗🤗🤗黎到呢間野,雲吞麵當然係必食既野黎,我地二話不說都叫左一碗大既(打算兩份分)🤤🤤🤤然後,叫左一個牛腩飯 + 鯪魚球 飲左個熱奶茶.首先黎左個大蓉,色水,賣相幾好.湯底望落去清澈見到底,一睇就知師傅造過功夫去處理湯底.雲吞:皮薄餡靚,雲吞皮真係好薄身,絕對唔會話令你咬左落去令你口入面感覺有層野.蝦+豬:肉都食得出係新鮮,調味方便都做得好好!(加埋辣醬真係好正!)麵:時間掌握合適,D麵一咬就開,但又唔係林哂唔好食咁.牛腩飯:牛腩鬆軟,食落唔會有渣!腩汁都相當濃郁.芥蘭:都唔錯,叫做嫩.加埋腩汁都好正!!!!鯪魚球:賣相好吸引,重大過粒乒乓球 ,即叫即炸!咬落去就知道魚肉相當足料,，又彈牙！而且有甘香既陳皮味,我自己個人對呢件波波既評價相當之高!絕對建議大家去食!!!最後到杯熱奶茶:本身係呢D麵檔隨食野唔會期望杯奶茶好正,但係飲落又唔係差最後賣單都係百多塊，相當底食，下次會翻轉頭！
繼續閱讀
伙伴會議完成，到了附近食雲吞麵，果然好味道，無論麵質是銀絲細麵，彈牙冇鹼水，湯頭淸有蝦子香味，一囗雲吞，而水餃也不錯，爽脆，必再光顧的，飽足感恩！食完冇口乾，這才是正宗雲吞麵。
繼續閱讀
今早來到麥明記，放棄了自己情有獨鍾的炸醬麵，點選了一個粥品餐：皮蛋瘦肉粥配菜、豬潤粥及油條。粥綿綿，材料足，油條脆，配上粥品實在一絕。 價格雖較一般店鋪略貴，但偶爾善待自己也不錯。
繼續閱讀
今日星期日帶媽媽去附近食午餐，就試左麥明記食粥粉麵。先叫一碗瑶柱白粥。粥底好綿，又夠熱。豬潤粥～豬潤份量都有五六片，唔會好厚兼爽身，感覺都幾新鮮。柱候牛腩飯～牛腩好入味又夠腍，個汁送飯好快KO了。蝦米腸～呢個極力打推介！腸粉好滑，家陣坊間唔係咁多粥舖可以做到。蝦米又香蔥花又多。食下又一條食下又一條，嘴刁嘅媽媽都話讃炸鯪魚球～香噴噴熱辣辣，影完相侍應姐姐幫我地剪開一半方便食。鲮魚肉彈牙好香果皮味，值得一試。呢餐盛惠$179(仲有杯菜蜜冇影相）
繼續閱讀