狂晒飛機引擎合照　麥大力疑再做型英帥機師

無綫舉辦的「衝上雲霄大選」冠軍的麥大力（Derek），本為混血機師嘅佢，因疫情而轉行加入電視界，更因此識到索爆女友簡淑兒。隨住多國通關，港人狂飛令航空業再現轉機，估唔到傳出多次重返機長界嘅Derek，今次真係回歸機師行列！

佢近日發文及上載多張自己同飛機引擎嘅合照，尋日（15日）更留言：「（我曾經告訴某人，『我是一名飛行員，我會再次飛行』。寶貝，好久不見，我回來了！我有翅膀了，我找到了一個引擎3次﹗一個非常大的引擎！）」即被指係暗示再次做機師，而至今TVB網頁嘅演藝人員名單上仍然見到麥大力個名。