街頭纏綿斷正!麥大力簡淑兒認愛:謝謝祝福|即時新聞|繽FUN星網|on.cc東網

街頭纏綿斷正!麥大力簡淑兒認愛:謝謝祝福

20210622
東網電視
更多新聞短片
贏得無綫舉辦的「衝上雲霄大選」冠軍的麥大力(Derek)傳出新戀情!年初正式簽約成為無綫藝人後,隨即與港姐冠軍謝嘉怡合作拍劇《雙生陌生人》,事業得意,愛情也同樣開始萌芽!有消息指他正與有「仙氣女神」之稱的簡淑兒(Jessica)拍拖。
現年35歲的麥大力跟31歲的簡淑兒(Jessica)被拍得在街頭纏綿,十指緊扣,期間麥大力從後熊抱Jessica,情到濃時不理在室外照嘴咀,關係十分甜蜜。
有指麥大力跟簡淑兒、麥美恩、朱敏瀚和馮盈盈拍攝綜藝節目《SUPER FIVE》而認識,節目完結後,兩人仍保持聯絡,並經常見面,感情愈來愈好。簡淑兒跟好友陳婉衡一齊潛水時,麥大力都有現身,兩人興趣相近,傳出已拍拖兩個月。
曾與兩人拍攝綜藝節目《SUPER FIVE》的麥美恩回覆東網時說:「最緊要開心。(覺得佢哋襯唔襯?)我都係顧掂自己先。」而朱敏瀚就表示如果係真嘅恭喜佢哋,佢哋都係好好嘅人嚟。而簡淑兒閨蜜陳婉衡說:「佢嘅嘢等佢自己回應番啦!最緊要佢開心,無論做啲咩都支持佢,祝福佢!」
而兩位當事人亦先後回覆東網並認愛,簡淑兒表示:「感情事低調處理,多謝大家嘅祝福同關心。」麥大力則表示:「We met on set filming together & developed over time. Thank you for your blessings & concerns, really appreciated!(我哋喺拍攝嘅時候相遇並隨住時間嘅推移而發展。謝謝你的祝福和關心,真的很感激!)」