李玟

出自維基百科，自由嘅百科全書
李玟
李玟喺上海虹橋國際機場（2013年7月）
女歌手
羅馬拼音Lee Man
英文名CoCo Lee
國籍美國 美國
 中國（香港）
出世李美林 [1]（Ferren Lee Mei Lam）
(1975-01-17)1975年1月17號[2][3]
 英屬香港
死2023年7月5號(2023-07-05)（48歲）
 香港
職業歌手、演員
語言華語、英語、粵語、法語
教育程度美國加州大學爾灣分校
配偶樂裕民（2011年結婚）
音樂類R&B、POP、Hip Hop、Funk
出道地 英屬香港
出道日期1994年6月
出道作品《愛就要趁現在》
唱片公司現代派唱片（1994年－1995年）
台灣索尼音樂娛樂（1996年－2006年）
大國大熊星娛樂（2007年－2010年）
環球唱片（2012年－2014年）
香港華納唱片（2021年－2023年）
經紀公司大國大熊星娛樂（2007年－2010年）
CL Production Ltd（2011年－）
簽名
網站Twitter、Instagram
網路電影資料庫（IMDb）資訊

李玟（粵拼：lei5 man4；英文：CoCo Lee Man；1975年1月17號—2023年7月5號；[2][3]原名「李美林」[1]；英文：Ferren Lee Mei Lam），喺香港出世，9歲時移民美國加州舊金山[2][3][4]，加州大學爾灣分校生物學士[5]。1993年喺香港展露頭角，1994年向臺灣發片同出名。佢係首位進入美國歌壇嘅華語歌手、首位全球發行英語專輯嘅華語歌手、因演唱《臥虎藏龍》主題曲，做咗首位上奧斯卡金像獎頒獎典禮獻唱嘅華語歌手、首位喺NBA籃球賽中場演唱美國國歌嘅華人歌手、首位華人歌手獲邀喺美國洛杉磯華特迪士尼音樂廳（Walt Disney Concert Hall）舉辦個人演唱會。

李玟喺2023年7月5號離世，由於佢生前喺中國、香港同台灣都享有知名度，所以佢嘅離世引起咗各地一定程度關注，其中包括針對李玟生前政治立場嘅討論，李玟同佢老公生前嘅感情糾紛，同埋佢參與《中國好聲音》嘅時候被欺凌嘅經歷。

2023年10月20號，媒體已確認李玟將喺聽日（21號）響武漢石門峰紀念公園下葬，同日成立李玟紀念展[6]。

簡歷[編輯]

現代派時期[編輯]

1993年參加香港無綫電視新秀歌唱大賽獲得亞軍（參賽時用原名李美林）。啱啱出道時，李玟隸屬香港華星唱片，同鄭秀文、許志安、梁漢文、車沅沅、陳浩民、張崇德同張崇基合唱過廣東單曲《愛情傻戀La La La》同華語單曲《愛情動感La La La》。台灣嘅唱片約就簽畀現代派唱片。

1994年6月15號，佢出首張個人華語專輯《愛就要趁現在》，主打歌、代表作《我依然是你的情人》，帶入一股台灣樂壇當時未曾出現過嘅美式唱腔風潮。

1995年6月，李玟出咗一直想出嘅英語專輯《Brave Enough To Love》（勇敢去愛），第一個月即大賣130,000張，其中一首《Come Back To Me》重係佢第2張華語專輯《答應我》入面《真心真意》嘅英語版，由佢自己填詞，其他歌就係翻唱作品。

同年9月，佢再出第3張華語專輯《被愛的女人》。而喺呢張專輯入面，佢亦完成生平第一首創作曲《感謝》，送畀阿媽。

索尼音樂時期[編輯]

1996年6月，加盟台灣新力音樂嘅李玟，首次同台灣知名作詞人、素有女歌手幕後推手稱號嘅姚謙合作，出個人第4張華語專輯《CoCo李玟》。係佢喺索尼嘅新出發，呈現出更多元、深切嘅音樂內容。首隻主打歌《往日情》由鮑比達作曲、姚謙填詞，同搭上台灣熱門八點檔《第一世家》電視片頭曲，為咗捕捉最單純自然嘅表情同肢體，於是CoCo以深情感性、成熟動人嘅聲音詮釋「往日情」。專輯中另一隻主打歌曲《無處躲雨》，亦係當年度Coco代言嘅妮維雅（英文：Nivea）保濕乳霜廣告曲。專輯喺1996年金曲龍虎榜創下年終銷售第2名嘅佳績，僅次於張清芳嘅專輯《大雨的夜裡》，另一首歌《愛我久一點》就係當時衛視中文台首播堂本剛嘅《金田一少年事件簿》嘅台灣代言曲，佢都做代言人，喺每集開場前現身幫集劇情做基本嘅介紹同引言，全新美式R&B舞曲，穿透渾身細胞，佢重係親自編整舞蹈，展現才華。佢同時同柯以敏世紀對唱《她在睡前哭泣》，低吟如詩，高亢如雲；呢張專輯中入面年輕、活力、洋派嘅舞曲同佢特殊嘅R&B唱腔所詮釋嘅傷心情歌，證明咗日後佢專輯嘅大致走向。一出即刻轟動，六係嗰時年度最賣座嘅專輯之一，呈現出佢有水準同實力嘅一面。

同年11月，出第2張英語專輯《Coco's Party》。台灣新力音樂喺當時請到Mariah Carey嘅御用作曲家Walter Afanasieff量身打造原創英語單曲《It's A Party》，佢有黑人音樂嘅唱腔同轉音，台灣新力音樂亦以「台灣的Mariah Carey」做標榜。此輯喺台灣銷售數字都好亮眼，達400000張，叫做係截至1996年止，台灣女歌手英語專輯嘅銷售紀錄。

1997年，佢出第5張華語專輯《每一次想你》，佢幻化成維納斯。呢張專輯標榜佢特有嘅「玟式唱腔」，最大嘅特色就係《Sincere》─真摯、真誠嘅音樂共鳴。《每一次想你》係鮑比達、姚謙同佢呢個黃金金三角組合第2次合作。專輯入面嘅《我的翅膀》就係佢三姐妹第一次嘅合唱。《每一次想你》喺出咗台灣版本之後，亦出咗香港版，除封面、CD盤面設計更換之外，亦加收咗《等愛降落》粵語版─《虛線》。

同年11月，佢正式進入香港歌壇，出個人首張粵語專輯《李玟CoCo》，呢張專輯喺香港地區創咗100,000張嘅銷售佳績。雖然佢喺台灣受到歌迷嘅瘋狂喜愛，但係進軍佢嘅出生地─香港，就遭遇到無情嘅打擊。當時，佢要出首張粵語大碟《李玟Coco》，特登到香港舉辦大型發表會，索尼唱片特登請咗國際通訊社去採訪，希望將佢嘅熱歌熱舞傳送到全球，但冇諗到國際通訊社對呢位小妮子「冇興趣」，唔願意去拍攝，消息令佢嘅內心受到唔少打擊。

1998年1月12號，出第6張華語專輯《DiDaDi暗示》，喺造型上重係一展百變天后嘅魅力。頂住一頭火紅色嘅頭髮、別致牛角頭，喺百年鐵路局一級古蹟前亮相，重顯視、聽覺新感受。由佢自創大溪地感覺嘅扭腰擺臀新舞步，無論喺音樂錄影帶，服裝、髮型入面，都可見佢嘅豐富想像力，充分發揮古靈精怪嘅特色。主打歌《DiDaDi》翻唱自Maria Montell嘅《And So The Story Goes...》同加以重新編曲，號稱係佢變身性感舞后嘅「3D舞曲」。首隻抒情主打《暗示》由吳旭文作曲、姚謙填詞，鍾興民編曲，承襲「玟氏情歌」特色，唔單止係1998年情人節熱門點播歌曲，亦令喺全亞洲總計突破1,800,000張嘅最好銷售。

同《DiDaDi暗示》同期出嘅重有《李玟·吻你另類寫真》，係佢同時報出版首次合作出嘅個人寫真集，去意大利威尼斯，翡冷翠拍攝，呈現出中古世紀歐洲嘅經典、性感風情，而主打歌《暗示》嘅MV亦同時喺威尼斯完成。唔同以往青春、調皮又活潑嘅形象，呢次頂住一頭紅髮、行性感嘅李玟係踏入歌壇首次嘗試形象上嘅大突破。《李玟·吻你另類寫真》同時出實體書、VCD同DVD三種版本嘅多媒體影音寫真，喺VCD同DVD入面，收錄咗拍攝寫真集同MV嘅幕後花絮之外，亦可以聽到李玟講呢次音樂同形象上嘅改變，另外都收咗《DiDaDi》、《暗示》2隻音樂錄影帶，同綺麗嘅歐洲風光。

之後，應世界盃足球賽主辦單位嘅邀請，佢錄製全新單曲《顏色》，做亞洲藝人代表共襄盛舉四年一度嘅世足賽，喺新力音樂嘅挾國際資源嘅大力支持下，呢隻單曲都係亞洲唯一官方認定嘅代表曲、同收錄喺98年世畀盃國際發行嘅合輯入面。之後新力音樂出咗一張叫做《五顏六色DiDaDi》嘅單曲，入面收錄《顏色》同另外3首《DiDaDi》混音版。

同年6月，李玟出第7張華語專輯《Sunny Day好心情》 Sunny Day好心情，呢張轉輯只相隔唔到半年，完全冇粗製濫造嘅跡象，反而完整呈現咗同《DiDaDi暗示》明顯唔同嘅風情─夏天、陽光同歡笑。從1998年出嘅2張風格截然唔同嘅專輯，可以睇到佢唔單止係外型上有塑造嘅潛力，喺歌聲同唱腔上都擁有豐富、多樣化同彈性嘅演唱風格。首隻主打歌《好心情》係佢首次嘗試有70年代摩城音樂風格嘅歌，令佢蛻去咗《DiDaDi》嘅華麗冶艷，以清新嘅唱腔、輕鬆嘅造型詮釋呢首有夏天風格嘅歌曲，唱片公司並開跋至沖繩拍攝一隻充滿清涼嘅音樂錄影帶，佢以《好心情》帶走夏天燥熱煩悶嘅思緒。其中佢親身參與專輯嘅製作，喺「你是我的superman」入面有精湛嘅Rap 表現，加上佢喺學生時代嘅作文能力頗強，可以寫散文、小說，所以，喺呢張專輯入面展露咗佢呢方面嘅才華，趁住喺錄音間休息嘅空檔，十分鐘內就填好「Sunny Day」嘅詞。《亮亮的承諾》係一首典型嘅玟氏R&B歌曲，都搭配咗佢代言嘅De Beers單顆美鑚廣告曲，呈現出都會自主新女人嘅風貌，佢亦開啟咗歌手代言鑚飾嘅風潮，包括莫文蔚、蕭亞軒隨後都分別幫鑽石首飾代言。《答案》就係另外一首動人情歌，配搭香港導演楊凡嘅電影─《美少年之戀》，佢唱出電影中往日情逝嘅深刻，造成電影、專輯雙贏嘅局面。佢同時都幫迪士尼年度動畫大片─《花木蘭》擔任華語版嘅配音員，同演唱華語主題曲《自己》，同樣參與呢部電影華語配音嘅有成龍同吳宗憲。佢表示「我是有一堆想法和靈感，需要的只是時間。事情不做就是不做，要做就一定要做得盡善盡美，所以對自己嘅作品要求非常嚴格，有好多旋律都係喺錄音間同製作人彼此激盪出來的。」8月，發行 碰碰看愛情 EP，除咗「碰碰看愛情」之外，重收錄咗迪士尼電影《花木蘭》嘅英語版主題曲《Reflection》同中國動畫電影《寶蓮燈》嘅主題曲《想你的365天》。

1998年8月2號同15號，佢分別喺台北同高雄舉辦大型售票演唱會「大家都愛CoCo李玟萬人迷演唱會」。呢場演唱會唔單止喺1998年創咗華語歌手舉辦演唱會單場最多人次觀賞嘅紀錄，台北場演唱會重請嚟澳洲知名團體「自然主義」（Human Nature），同佢合唱《默默愛你》。之後喺12月出咗《大家都愛李玟CoCo萬人迷演唱會精采實錄》，隔年（1999年）2月出「大家都愛CoCo李玟萬人迷演唱會精彩實錄」VHS、VCD同DVD三種規格嘅影像紀錄。

之後同新力音樂第一階段約滿。12月，佢正式同美國新力音樂旗下嘅550 Music簽落一紙出嘅2張國際性英語專輯嘅唱片合約，開啟佢以「CoCo Lee」名聲進入國際嘅奮鬥旅程，同時都同台灣新力音樂續約，繼續長久以嚟嘅合作夥伴關係。美國新力音樂都幫CoCo安排同當時正出精選輯嘅歌手Julio Iglesias合唱經典歌曲《When You Tell You That You Love Me》，佢同Julio拍攝MV，呢首歌同時收錄喺Julio當時出嘅精選輯。

1998對佢嚟講堪稱CoCo年，從「DiDaDi暗示」「SunnyDay好心情」到「萬人迷」演唱實況影像大全嘅發行，幫索尼鞏固大片市場江山。1999年5月，今天到永遠 呢張華語大碟，可以話係佢晉升國際舞台後嘅首張華語專輯。造型上重係令人一飽眼福，喺「魔鏡」呢首風格迥異嘅視覺系情境舞曲入面設想2014年嘅人類嘅裝扮配上節奏鮮明嘅歌曲，好獨特，無論曲風、製作品質都呈現出一種國際化、世界觀嘅氣勢。舞曲喺呢次嘅專輯入面佔咗好大嘅份量，佢最叻嘅R&B曲風當然都冇被遺漏，而喺「完整」入面釋放有掠奪性嘅情緒，轉音表現都好豐富。另外香港音樂大師鮑比達所製作嘅「真心話大冒險」係一首30年代style嘅Swing Dance。呢種Swing Dance嘅曲風係佢首次嘗試，但就係佢鍾意都唱得最High嘅一首歌。

1999年10月，佢喺美國出英文專輯《Just No Other Way》。1999年後期喺新力唱片公司嘅強力支持下，知名度大增。跨出咗佢國際歌手嘅第一步。

2000年1月，《The Best of My Love 新歌加精選》，係佢加盟新力後嘅首張精選，收錄咗佢從1995年至1999年最經典嘅20首國粵語歌曲，最特別嘅係重收錄咗佢喺現代派時代嘅成名曲《我依然是你的情人》。出道到依家，佢喺服飾上帶動咗新嘅潮流，每次出專輯都可以出最新嘅髮型同衣裝，引起熱門話題。

2000年8月，《真情人You & Me》嘅發行啟動咗新力A計畫，將世界音樂帶畀華人係呢一次嘅主軸，首波主打真情人，再度表現出佢多元唱腔，喺呢張專輯入面，佢改變之前嘅假音唱腔，用咗好多渾厚有力嘅中低音部分，喺表現熱情活力嘅拉丁曲風時，重可以令人感受到嗰種熱力四射嘅魅力。

2001年10月，從3月上奧斯卡、北京同莫斯科申援奧運到中國大陸巡迴演唱會嘅佢隔咗一年幾喺呢度出華語專輯《Promise CoCo》，首隻主打歌《So Crazy》係流行嘅HIP-HOP。

2002年6月，發行愛琴海新歌同電音精選。

2005年3月，等咗全球樂壇3年，天后CoCo第2張英文專輯火熱出咗，叫做《Exposed》嘅全新英語專輯，剩係製作費就用咗美金100萬元，叫做全亞洲製作費最高嘅一張唱片，由Celine Dion、Mariah Carey嘅御用製作人Ric Wake操刀。英語專輯先啱啱出做咗「三冠王」，一舉登上G-Music、亞洲唱片、五大唱片3榜西洋榜嘅冠軍。

2006年9月，闊別華語樂壇4年，李玟大碟《要定你》出咗。將當時全球當紅嘅Hip Hop、R&B同Pop元素融合，加上佢快慢皆宜、足以駕馭各種高難度歌曲嘅唱將級嗓音，呈現出專屬於佢嘅全新味道。《要定你》專輯係佢出道以嚟製作期最耐、製作費最高嘅一張專輯。

2008年5月，佢歷年嚟成長嘅軌跡精心整理，出《1994-2008 Best Collection》，雙CD30首嘅豪華陣容收錄咗4首未曾曝光嘅秘密珍藏全新公開，重跨公司收錄從李玟入行以嚟嘅中英文代表歌曲，從初綻光芒一鳴驚人嘅成名曲《我依然是你的情人》到首位華人站上奧斯卡典禮表演嘅《月光愛人》等重點歌曲全都收錄。《CoCo李玟 1994-2008年 豪華典藏精選》收錄4首之前錄製完成未曾發表嘅祕密單曲，包括融合嘻哈節奏同異國風嘅舞曲「撒哈拉冰室」、情緒深沉唱功好好嘅節奏靈魂藍調《是真的愛你》、中板smooth R&B《我和愛人和我》，同中東異國風肚皮舞曲《冥想愛》。呢幾首歌都係之前為準備《要定你》專輯先錄製，但當時因為考量專輯整體風格而冇收錄到。呢張精選輯入面跨廠牌收錄咗2首李玟喺現代派時期嘅熱門歌曲，包括初出道一鳴驚人嘅成名曲《我依然是你的情人》、經典抒情歌《被愛的女人》，同埋喺SONY BMG期間登上天后級地位嘅大Hit歌曲，包括1998年全亞洲最好賣大碟，銷量超越180萬張嘅《Di Da Di》，KTV大熱門K歌《暗示》、《過完冬季》、電影《美少年之戀》嘅主題曲《答案》、各大歌唱比賽參賽者最鍾意挑戰嘅高難度歌曲《往日情》、《愛你愛到》、《第九夜》，同動感熱歌《真情人》、《So Crazy》、《DiDaDi》、《Hip Hop Tonight》、《要定你》、《愛我久一點》等華語樂壇「國歌」級熱門好歌。另外都有佢首次同周杰倫合作，周杰倫量聲寫歌親自合聲嘅中國風舞曲《刀馬旦》，同李宗盛首次跨出滾石幫佢打造嘅《完整》。佢重係少數能以英文專輯登陸世界樂壇嘅華人歌手，『CoCo李玟 1994-2008年 豪華典藏精選』入面就收錄咗「Runaway Bride 落跑新娘」電影原聲帶入面佢升西洋國際樂壇嘅首支試金作品《Before I Fall In Love》，都令佢成為華人首位喺奧斯卡頒獎典禮現場獻唱，提名美國奧斯卡最佳電影主題曲《A Love Before Time》，電影「臥虎藏龍」嘅華語版《月光愛人》；當然重有打入Billboard同世界各大排行榜嘅英文單曲《Do You Want My Love》、《No Doubt》等歌曲。

大國大熊星時期[編輯]

2009年8月，登咗近3年，李玟出咗全新華語專輯《CoCo的東西》，加入大國文化，同音樂人姚謙喺返埋一齊，長達2年嘅時間完成呢張專輯，成個專輯無論係音樂、企劃，都融合咗東方、西方嘅概念，呢啲都同佢有關，都符合依家流行音樂東西方整合嘅觀點。而佢呢隻碟「CoCo的東西East to West」專輯先入榜就升到ezPeer+第2同KKBOX第5。同時5大唱片行華語榜首週冠軍。2011年8月14號喺TVB出現。

環球時期[編輯]

2013年，《盛開》專輯綻放喺2013年5月29號，係一張首次由環球唱片出嘅冠軍華語專輯，一出就佔所有冠軍榜面，證明天后出輯重係好有魅力，主打歌叩叩以敲打心門嘅方式正式宣告天后再臨嘅氣勢，希望能夠敲開所有銷售榜嘅冠軍。能不能係一首標準R&B情歌絲絲入扣搭配偶像劇，親愛的我愛上別人了嘅片頭曲，唔到一個月即有百萬點閱率。Stuck on u 偷心賊重係華語樂壇中少見嘅曲風，URBAN STYLE嘅完美唱腔令人體會到，佢正式宣告女神再臨誰與爭鋒嘅氣勢。第四波盛開係佢少有嘅搖滾風格，經由佢演譯駕輕就熟，曲目入面有一段飆高音部分係一首精湛嘅年度搖滾曲目。想念你的夜係流行樂團蘇打綠主唱青峯幫佢專屬量身打造重係2013 K歌首選，情緒濃的話不開，畀老公都係畀歌迷朋友最深刻嘅思念。最後一波I just wanna marry u 洋溢濃濃幸福係2010CoCo世紀婚禮嘅國語第一主題曲。成張專輯係歌手最靚嘅時候盛開，唔只第一，重係唯一。引發搶購熱潮。

2015年，加盟電影《梔子花開》客串演出。加盟《星動亞洲》擔任導師，節目將全程喺韓國錄製、拍攝、製作、執行都由韓國團隊負責，中國安徽衛視同韓國MBC電視台喺7月份同步播出。

《我是歌手》第四季[編輯]

2016年1月，加盟湖南衛視《我是歌手》第四季、為首發歌手，喺4月8號總決賽攞咗歌王。

我是歌手第四季 李玟競演排名
期數 輪數 播出日期 演唱歌曲 原唱 歌曲介紹 排名 得票率 出場序 備註
1 第一輪排位賽 1月15號 《想念你》 庾澄慶 詞：吳正奇、林　愷
曲：庾澄慶、李正帆
編曲：梁翹柏		 6 9.05% 3 歌手互投第1名
2 第一輪淘汰賽 1月22號 編曲：趙增熹 1 26.30% 8 個人最高排名
歌手互投第1名
兩場總成績第1名
獲得389票
前奏加入James Brown嘅《It's a Man's Man's Man's World》
《愛的初體驗》 張震嶽 詞／曲：張震嶽
《Satisfaction》 The Rolling Stones 詞／曲：Jagger–Richards
3 第一輪踢館賽 1月29號 《Price Tag》 Jessie J、B.o.B 詞／曲：Jessie J、Lukasz Gottwald、Claude Kelly、B.o.B
編曲：Nick Pyo		 2 不詳 7 歌手互投第1名
4 第二輪排位賽 2月5號 《你》 蕭敬騰 詞：蕭敬騰
曲／編曲：陳奐仁		 4 13.49% 6 歌手互投第3名
5 第二輪淘汰賽 2月12號 《Nobody》 Wonder Girls 詞／曲：朴振榮、李宇石
編曲：Nick Pyo		 1 23.39% 4 個人最高排名
歌手互投第2名
兩場總成績第1名
獲得348票
6 第二輪踢館賽 2月19號 編曲：Nick Pyo 4 不詳 3 —
《喜氣洋洋》 徐小鳳 詞：鄭國江
曲：五輪真弓
《寶貝對不起》 草　蜢 詞：謝明訓
曲：A.Chotikul
《Sha La La》 Walkers 詞：Poul Dehnhardt
曲：Torben Lendager
7 第三輪排位賽 2月26號 《What's Up》 4 Non Blondes 詞／曲：Linda Perry
編曲：梁翹柏		 1 24.26% 4 個人最高排名
歌手互投第1名
8 第三輪淘汰賽 3月4號 《我真的受傷了》 張學友 詞／曲：王菀之
編曲：劉志遠、符元偉		 7 3.68% 2 個人最低排名同得票率
兩場總成績第3名
9 第三輪踢館賽 3月11號 《Stay With Me》 Sam Smith 詞／曲：Sam Smith、James Napier、William Phillips、Tom Petty、Jeff Lynne
編曲：唐　達、Nick Pyo		 2 不詳 5 歌手互投第1名
10 第四輪排位賽 3月18號 編曲：Jae Chong 5 12.78% 7 —
《不潮不用花錢》 林俊傑 詞：林俊傑
曲：林怡鳳
《Adventure of a Lifetime》 Coldplay 詞／曲：Guy Berryman、Jonny Buckland、Will Champion、Mikkel S. Eriksen、Tor Erik Hermansen、Chris Martin
11 第四輪淘汰賽 3月25號 編曲：Starr Chen、廖偉傑 2 19.25% 2 兩場總成績第3名
晉級總決賽
《Bad Romance》 Lady Gaga 詞／曲：Lady Gaga、RedOne
《Sweet Dreams》 Eurythmics 詞／曲：Eurythmics
12 突圍賽 4月1號 首發歌手進入總決賽
13 總決賽第一輪 4月8號 《Earth Song》 Michael Jackson 詞／曲：Michael Jackson
編曲：梁翹柏		 1 不詳 3 個人最高排名
幫唱嘉賓：Ne-Yo
晉級第二輪
總決賽第二輪 《月光愛人》 李　玟 詞：易家揚
曲：Jorge Calandrelli、譚　盾
編曲：許　明		 1 53.29% 6 個人最高排名同得票率
14 2016雙年巔峰會 4月15號 編曲：林欣彥、廖偉傑 — 11 —
《I Will Survive》 Gloria Gaynor 詞／曲：Freddie Perren、Dino Fekaris
《Survivor》 Destiny's Child 詞／曲：Beyoncé、Anthony Dent、Mathew Knowles
《Run The World (Girls)》 Beyoncé 詞／曲：Terius Youngdell Nash、Beyoncé、Wesley Pentz、David Taylor、Vybz Kartel、Nick van de Wall
2017巔峰會 4月22號 《Happy》 Pharrell Williams 詞／曲：Pharrell Williams
編曲：Terence Teo		 — 8 —

個人音樂專輯[編輯]

依序 專輯名 專輯類型 語言 發行日期 發行公司 曲目
1 《愛就要趁現在》 專輯 國語 1994年6月15號 現代派唱片

曲目

2 《答應我》 專輯 國語 1994年12月23號 現代派唱片

曲目

3 《Brave Enough To Love》
（勇敢去愛）		 專輯 英語 1995年6月 現代派唱片

曲目

4 《被愛的女人》 專輯 國語 1995年9月 現代派唱片

曲目

5 《你在我心上演唱會全紀錄》 演唱會專輯 國語 1995年12月 現代派唱片

曲目

6 《CoCo李玟同名專輯》 專輯 國語 1996年6月14號 Sony Music

曲目

7 《情人被愛精選輯》 精選輯 國英語 1996年8月2號 現代派唱片

曲目

8 《CoCo's Party》 專輯 英語 1996年11月25號 Sony Music

曲目

9 《每一次想你 Sincere》 專輯 國粵語 1997年5月14號 Sony Music

曲目

10 《李玟CoCo同名專輯》 專輯 粵語 1997年5月14號 Sony Music

曲目

11 《玟風起舞》 精選輯 國語 1997年9月 現代派唱片

曲目

12 《Di Da Di 暗示》 專輯 國語 1998年1月13號 Sony Music

曲目

13 《五顏六色 Di Da Di》 單曲 國語 1998年4月2號 Sony Music

曲目

14 《Sunny Day 好心情》 專輯 國語 1998年6月30號 Sony Music

曲目

15 碰碰看愛情 單曲 國英語 1998年8月14號 Sony Music

曲目

16 大家都愛CoCo李玟
萬人迷演唱會精彩實錄		 演唱會專輯 國英語 1998年12月17號 Sony Music

曲目

17 《今天到永遠》 專輯 國語 1999年5月27號 Sony Music

曲目

18 《Just No Other Way》 專輯 英語 1999年10月30號 550 Music

曲目

19 《The Best of My Love》
第一張全紀錄精選		 新歌+精選 國粵語 2000年1月28號 Sony Music

曲目

20 《Do You Want My Love》 單曲 英語 2000年2月7號 550 Music

曲目

21 《真情人 You & Me》 專輯 國語 2000年8月24號 Sony Music

曲目

22 《Whenever You Go》 單曲 英語 2000年9月21號 550 Music

曲目

23 《Promise》 專輯 國粵語 2001年10月12號 Sony Music

曲目

24 《d.is.coco》
愛琴海新歌+電音精選		 新歌+精選 國粵語 2002年6月18號 Sony Music

曲目

25 《Exposed》 專輯 英語 2005年3月25號 Sony Music

曲目

26 《要定你》
第九夜（中國版專輯名稱）		 專輯 國語 2006年9月22號 Sony Music

曲目

27 《 I Have A Dream》 數碼單曲 國語 2008年5月1號 大國大熊星

曲目

28 《1994-2008年豪華典藏精選》 新歌+精選 國英語 2008年5月16號 Sony Music

曲目

29 《我愛看電影》 數碼單曲 國語 2008年9月18號 大國大熊星

曲目

30 《BYOB》 數碼單曲 國語 2009年4月17號 大國大熊星

曲目

31 《 CoCo的東西》
East to West		 專輯 國語 2009年8月14號 大國大熊星

曲目

32 CoCo的東西2010美夢限定版 專輯 國語 2010年3月17號 大國大熊星

曲目

33 《四海》 數碼單曲 國語 2010年12月27號 環球唱片

曲目

34 《I Just Wanna Marry U》 數碼單曲 國英語 2011年10月24號 環球唱片

曲目

35 《最完美-影音典藏精選》 精選輯 國語 2012年2月24號 Sony Music

曲目

36 《盛開》 專輯 國語 2013年5月31號 環球唱片

曲目

37 《18》 數碼單曲 國語 2017年1月17號 CL Production

曲目

派台歌曲成績[編輯]

派台歌曲成績
大碟 歌曲 903 RTHK 997 TVB 備註
1993年
火熱動感93勁秋版 愛情傻戀La La La 4 -   1 同華星群星合唱
1995年
愛就要趁現在 我依然是你的情人 - 16 - -
1997年
每一次想你 Sincere 虛線 - 10 - -
CoCo 真的想見你 - 7 - -
CoCo 下次小心 12 15 - -
CoCo 2090年再愛你 6 13 - - 跨年上榜
1998年
Di Da Di 暗示 美麗笨女人 16 - - -
Di Da Di 暗示 Di Da Di - 1 - 5
5顏6色 Di Da Di 顏色 13 4 8 8
好心情 好心情 15 6 12 -
好心情 答案 16 - - -
1999年
今天到永遠 魔鏡 - 1 18 4
Sun力量 - 3 - - 同黎明、Puffy合唱
「太陽計劃1999」主題曲
今天到永遠 再見一面 - 19 - -
2000年
真情人 You & Me 真情人 - 3 11 -
2001年
想念 2001的留言 17 - - - 同伍思凱合唱
Promise 好來好往 16 1 1 1 三台冠軍歌
Promise 刀馬旦 17 3 - 2
Promise Baby對不起 - 10 4 -
2002年
discoco 愛琴海新歌+電音精選/他在那裡 煙絲萬縷（從頭到尾） - 3 - - 同張學友合唱
香港電台無煙系列2002主題曲
2006年
要定你 第九夜 - - 12 -
2007年
要定你 愛在85℃ - - 4 -
2008年
CoCo的東西 East to West I Have A Dream 19 18 1 -
2010年
CoCo的東西 East to West 流轉 19 - - -
2013年
盛開 叩叩 8 - - -
盛開 能不能 - - - -
2016年
如果時間剩一秒 - - - - 同蕭敬騰合唱
各台冠軍歌總數
903 RTHK 997 TVB 備註
0 3 2 2 四台冠軍歌總數：0

（*）上緊榜

事件一覽[編輯]

事件一覽

演出電影[編輯]

年份 電影名 演員 導演 上映日期
2002年 無煙草－煙絲萬縷 李玟、張學友 關錦鵬
2004年 自娛自樂 尊龍、李玟、陶虹、夏雨 李欣
2015年 梔子花開2015 何炅

演出電視劇[編輯]

年份 電視劇名 角色
2017年 求婚大作戰 歌手

配音[編輯]

年份 電影名 演員 導演
1998年 花木蘭（聲音演出） 李玟、成龍、吳宗憲 （迪士尼年度動畫巨獻）

得獎記錄[編輯]

得獎記錄

個人生活[編輯]

阿爸係印尼華人。2011年10月27號，同愛情長跑8年嘅加拿大籍富商男友、利豐集團執行總裁樂裕民（英文：Bruce Rockowitz）（Bruce Rockowitz，1958年10月24號－）[8]，結婚，婚禮揀喺香港最高嘅天際100大樓舉行[9][10]，為咗避開媒體，重安排私人直升機接送賓客，嗰場婚禮眾星雲集，包括奧花雲費、般奴馬斯、碧昂絲等藝人都應邀出席。婚宴費用用咗約6億台幣，打破港台紀錄。

參考[編輯]

  1. ↑ 1.0 1.1 〈星運因名字而改變？藝人真名紀錄冊大公開〉 (中文). 大紀元時報. 2003-02-21. 原著喺2016-05-05歸檔. 喺2016-04-13搵到. （李玟的原名是「李美林」）（大陸簡體） 互聯網檔案館嘅歸檔，歸檔日期2017年12月8號，.
  2. ↑ 2.0 2.1 2.2 邱國強 (2016-04-09). 〈我是歌手4總決賽 李玟奪冠〉. 北京: 中央社. 原著喺2016-04-13歸檔. 喺2016-04-13搵到.
  3. ↑ 3.0 3.1 3.2 馮昭 (2016-04-08). 〈我是歌手4 首次非大陸歌手奪冠〉. 上海: 中央社. 原著喺2016-04-12歸檔. 喺2016-04-13搵到.
  4. ↑ 〈李玟講述甜蜜愛情 自曝與男友前妻成好友 - part 1 (00:21)〉. 2009. 喺2011-11-20搵到.
  5. ↑ Coco Lee Hits the Ground Running, LA Times.
  6. ↑ 〈李玟明日武漢下葬　墓地設紀念展同日開幕〉. 《東網》 (香港中文). 喺2023-10-20搵到.
  7. ↑ 劉淑娟 (2016-04-08). 〈首位非中國籍冠軍 我是歌手4李玟奪魁〉. 湖南長沙. 原著喺2016-04-24歸檔. 喺2016-04-10搵到.
  8. ↑ Rockowitz parties in style
  9. ↑ Tycoon Talk - Episode 2 - Bruce Rockowitz & CoCo Lee (1/2) - TVB Peral Youtube
  10. ↑ Tycoon Talk - Episode 2 - Bruce Rockowitz & CoCo Lee (2/2) - TVB Pearl YouTube

出面網頁[編輯]

由「https://zh-yue.wikipedia.org/w/index.php?title=李玟&oldid=2103858」收