【解決師.專訪】楊柳青全祼出浴備受關注:去到現場都幾尷尬|香港01|即時娛樂

【解決師.專訪】楊柳青全祼出浴備受關注:去到現場都幾尷尬

撰文:秦志鴻
出版:更新:

楊柳青(Wiyona)近日因為在無綫台慶劇《解決師》中的兩場戲而深受觀眾歡迎,一場是與李天祥一起拍攝的全裸出浴戲;另一場是在遊艇穿性感比堅尼引誘溫家偉。

重溫一下楊柳青的精彩演出:

+2

「其實我本身以為自己個接受能力都幾大,但當去到現場係都幾尷尬。」Wiyona說,「最重要係天祥令我完全冇尷尬,因為佢全程係望住個天花板冇望過我,令我係好放心咁企喺佢前面,然後roll咗機,佢先至望住我做戲。」

楊柳青,英文名Wiyona今年32歲,2006年做模特兒入行,近年轉戰影視圈。(梁碧玲攝)

臨時全裸

其實《解決師》是Wiyona在無綫的第二套作品,2017年已獲知名TVB監製劉家豪看中,加盟《溏心風暴3》飾演Jenny一角,而最令觀眾印象深刻的,就是她靈活的身手以及膝撞黃宗澤的一幕。今次Wiyona能參演《解決師》,亦是由家豪哥提攜,但今次Wiyona不需要打鬥,反而是一名性感女秘書Tracy,至於該場全裸出浴戲,原來是接拍後才收到「加場」通知,她憶述:「本身係聽聞唔係咁樣拍嘅,但有個女導演就覺得,天祥啲戲就主要淨係打,忟憎啦,所以佢嘅戲就多數都係打鬥、嬲呀咁,如果有一場係Soft啲,去平衡返,咁觀眾嘅感覺就會唔同,所以先多咗一場咁嘅戲。」

Wiyona透露,當日的出浴戲拍攝得非常順利,只花了半小時。(梁碧玲攝)

全祼上陣最緊要夠靚

Wiyona收到加場通知後並沒有卻步,反而視之為一項挑戰,所擔心的亦不是走光:「我第一時間同自己講最緊要靚!同埋個身形最緊要好!但好可惜出到嚟個效果我覺得係可以改善。我覺得個身形可以再firm啲,同埋可能我之前曬過,見到有啲比堅尼印,我會想做返好啲。」Wiyona表示,這一場戲是她入行13年以來尺度最大的工作:「之前做模特兒,影啲健康產品、相機,就算係淋浴廣告都只會騷頭膊頭,所以最開頭我都有少少擔心阿爸阿媽睇到。」

楊柳青十件你不知道的小事 陳貝兒竟然係學習目標

Wiyona透露當年做模特兒時收入不俗,亦經過模特兒行業盛行的時段:「無論係拍廣告定係行騷,啲錢都比較多,收入都幾可觀。(而家?)演員就唔同囉。因為其實最初由模特兒轉做演員,係可以係完全冇收入,然後積蓄慢慢用吓用吓就冇晒,咁個人嘅壓力就會愈嚟愈大,又冇安全感。」(梁碧玲攝)

楊柳青為性感戲份食去水丸:唔希望出嚟效果有水腫感覺

模特兒變打女

全裸演出最緊要身形好,這或者是Wiyona入行後從事9年模特兒有關。不過,性感演出並不是Wiyona的目標,由模特兒轉戰演員的她,由第一刻下決定開始已決定要做一名出色的打女:「我覺得係時候要改變,主持我試過,覺得唔太適合,咁就演員喇!不過,靚過我嘅人又有,身材好過我嘅又有,咁你點先可以令到觀眾認得你呢?我自問自己,除咗捱得之外,都冇乜賣點喇。」Wiyona直言,她是希望可以成為繼楊紫瓊和楊盼盼那一代之後為人所認識的打女:「而家年輕一輩,好似都冇乜打嘅女演員,所以我先決定冷門少少,咁如果真係需要到武打演員嘅時候,咁我咪會係頭幾個選擇囉!」

擺甫士對Wiyona而言,輕而易舉。(梁碧玲攝)

討厭肌肉

「我做模特兒嘅時候,我係唔做運動嘅,嗰時做運動係同我完全冇關係!」雖然Wiyona一早已決心做打女,但做打女的後遺症,卻是她最不樂見的,更曾討厭自己:「有一段時間唔想照鏡,覺得自己好核突,點解呢度一嚿嗰度一嚿?初初轉做演員,個心理係好唔平衡,因為以前做模特兒,嗰個工作係你嘅就係你嘅,唔係你嘅就唔係你嘅,改期就改期,唔會就冇咗,冇咁多變動,變相嗰時個心態上係未調節到,嗰段時間自己好唔開心,諗嘢做諗埋一邊,諗自己個決定係咪正確,我練咗咁耐,腳又傷晒,對腳又粗咗,又好似未真係有人搵我拍打喎!係咪要放棄呢?但又翻唔到轉頭?」

楊柳青拍《催眠.裁決》演女殺手 唔怕開槍卻被另一場戲難倒?

自從變成打女,楊柳青的小腿的肌肉變得結實。(梁碧玲攝)

「但我細佬就同我講咗一句說話,令我改變咗自己嘅睇法,因為之前我係為咗做武打演員而去Train,唔享受,純粹係迫自己去達成目標嘅啫。佢話如果我係因為要做而唔去享受個過程,而係去因為見到有成果嗰個成就而做,咁你係唔會做得開心。」事後Wiyona嘗試改變自己的心態,將自己的美定義成「健康美」,加上鍛練後獲得朋友讚賞,令她愈來愈有成功感:「夢想這條路既然行上了,仆著也要走完。」

對一般演員而言,被定型是一個發展的障礙物,因為這樣會令自己的戲路收窄,但Wiyona卻樂於被定義為「打女」:「我唔介意做成世嘅武打演員。我有心理準備有段時間可能會有人覺得,楊柳青淨係識打㗎咋喎,未必識得演。」(梁碧玲攝)

打女的操練心得

流著模特兒的血液,卻以一頂極大反差的「打女」作為目標,Wiyona至今仍然不愛肌肉,所以對身形要求特別高,尤其是線條方面:「女仔唔可以做太多重力訓練,例如橡筋,同埋個組數同下數可以做多啲,但就唔好做咁重,同埋我唔會跑步,因為跑步會練到肌肉,去做行路機,不過要較斜度。」除了保持完美線條,作為「武打演員」的Wiyona亦不斷學習各種武術,功夫、兵器、槍械等等,即使並非項項專精:「我要同自己講我係隨時Ready,總之一有機會就好好把握,我唔想有人搵我嗰時,我仲要求對方畀一、兩個月自己去再練。」

+4

楊柳青的操練點滴:

+4
楊柳青,係打女嚟㗎!(劇集造型照)
發表評論...