應攝影師要求，唔用手遮胸，單靠特大乳貼、拍埋隻手臂遮點，背部沾滿髮碎疑似高海寧都好搏喎！
本月中（19日）港姐決賽，只剩2個多星期最後衝刺。4號高海寧（Samantha ）憑34D 上圍行運，雖被指大話精，先被揭改名，再爆女人街出身充豪，但一樣無損人氣，被網友捧為大熱。
女模出身影相多經驗，上週五（27日）港姐大隊到番禺拍三點式，20歲高海寧碧波洶湧成焦點，但卻對記者說參選前十分保守。「我做model 過陣內衣、泳衣job 都唔接架！」
不過本刊得悉，最近髮型界卻流傳一輯疑似高海寧裸照，那名疑似高海寧女子，半裸上身為髮型品牌拍攝造型硬照。拍大膽裸照，港姐賽前爆家醜，無線總經理陳志雲週一對本刊說：「如果嚴重破壞港姐形象，可能要退出！」
疑似高海寧同真正高海寧，真係有好多相似地方，眼啦、鼻啦、嘴啦、面形啦！不過高海寧就話一定冇影過喎！
今年港姐多是非，但要數鋒頭躉一定是高海寧。20歲、就讀理工大學副學士課程的高海寧雖身材出眾，卻自稱保守，不過最近在髮型界流傳一輯疑似高海寧裸照。相片中的女子與高海寧極相似，尤其是面形及眼睛。
左右掩胸影完右邊到左邊，疑似高海寧真係聽晒攝影師話，一D扭計都冇，認真專業！
正常Shot
攝於拍攝裸照同日，另一張疑似高海寧造型照，雖然著左件旗袍，但其實都好性感，高衩旗袍入面似真空喎！
'04參加Elite 同西九龍中心舉辦既model 比賽，冇拿過獎不過就入左行。過陣時高海寧（右）未騷身材啫，如果唔係2R （左一及二）都行埋一邊。
大方除bra據消息人士透露，這輯疑似高海寧裸照攝於07年初，當時疑似高海寧女子，正為一國際髮型品牌擔任model 拍攝造型照，而據知負責該輯硬照的攝影師為行內出名拍裸體寫真，攝影師為求更突出髮型，事前特別要求所有模特兒以tube top 上陣。
當日現場除有身為Elite 旗下女模的高海寧外，還有不少本地混血女模，加上一眾髮型師和化妝師，人數甚多眾目睽睽。尚未選港姐的高海寧，據知只收一般硬照模特兒價，只有八百蚊酬勞。「個個都係著tube top 影，但係佢（高海寧）就咁戴住個bra 就算。」
由於身材出眾，加上攝影師愈影愈有興致。到了影第3個造型時，攝影師為突出髮尾效果，索性叫該女子背對鏡頭，更說：「有個bra 好怪喎，不如除左佢試下啦！」當時在場人士俱十分驚訝，惟獨高照單全收，二話不說就將胸圍除下。
半裸任影疑似高海寧女子即時變為半裸model ，不過攝影師仍未滿足：「其實個髮型側面好靚，你擰側少少就不得了喇！」
抵不住攝影師美言，半裸model 用雙手遮掩其重要部位，然後將身右轉。右轉完之後，攝影師再補一句：「其實你左邊都好靚，我地試下影啦！」接著影了差不多數十張，據知當時連同攝影師及工作人員多達近20人，眾目睽睽下半裸model 亦沒有一點尷尬，還大方半裸，只靠胸前那塊大乳貼遮掩重要部位。
「其實輯相好多人睇過啦，做hair 、make up 好多都知影相過日既事，係最近大家見到有個港姐咁熟口面，先知係佢，咪個個拎番出來講囉！」髮型界人士說。
表面錫身疑似高海寧女子影性感相無底線，不過港姐高海寧就十分「保守」。上週五（27日）港姐到長隆水上樂園取景，一眾港姐穿上三點式玩浪，其間工作人員提供水泡給各佳麗，為爭取曝光各佳麗都爭要訓身攬水泡，惟獨高海寧只選昂後訓型水泡，避免烏身時胸前迫爆。
每當拍攝完一個鏡頭，高海寧必定檢查泳衣有否走位，然後即搵大毛巾「包」身，惜肉如金。
F ：《FACE 》 高：高海寧
F ：咁多人面前著三點式怕唔怕？
高：加勒比海（拍港姐外景）過陣，咁多人真係唔慣，不過今日少人d，所以冇咁驚。
F ：以前做model 有冇試過著泳衣，或者好性感呀？
高：梗係冇啦。我同公司（Elite ）講，我唔會接內衣同泳裝架。我最性感畀左TVB 架喇！哈哈哈！
「我冇影過」雖然高海寧唔鍾意性感，不過對入娛樂圈就相當積極，04年參加Elite 模特兒大賽入行，她更為了參選港姐，未完成其理工副學士課程，明顯想盡快入行。
到了週日（上月29日），高海寧從何文田寓所外出，獨自返電視城，記者直接問她關於裸照流出一事，她先表現愕然驚奇大叫「下」一聲：「我冇影過喎！」問她怕不怕俾無線「照肺」，她卻淡淡定：「我唔驚喎，我都冇影過。我連泳衣相（私底下）都冇影過呀！」
冇做過真係唔使驚喎，做左唔認先得人驚呀！
上週四（26日）出席完《六福珠寶》活動，高海寧同阿媽（左）行街，又咁岩去到女人街。哦！買野者，唔係去開檔！
女人街大既高海寧去完女人街買扇，就同高媽媽行埋波鞋街，仲睇中左對150蚊既女裝皮鞋。
有講有笑
疑似高海寧雖然半裸對住十幾人，不過一d尷尬都冇，被化妝師補妝時仲露笑容，不知幾enjoy ！
就係呢個獨特髮型，搞到疑似高海寧要除埋bra ，仲要左擰右擰俾人影。
Ricky Kwok ：間間唔同做法！
名髮型師郭子輝Ricky Kwok （名模陳嘉容前夫），對於女模要半裸影髮型硬照一事，佢話：「每間髮型屋都有唔同做法喎！視乎個效果係點啦！（你有冇試過呢d情況？）（Ricky 笑了聲）我唔會話畀你知！」
網友愛迫爆今屆港姐質素平均，原本唔太突出的高海寧，自從在《港姐面試實錄》中著三點式上電視後，憑34D 迫爆上圍成為焦點，不斷有網友激讚佢樣靚身材正，更加係多個討論區港姐投票中的top 5！
《港姐面試實錄》入面高海寧只有12秒著三點式，不過已經夠殺，由陪跑即刻升為頂頭大熱。
戶外錫身戰
其他佳麗係咁烏身又訓身，務求攝記影多幾張，但高海寧就懶理，專登揀隻訓係度既浮床。咁又係！34D 上圍，唔使谷都贏幾條街啦！
無線監製錢國偉見高海寧齋訓唔肯烏身，拿拿聲換過隻海豹畀佢坐，但高都坐到條腰直一直，隔籬11號馬賽反而谷實個胸，盡量烏前。
成班佳麗係水度跑，碰撞少不免，d人話5號梁倩汶（右）起爭批高海寧喎！唔信囉，5號有高層照，使乜做呢d野呀！
一拍完，即刻有服裝部女高層幫高海寧執番件泳衣，萬一移位就真係大鑊！
啪骨搶鏡上週六（28日）早上高海寧（紅圈）玩完激流，忽然話扭親頸，更要駐場中醫師即場按摩，仲要去急救室，不過到晏晝又冇事喇！
大胸配高佬34D 高海寧被踢爆有個拍拖2年、同屬Elite 模特兒公司的model 男友Keo L ，兩人更拍下唔少閨房貼面親密照晒恩愛，身高188cm 的Keo 最鍾意學陳冠希藐住嘴影相，咁有明星相，應該學長腳蟹呂慧儀同男友Dickson ，一個港姐一個港男，襯到絕啦！
經常被人踢爆都唔認，惟獨同Keo 拍拖，高海寧就肯認，不過就話已經完全冇聯絡喇。
除為潮流雜誌做model 外，Keo 最近亦幫Sony 拍廣告。男模來講發展算唔錯。
我內衣、泳衣既job 都唔接。真實對白
被問到做model 時有冇影過性感相，高海寧先用毛巾包住身，然後好有信心話冇影過喎！
29/6繼續冇影過
不過到週日（29日）再問一次高海寧有冇影過裸照。佢就面帶驚訝，但依然話：「我唔驚喎！我都冇影過！」
唔認改名
之前因母親改嫁，所以原名沈江莉改為而家高海寧。但未被踢爆之前，就強調自己「姓冇改過，名都冇改過」。
賣街邊檔:被踢爆父親係女人街擺檔賣銀器，不過高海寧就死撐話：「我爸爸係賣銀器，不過唔係係女人街擺檔，佢係做日本同歐洲生意。」
唐樓搬竇:有傳高海寧一直住旺角唐樓，現時住的何文田麗晶樓其實個多月前搬入。不過一問佢幾時開始住佢就話：「唔記得！幾年啦！」
裸照師姐港姐拍裸照，其實高海寧並唔係第一人，之前麥家琪同葉翠翠都試過，前者大熱倒灶；後者贏左冠軍。
93年參選港姐時爆出裸照事件，本屬冠軍大熱的她五強不入。她承認照片是16歲時補習老師男友替她影，亦已申請禁制令禁任何人刊登該輯相。其後她亦多次為雜誌拍下性感照。
04年3月，翠翠為週刊影一輯教讀者如何揀內褲以防感染念珠菌的照片，當時翠翠上身全裸、下身只穿圓點內褲趴在草地，拍足8個鐘只收2千多元。
陳總：可能要退出
「我就冇乜掂過港姐呢個project ，你詳情可以問番Rosa 陳紫蓮小姐。不過佢地參選前一定要老實申報自己做過咩職業，影過咩相。（如果真係影過裸照，係咪要退選?）要睇咩情況，我地會開會了解，如果嚴重影響港姐形象，可能要退出！因為港姐健康形象好緊要！」至於港姐大會總監Rosa 則說：「總之事前佢地係要申報影過乜！」
